العربيه جابت كبالن مرتين فى 16 يوم

**golfawyzz** · 14-12-2010 01:25 PM

السلام عليكم ورحمة الله
دلوقتى انا معايا جولف 1
العربيه من ناحية اليمين جابت كوبلن من حوالى 16 يوم كده والعربيه وقفت فى مكانها ومرضتش تتحرك واديها الغيار ولا كانه موجود
غيرت راس كوبلن والحياه بقت تمام والعربيه مشيت
جت امبارح ونفس الموضوع حصل ومرضتش تتحرك والكوبلن فلت برضو
السؤال بقى ... ايه السبب ان الموضوع ده بيتكرر معايا
الموضوع ده حصل فى ناحيه واحده اللى هى ناحية اليمين

انا جه فدماغى اروح اكشف على الجنط ليكون فيه رفه او اى حاجه او محتاج ترصيص .. لانه ممكن يكون السبب .. لانى شاريه يوزد

ياريت الافاده من الاعضاء

**mbx4e** · 15-12-2010 07:20 PM

هل الفك والتركيب كان بطريقة سليمه
طريقة الشغل
نوع الكبالن ومقاسها المناسب
ياما عندك عيب بيحمل على الكبالن فتتكسر
هو حضرتك ساكن فين عشان في ورشة واحد مشهور (احمد عمر بتاع الكبالن في شارع احمد عصمت متفرع من جسر السويس) لازم طالما المشكله دي اتكررت في الكبالن تروح لحد متخصص في الكبالن عشان الناس المتخصصه هي اللي تقدر تحدد العيب فين وبتبقى فاهمه شغلها صح وتتحمل نتيجة المخاطره الماديه او غيره
لما تيجي تجيب حاجه لازم يبقى عليها ضمان انها تكون شغاله حتى لو كانت استيراد
عربيتك ايه ؟

**ahmed1981** · 15-12-2010 09:12 PM

ممكن الأكس ملووح مثلاً
عموماً لازم ميكانيكي كويس يشوفها

روح لوليد فوليكس أمام سنترال مصر الجديدة بشارع جسر السويس

لو معرفتش توصله خد عنوانه من ورشة سيد عبده عند محطة التعاون اللي قريبة من سنترال مصر الجديدة في شارع جسر السويس باتجاه العباسية

للأسف سيد عبده مبيشتغلش في الجولف1

**tomm** · 19-12-2010 08:47 PM

اكشف على لحامات الجنب الايمن كلة لان الشاسية اذا فتح اى تحرك جة الخارج يؤدى الى خروج رأس الكوبلن من مكانة داخل الفتيس و بالتالى تلف رأس الكوبلن و عدم تعشيقة فى الفتيس و توقف السيارة .
الحل
-الذهاب لبتاع زوايا و الكشف على لحامات الشاسية الامامية و خاصة الجانب الايمن و تحديد طول الفتح فى الشاسية و اماكن الشروخ فى الصاج
- الذهاب لسمكرى كويس و عمل زرجينة ( اداة للم الشاسية او فتحة ) وفقا لتوصية بتاع الزوايا للوصول للشاسية لحالة الفابريكة ثم اجراء اللحامات اللازمة للشروخ ولا تبخل اذا ما اقتضى الامر فك المحرك لاجراء اللحامات بشكل جيد
- الله الموفق .