الموضوع: كنت هموت أمبارح علي الدائري

اهم حاجه ان الحمد لله انت بخير وربنا يستر علينا ويكفينا شر الطريق

الله يسلمكوا
الحمد لله علي كل حاجة

طيب و الله أنا كنت النهارده على الدائري و شفت عربية محمله مواسير بطريقه فعلا متخلفه و كنت وراه و قلت لازم أبعد عنه عشان لو حصل حاجه
و الحمد لله إنك محصلكش حاجه

المشاركة الأصلية كتبت بواسطة factorialx

طيب و الله أنا كنت النهارده على الدائري و شفت عربية محمله مواسير بطريقه فعلا متخلفه و كنت وراه و قلت لازم أبعد عنه عشان لو حصل حاجه
و الحمد لله إنك محصلكش حاجه

ده ستر ربنا
النهاردة كنت علي الدائري برضه ... كل يوم :(
6 عربيات نقل محملين بيغرزوا علي بعض
وانا في وسطيهم
قولت كلاكس كدة عشان يحسوا ان في عربيات معاهم
بس :)
مسمعتش حاجة بعد كدة
عادي ... كلاكس نقل كدة من اللي بتسمع أوله وبتنطرش في نصه :)
انا طرت الحقيقة :)

المشاركة الأصلية كتبت بواسطة Amrrr

حمد لله على سلامتك وصح انك كنت عامل حسابك على حاجة زي كدة طبعا لانعدام الضمير ومحدش بيشوف شغله كويس سواء اللي بيحمل العربية او سواق النقل او اي ظابط او امين شرطة شايف عربية زي دي ماشية ومش بيحاول يشوف محمل صح ولا لأ

انا شفت كنبة طارت من نص نقل شايل طقم صالون مثلا او حاجة زي كدة وطارت منه كنبة في وش نيسان صني والصني كانت عاملة زي ماتكون دخلت في عربية بوشها
وتاكسي طارت منه كرتونة كانت على السقف في صلاح سالم
ومرة موقف كوميدي اوي : عالصحراوي لاسكندرية عربيبة 128 وحاطط شبكة وعليها طبعا شنط وطارت الشبكة كلها بالشنط اللي عليها ونزلت عالأرض وقعدت تزحف مسافة طويلة اوي لحد ماوقفت

ربنا يستر علينا الواحد فعلا زي مايكون بيسوق في need for speed :))))

طاب nfs فيها esc أو حتي alt+f4
انما ده فيها alt+f4 من الدنيا :)
امبارح بس بالليل شوية وعلي الدائري برضه
ماشي 120 علي الشمال
ببص في المراية .... لقيت نور كدة فوق الشنطة بتاعتي
وبعدها كلاكس
دققت شوية لقيت حاجة كدة زي ما تقول عمارق ورايا
وصلت ل 150 وهو برضه فوق الشنطة
طاب أعملك أيييييه
طاب سيبلي فرصة أعديك من شمالي ... طاب عدي من اليمين
قعدت أفكر كدة تمن الشنطة والرفرف اليمين ممكن يبقوا كام :)
لقيت الحكاية مش كويسة
أديته أشارة يمين وزنقته في نقل تانية
وفتحت لقيت ميكروباص أستخبيت جنبه :)

الحمد لله انك عديت و ربنا يحفظنا