الموضوع: حديث تخرج..!!!!!!!!!!!!!!

السلام عليكم اولا

ثانيا انا اول شغل ليا كنت شغال في شركة كمبيوتر وكنت باخد 350 جنية وكان شغلي من مدينة نصر للشروق

وكنت بركب عربية عاملة زي البوكس

هههه ووالله ساعات ال350 كان بيتخصم منهم

بس انا كنت بشتغل علشان اخد خبرة وماحدش يكون ليه فضل عليا

وفي يوم قلت لخالي شوفلي شركة من الشركات اللي تعرفها وكنت عامل cv

عارفين عمل ايه مسك الcv وقعد يتريق عليا

وتدور الايام ويجي هو يسالني علي شغل ودخلتو مشاريع مع ناس والله مايحلمش يقعد معاها وطالع بمكسب من وراها لووووز

ربنا مابيسبش حد ماحنا اتمرمطنا وابهدلنا بس ماخسرناش حاجة بالعكس احنا كسبنا

الواحد طول ماهو بيشتغل في ناس بتشوف شغللك وبتقوللك انت بتاع شغل وتكون عايزاك تشتغل معاها

اسعي ياعبد

لكن نقول ايه ان ماكانش المرتب 2000 عالاقل وعربية ولاب توب وتلاقية مابيعرفش يعمل حاجة عالاب غير انو يفتح ال face pook

ربنا يرحمنا

المشاركة الأصلية كتبت بواسطة hazemhany

يا جماعة انتوا ظالمين حديثي التخرج ظلم بين يعني ...
اولا مش كل حديثي التخرج بهايم زي ماانتوا بتقولوا لأ فيه شباب زي الفل وبتلاقيه فاهم في تخصصه جامد وقاري ومطلع ونزل تدريب في كذا حته وشاف حاجات كتيرة ..بس اكيد تنقصه الخبرة العملية اللي هيا اكيد هتيجي مع الشغل والاحتكاك بجو العمل ..
ثانيا لازم يا جماعة يبقي فيه حد ادني لاجور حديثي التخرج يعني لو هوا كويس وعدا انترفيو والامتحانات يبقي الراجل ده اكيدكويس ,, وانا مش بقول3000 جنيه بداية بس ع الاقل لو هوا مؤهل للعمل فعلا يبقي فيه حد ادني ليه يقدر يعيشه ويكفي احتياجاته الاساسية فقط مش هنقول يشتري شقة ولا يجهز ولا الحاجات دي ..اتعرض عليه اقل من كده يبقي سوري يعني بيهين نفسه وواقع تحت استغلال صاحب العمل ده .. وخير دليل ع كلامي ده فيه شركات كتير محترمة والبنوك كمان بتدفع لحديثي التخرج دول مبلغ وقدره من 2500 وانت طالع واديه برضه اسمه عديم الخبرة !!! ....

على فكرة انا متفق معاك فى جزئية ان مش المفروض ان الوضع يبقى كدا

وفعلا حتى لو بيتعلم هو برده هيفيد الشغل ، لكن على عكس المفترض الجو هنا فى مصر لا يقوده اى قواعد او شروط فبالتالى ظروف التعيين تدار بالكامل بفكر اصحاب العمل اللى الغالب الاعظم منهم بيقول ده خريج جديد ومينفعش اديله مبلغ كويس

احنا بقى بنلوم على الشباب اللى بترفض الشغل كله وتضيع على نفسها سنين فى البيت بحجة انى مستنى فرصة كويسة فى حين ان الفرصة دى نصيب وممكن متجيش ولو بعد 10 سنين ، وعلشان هى ممكن متجيش يبقى لازم هو يعمل اى حاجة يقرب بيها نفسه من الفرصة اللى مستنيها

اكيد محدش يحب يشتغل بمبلغ تافه ولا حد يوافق صاحب العمل على كدا ، بس حلاً للأزمة الواحد لازم يبهدل نفسه علشان يلاقى مكان علشان فرص الشغل مع الاماكن اللى بتديرها عقليات واعية محدودة قوى فى مصر

وملحوظة من واقع عملى ، فى مصر الدراسة حاجة ( حتى لو كانت فى جامعة خاصة او اجنبية ) والشغل حاجة تانية خالص فعلا

ممكن تكون درست كل انواع وتخصصات الشغلانة بس الواقع هنا ليه اسلوب موردش على كتب ولا سمع عنه متخصصى التعليم

الحمد الله انا من اول يوم بعد التخرج نزلت ولفيت على شغل ومن هنا اللى هنا لحد ما اتقبلت فى شركة بس الجيش هوة اللى عطلنى عنها وبعدين خلال فترة دى اخدت كورسات محاسبة ونزلت فى مكتب محاسبة ببلاش وبعدين خلصت موضوع الجيش والحمد الله اخدت تاجيل دورت على شغل تانى لحد ما ربنا اكرمنى وقبلت فى ماكنين مرة واحدة ورحت يوم هنا ويوم هنا واخترت اللى اريحلى هما اة مش مجالى اوى بس ليهم علاقة بالحسابات عقبال ماتيجى فرصة احسن واكون كملت باقى الكورسات اللى نقصانى وبالذات الانجلش
بس مايمنعش ان ساعات كتير صحاب الشغل الخاص بيستهبلو وبيبقو عايزنك تعمل كل حاجة مع ان فى ناس اقدم وهما قولى انهم يعملو الشغل دة وجربتها كذا مرة ولقيت عشان ما بعترضش عشان مش عايزاعد فى البيت تانى لقتها هتكون حلوانة فى سلوانة
ربنا يهدى الجميع