الموضوع: كل ما اشوف عيوب اللوجان اخااااااااااااااااااااااا اااااف

يا ريت حد يفيدنى فى كيفية تصفير العداد علشان انا شايف استهلاك كيلو متر و بنزين مش مظبوط ( تهييس فى العداد ) مع الشكر يا وحوش

يا جماعة لازم الحوار يكون موضوعى علشان نقدر نستفاد منه - الموضوع مش تحيز لصالح عربية - العربية دى مجرد وسيله انتقال لا تتعلق بشخصية مالكها - وهيا سلعة او منتج يكون قرار شراءاها مبنى على دراسة إقتصادية و كمان دوافع نفسية متعلقة بالإرتياح لماركة معينة أو شكل معين و كل واحد حر فى رأيه - بس يكون موضوعى .

يعنى مثلاً لو الزمن رجع بيا لورا خمس سنين و جيت اجيب عربية فى حدود ال 60000 - 70000جنيه اكيد كنت هاجيب فيرنا او لانوس وده طبيعى لان مكانش فيه إلا هما بالسعر ده .

وفى ناس ممكن تكون وجهة نظرها ان الهورس باور العالى بتاع الفيرنا ( على ما اعتقد 106 حصان ) ميزة كبيرة لا تعوض فى العربيات المنافسة .

وكل واحد ليه وجه نظر و لا يوجد رأى صحيح بشكل مطلق و إلا كانت العربيات المتاحة بالسوق كلها ماركة واحد .

ولكم وجهة نظرى المتواضعة ـ ان برضو يا جماعة لازم ناخد فى الإعتبار الأوبشنز بتاعة اللوجان فى المقارنة - هنلاقى ميزة سعرية كبيرة ليها عن العربيات المنافسة :

يعنى مثلاً اللوجان الهاف ابوشن فيها ( 2 زجاج كهرباء + سنتر لأبواب و الشنطة + مفتاح مشفر + جنوط وكاوتش 15 - كاسيت سى دى + سخان بالزجاج - بعض الإكسسوارات مثل الطفاية ) و سعرها الرسمى الجديد 65000 وممكن ينزل 1000 جنيه من الموزعين - وهو ده تقريباً سعر العربيات المنافسة و لكن الفاضية تماماً يعنى مافيهاش اى حاجة من دى .

الفول أبوشن فيها كل ده و يضاف إليه ( وساده هوائية - فوج لايت - كمبيوتر رحلات - رفع وتعديل كرسى السائق - 4 زجاج كهرباء - مفاح مشفر بريموت - مريات كهرباء - تعديل مستوى النور من الداخل- اربع سماعات -أضواء بالتبلو ) و السعر يزيد 4000 عن الهاف ابوشن .


والميزة السعرية الموجودة فى اللوجان ناتجة عن اتفاقية أغادير - فالمنتج المغربى المشأ معفى تماماً من الضريبة الجمركية طبقاً لضوابط معينة - ولولا ذلك لكانت السيارة أغلى من كده بكتير و جايز ما كانش حالها مشى فى مصر ذى ما هيا دلوقتى .

وان كان برضوا ان فى أراء شايفة أن العربية غاليه و ان المفروض ان الإعفاء الجمركى كان يخليها ارخص من كده و ان المستورد مغليها شويه لأنه الوحيد اليى بيستورد عربية معفيه من الجمارك و دى حاجه جديدة على السوق المصرى و لسه هوامش الربح مش واضحة و معروفة أوى للمستهلك

المشاركة الأصلية كتبت بواسطة abcabcabc

يا جماعة لازم الحوار يكون موضوعى علشان نقدر نستفاد منه - الموضوع مش تحيز لصالح عربية - العربية دى مجرد وسيله انتقال لا تتعلق بشخصية مالكها - وهيا سلعة او منتج يكون قرار شراءاها مبنى على دراسة إقتصادية و كمان دوافع نفسية متعلقة بالإرتياح لماركة معينة أو شكل معين و كل واحد حر فى رأيه - بس يكون موضوعى .

يعنى مثلاً لو الزمن رجع بيا لورا خمس سنين و جيت اجيب عربية فى حدود ال 60000 - 70000جنيه اكيد كنت هاجيب فيرنا او لانوس وده طبيعى لان مكانش فيه إلا هما بالسعر ده .

وفى ناس ممكن تكون وجهة نظرها ان الهورس باور العالى بتاع الفيرنا ( على ما اعتقد 106 حصان ) ميزة كبيرة لا تعوض فى العربيات المنافسة .

وكل واحد ليه وجه نظر و لا يوجد رأى صحيح بشكل مطلق و إلا كانت العربيات المتاحة بالسوق كلها ماركة واحد .

ولكم وجهة نظرى المتواضعة ـ ان برضو يا جماعة لازم ناخد فى الإعتبار الأوبشنز بتاعة اللوجان فى المقارنة - هنلاقى ميزة سعرية كبيرة ليها عن العربيات المنافسة :

يعنى مثلاً اللوجان الهاف ابوشن فيها ( 2 زجاج كهرباء + سنتر لأبواب و الشنطة + مفتاح مشفر + جنوط وكاوتش 15 - كاسيت سى دى + سخان بالزجاج - بعض الإكسسوارات مثل الطفاية ) و سعرها الرسمى الجديد 65000 وممكن ينزل 1000 جنيه من الموزعين - وهو ده تقريباً سعر العربيات المنافسة و لكن الفاضية تماماً يعنى مافيهاش اى حاجة من دى .

الفول أبوشن فيها كل ده و يضاف إليه ( وساده هوائية - فوج لايت - كمبيوتر رحلات - رفع وتعديل كرسى السائق - 4 زجاج كهرباء - مفاح مشفر بريموت - مريات كهرباء - تعديل مستوى النور من الداخل- اربع سماعات -أضواء بالتبلو ) و السعر يزيد 4000 عن الهاف ابوشن .


والميزة السعرية الموجودة فى اللوجان ناتجة عن اتفاقية أغادير - فالمنتج المغربى المشأ معفى تماماً من الضريبة الجمركية طبقاً لضوابط معينة - ولولا ذلك لكانت السيارة أغلى من كده بكتير و جايز ما كانش حالها مشى فى مصر ذى ما هيا دلوقتى .

وان كان برضوا ان فى أراء شايفة أن العربية غاليه و ان المفروض ان الإعفاء الجمركى كان يخليها ارخص من كده و ان المستورد مغليها شويه لأنه الوحيد اليى بيستورد عربية معفيه من الجمارك و دى حاجه جديدة على السوق المصرى و لسه هوامش الربح مش واضحة و معروفة أوى للمستهلك

الله ينور عليك ..... كلام جميل و منطقي .... تسلم كيبوردك يا شيخ.

الحقيقه انا ما اعرفش عن الفيرنا لكن انا كنت زيك بالظبط واكتر وكنت محتار وبدات المقارنات وانا اساسا ما اعرفش حاجه اسمها لوجان لكن من المنتدى هنا عرفتها وتابعتها وتابعت الفيرنا واللانوس وحصلي زيك خفت شويه وقررت ابعد ولكن الاغلب عندي بعد ما كنت اهدى واصلي استخاره واتابع المواضيع اني قررت اشتري اللوجان وقد كان والحمد لله واللي عايز اقوله لحضرتك ان العيوب دي اللي بتقراها لما تشتري العربيه هتكتش فان كلها كلام فاضي ولا هي عيوب ولا اي حاجه ومايمنعش ان في ناس هيحصلها مشاكل لان الكمال لله وحده لكن اللي يهمنا هو هل المشاكل دي مزمنه او بمعنى تاني هل هي عيوب سياره لايمكن تلافيها والا هيا عيوب وقتيه مع اشخاص متفرقين يعني بدون تكرار عيب محدد مثلا السياره بتسخن الفرامل بتهرب الكلام ده مش موجود

ولعلم حضرتك انا حصلي موقف يمكن الاخوة يفتكروه في اول 3 ايام طلمبة البنزين باظت ايا كان السبب عين حسود او غيره المهم حصلي العيب ده فاجأه وحسيت ان الدنيا بتلف بيا واني اخترت غلط لكن معالجة التوكيل للموضوع بمنتهى الهدوء والادميه وبدون ادنى محاوله للتدليس او المجادله خلاني اقولك وبكل ثقه وبكل امانه العربيه رائعه بسم الله ماشاء الله اداءا ونعومه وقوة تحمل وارتفاع عن المطبات وانا محمل تحميل قاسي وكامل وسحب في السفر ممتاز وثبات اكثر من ممتاز انا شخصيا جبت بيها في السفر لاسكندريه 160 كيلو وانا محمل العيله والشنط ولا كنت بحس اني جبت ال160 الا لما ابص على العداد وللعلم انا بخاف من السرعا ت العاليه ومش متعود عليها بس حبييت اجرب العربيه علشان موضوع الطلمبه وكمان علشان اعرف قوتها ونعومتها في السحب بسم الله ماشاء الله اا عامل بيها دلوقت 7200 كم ومفيش اي شكوى وكمان لما كنت بعملها فرش المشمع للارضيه السروجي عجبته العربيه وتقفيلها مع اني كنت حاسس انه مش حلو بس قالي انا معايا فيرنا وتقفيل اللوجان احسن والله ده كلامه لاني ماشفتش الفيرنا غير ان العربيه واسعه سواء في الصالون او الشنطه وعربيه حمالة اسيه لو شفت صور الحوادث ربنا يكفينا ويكفيك شر الحوادث وكل الناس يارب وكمان شكل العربيات اللي عامله حوادث في التوكيل هتعرف قيمة العربيه بجد سيبك من اي حاجه تانيه

انا العربيه معايا بقالها 5 شهور ومتابعها زيك من اكتر من 6شهور قبل ما اشتريها يعني مش شاريها للتجربه وعملت موضوعين زي موضوعك ده


توكل على الله وهتدعيلي

صدقني هتدعيلي باذن الله مش هتندم لحظه باذن الله كفاية احساسك بالعربيه واحساسك ان وراك توكيل قوي ومحترم ماتخافش وصلي استخاره وتوكل على الله