اخيرا بقيت تويوتاويه واستلمت الياريس بعد حروب وصولات وجولات عشان اقرر اشترى اى نوع
واشتريت الياريس الحمد لله لونها بترولى والعربيه جميله وناعمه جدا اول يوم بصراحه كنت بعيط وخايفه جدا من العربيه
لانى مش متعوده على الاتوماتيك ومجرد مالمس البنزين خفيف جدا كنت بخاف

بس هقولكم على سر انا لسا مرخصتش العربيه يا دوب والاستاذ توك توك الغير محترم طبعا قتل لى الفانوس الخلفى :(:(:(:( وقال ده قتل خطاء

مش هخبى عليكم لو كنت شفت التوكتوك ده كنت حطيته فى شنطه العربيه وحبسته سنه :D:D:D

جاب لى الفانوس فى الارض وجررررررررى الندل :o الحمد لله قدر الله وما شاء فعل

اقولكم تانى غلطه حصلت بئه بس محدش يزعقلى

المعرض سلمنى العربيه فيها بربع جنيه بنزين بالظبط فدخلت اقرب بنزينه ووقفت فى طابور البنزين اصل البينزينه كانت زحمه مكتوب فوق 92
لما جاه الدور عليا الراجل قالى مفيش 92 فيه 90 بس وبما ان عربيتى مفيهاش بنزين يوصلنى اى حته رحت فولت العربيه 90 من الغيظ