أريد المشوره من خبراء اللإنترا

**khaled1977** · 16-12-2010 08:36 AM

لدي سيارة إلنترا 2011 عامله 8300 كم و عند إدارة المحرك بالصباح فقط ألاحظ رائحة بنزين تخرج مع العادم فهل هذا طبيعي ؟

**zero2003eg** · 18-12-2010 12:37 PM

هل بتكون مفول العربية قبلها على طول ؟
هل بتحس ان العربية سحبها ضعيف ؟ اصل معنى كلامك ان الاحتراق مش كامل وده بيخلى العربيه سحبها ضعيف و بتنتش
و هل بتلاقى الشكمان بينزل ميه الصبح مع الريحة دى و لا لاا؟

**khaled1977** · 18-12-2010 04:23 PM

شكرا على إهتمامك
بس العربيه بتطلع رائحة البنزين عند الدواره في أول اليوم فقط و سحبها كويس و بتنقط ميه من الشكمان مع أول دواره

**F170** · 18-12-2010 04:32 PM

بسم الله الرحمن الرحيم
متشغلش بالك ده طبيعي جدا لأن ببساطه لما بتكون العربيه بارده الصبح الكومبيوتر بيدي الموتور بنزين اكتر شويه من الهوا علشان تفضل دايره وتسخن بسرعه و حتلاقي كمان الrpm عالي عن الواحد بحاجه بسيطه وده طبيعي جدا الكومبيتر بيسخن العربيه

**khaled1977** · 18-12-2010 04:35 PM

السلام عليكم
أرجوا من أصحاب الخبره إفادتي بخصوص خروج رائحة بنزين عند إدارة محرك السيارة و هى بارده و ألاحظ أن العربية بيكون rpm حوالي 1400 لحد ما تسخن و تنزل لحدود 900 لفة علما بأن عربيتي إلنترا موديل 2011 و عامله 8350 كم

**khaled1977** · 19-12-2010 08:48 AM

شكرا على إهتمامك

**ahmedfd** · 19-12-2010 02:35 PM

المشاركة الأصلية كتبت بواسطة f170

بسم الله الرحمن الرحيم
متشغلش بالك ده طبيعي جدا لأن ببساطه لما بتكون العربيه بارده الصبح الكومبيوتر بيدي الموتور بنزين اكتر شويه من الهوا علشان تفضل دايره وتسخن بسرعه و حتلاقي كمان الrpm عالي عن الواحد بحاجه بسيطه وده طبيعي جدا الكومبيتر بيسخن العربيه

كلام حضرتك مظبوط و الـ rpm الطبيعي بعد المحرك ما يسخن بينزل لـ 650 لفة في الدقيق. لكن برضه مش المفروض إن الرائحة تكون واضحة داخل العربية لدرجة الإزعاج إلا لو راكن في جراج.