الموضوع: عايز أعرف ايه أفضل مقويات للمناعة

بص اقولك على حاجه من الاخر قالها لى د.صلاح الغزالى

1- معلقه كبيره الصبح من عسل النحل : بس خذ بالك ان فيه انواع مضروبه بيغشوها بجلوكوز و مياه مقطره الاضمن تجيب نوع معروف زى امتنان او التمساح من محل معروف او سوبر ماركت كبير زى كارفور او سبينس او ابوذكرى او الاضمن هات العسل اللى بيتباع فى اى منفذ بيع من بتوع وزاره الزراعه او الجيش

2- معلقه صغيره الصبح من زيت حبه البركه المركز : و ده هتلاقيه عند العطار بس خذ بالك المركز يبقى ثقيل زى زيت الفرامل كده مش خفيف زى المياه

3- بعد الغذاء كوب عصير كبير من اى فاكهه موجوده فى السوق (برتقال - جوافه - فراولة - ....)

4- فى وسط اليوم او بالليل كوب جنزبيل ساخن عليه3-4 ملاعق سكر