يا جماعة عاوز اجيب 128 اساسياتها كويسة ومش مهم الموتور واجيبلها موتور جديد رايكم اية؟

**abdalah_hashem** · 15-12-2010 08:38 PM

يا جماعة بما ان العربيات ال 128 سعرها لا يقل عن 16 لو موتور كويس
هل لو انا هشترى عربية اساسياتها كويسة الشاسية نظيف لا باروما ولا لحامات ولا الكلام دة
ومش مهم حالة الموتور عاوزة ميت واشتريلها انا موتور جديد من الشركة الهندسية بتاعت النصر دية واركبهولها

1 * يا ترى العربية دية ممكن تعملها كام ؟؟؟
2 * والموتور الجديد دوة بكام ؟؟
3 * وتكلفة تركيبة ؟؟؟
4 * هل ممكن ابيع الموتور القديم دة لحد ويتصرف فية هوة ؟؟؟
5 * هل ممكن الاقى عربيات اساسياتها حلوة من غير ماتور فى الحتت بتاعت قطع الغيار دية بس تكون حتة واحدة ؟؟

لان مهما كانت حالة الموتور حلوة هيدنة فية اعطال وقرف عند الميكانيكية بقى

**abdalah_hashem** · 15-12-2010 09:42 PM

محدش عارف وللا اية ياريت جوابات عشان انا مشغول بالموضوع دوة قوى

**abdalah_hashem** · 15-12-2010 10:19 PM

هو الموضوع دة بيتكلم عن حاجة عيب وللا حاجة؟؟؟؟

**volk** · 16-12-2010 03:33 AM

ال 128 عموما اهم حاجه تبصلها الشاشيه و الحوض والعفشه

سيبك من الباروما و الموتور كله ممكن يتظبط بس برضوا مش عربيه الباروما وكلاها ؟

بالنسبه للموتور ممكن تسقط ليها موتور اقوي زي الانشيا 1600 ممكن يعمل في حدود 3500 او اكتر او اقل مش متئكد

**abdalah_hashem** · 16-12-2010 04:02 PM

هو الموضوع اتنقل لفين انا لفيت الاقسام مش لاقية فى حتة غير هنا ؟؟

---------------------------------------------------------------------------------

لا الفكرة انى عاوز عربية تكون الشاسية نظيف يعنى البروممة ملمستهاش لا قليل ولا تكون شمت ريحتها
وكنت سمعت ان فى ناس بتجيب الموتور جديد من الشركة الهندسية او شركة النصر دية بس انا عاوز اجيب
الموتور بتاع ال 128 برضة عشان جسم العربية يقدر علية
بس بالنسبة للماتور مش عاوزوة استيراد لانى قريت هنا كتير فى ناس جابتة و بعد مركبتة بشوية لقيتة عاوز نص عمرة او عمرة
فهل اقدر اشترى الجديد دوة ويبقى بكام ؟؟؟ والعربية نفسها هتكون بكام ؟؟؟ عشان الواحد يشوف الجدوى الاقتصادية بتاعتها ايها

**volk** · 16-12-2010 05:12 PM

شوف عايز اقولك حاجه مفيش 128 ملمستهاش بارومه حتي لو العربيه مرفوعه بس سيبك من الباروما مش مشكله مدام مش كتير في العربيه و مدام مش في مناطق مؤثره
يعني طبيعي انك تلاقي بارومتين فوق المساعدين اللي ورا عند البطيخه

و طبيعي تلاقي بارومه عند الرفارف اللي قدام اخرها من وري من باب السواق و اللي جمبه

دي حاجات طبيعيه الانها عربيه قديمه عموما

بالنسبه للموتور انت ممكن تجيب واحده موتورها نضيف و متعمر قبل كده او حتي موتور خفيف محتاج شمبر ولا حاجه

لكن انا مش برجح انك تغير الموتور علطول

لكن لو انت حابب تجيبها و تعدل فيها زي مانا بعمل

يبقي تحط موتور لانشيا 1600 من اي حد تعرفه كويس يكون مجرب

بالاضافه انك قبل متسقط موتور تكون مظبط حوض العربيه يعني ممكن تصب رصاص علي حوض العربيه او تركب شدادات زي دي كده

العربيه 128 موديل 90 مثلا فابريكه دواخل و رشه بره موتور نضيف و فرش نضيف تعمل 17000 اللي 19000

بس الموتور بالنسبالي لو العربيه موتورها نضيف و متعمر قبل كده مش محتاج تغغغغغغير خالص غير لما يجيب اخره بعد فتره كبيره علي حسب استخدامك

**MOTORULE** · 05-01-2011 05:22 PM

بص أنت تبعد عن الأستيراد لو محتاج عمرة ده لو أنت متوفرلك حاجة محترمة
بس متسيبش الأستيراد و تجيب موتور نصر
في الأول و الأخر أكيد هيبقي تعبان
شوف موتور فيات خارج من عربية أيطالي و يكون سعة مناسبة ليك
و كدة أو كدة أسئل الناس و أعمل تقويات الموتور و الشاسية
قال علي رأي المثل الوقاية خير من العلاج
أنا من ضمن ناس كتير بحترم موتور الريجاتا ال1500
و ناس في المنتدي هنا نصحتني بيه لعربية أكبر من عربيتك اللي بتفكر تجيبها
يعني أنا رأي موتور ريجاتا يكون حالته محترمة مع تقوية الحوض و الشاسيه و تشد العربية
أو تاخدلك لفة علي موديلات فيات التانية
شوف لو ريجاتا حلوة هتعمل كام
ممكن تكون مساوية ل128 مع الصرف ده