عدستين ولا اربع عدسات

**Dr_ahmedrady** · 16-12-2010 12:49 AM

اكيد من العنوان عرفتو انا بتكلم عن إيه?!!
ايوة بالظبط - انا بحكي عن حساسات الركن او الباركنج سنسور

ف الصني مش مجهزه غير لتركيب عدستين فقط ف الاكصدام الخلفي , طب و العدستين الزياده ?

هل مش هيأثر وجودهم من عدمه?
لو حابب اركبهم هيركبو فين بالظبط ?
هل ينفع يركبو ع جناب العربية من ورا ? لأن اكتر حته بخاف عليها هو بوز العربيه من ورا ( الزاوية ) !!

هل حساس للاجسام الكبيره بس ولا لأي جسم , رصيف مرتفع , عجله , او حتي كرتونة او حد واقف?

هل في اماكن ف صني لحساسات امامية?

معلش انا مزودها حبه ف الاسئلة بس ده والله من عشمي فيكم

**Bishoy.Girgis** · 16-12-2010 01:26 AM

بص يا باشا هي مش هتفرق عدستين من اربعة لكن لو حابب تركب الاربعة مفيش مشكلة خالص و ممكن تخرم في الاكصدام زي ما انا عامل عندي و ممكن تشوف عربيتي في موضوع "تقرير مفصل عن تركيب سبويلر لنيسان صنى" بس اعتقد ان لو ركبت الاربعة هيكون افضل كتير جدا في انك تظبط اكبر مساحة و العربية بترجع للخلف خصوصا الزوايا و علي فكرة العدسات حساسة جدا لأي جسم هيعدي من ورا العربية

**HOSSAM_GABRE** · 16-12-2010 04:09 PM

فى التوكيل ركبولى اتنين بس وقالولى هما حيأدوا نفس الوظيفة بتاعة الاربعة علشان ما كانوش عايزين يخرموا فى الاكصدام علشان ما يضعفش وادوني العدستين الزيادة

**Ahmed.TV** · 17-12-2010 12:37 AM

انا مش حزود على كلام الاعضاء
بس حرد عشان تكون مقتنع من ترابط كل الافكار مع بعض

فعلا مش حيفرق الموضوع ده تركيب 2 من 4

**just_meroo** · 19-12-2010 05:52 PM

انا مركب 2 والحمد لله كويسين جدا وماتقلقش واوعى تركبهم بره التوكيل لو كنت فى الضمان لانهم هيركبوهم ويرشوهم بنفس لون العربيه وكمان كله فى الضمن يعنى تركب وانتى متطمننننننننن