محتاجة النصيحة في السواقة 2

**abear77** · 16-12-2010 10:51 AM

الاعضاء الكرام في منتدى لادا بالنايل موتورز .

انا محتاجة نصائحكم في السواقة انا كنت كتبت موضوع قبل كدة و طلبت نصائحكم في السواقة و فعلا استفدت منها كثيرا و لكن هناك بعض الاشياء مش عارفة اتصرف فيها ازاي و هي متى اختار الغيار المناسب يعني مثلا أنا عملي في الاسكندرية و أنا مروحة من الشغل الساعة 2 البلد عبارة عن اشارات ايه هو الغيار المناسب للعربية علشان انا كل شوية امشي و اقف و مثلا لما اخد دوران ايه الغيار المناسب بحيث اني احمي بوذ العربية من الاصطدام بالعربيات الاخرى و مثلا انا ماشيه في طريق المطار ببقى ماشية على الرابع او الثالث لما يقابلني مطب غلس أعمل ايه و اخد اي غيار بحيث اني برضه احافظ على موتور العربية .

بصراحة انا عندي مشكلة في الغيارات لان في اوقات بتبقى العربية بتجري مني و انا في ملف و بحس اني ممكن اخبط اي عربية جنبي و انا لسة جديدة في السواقة .

عندي مشكلة كمان في الرجوع للخلف ببقى مش عارفة الف الدركسيون يمين او شمال علشان اوجه شنطة العربية في اتجاه معين علشان الركنة .
ارجو النصيحة و اللي يعرف ملفات تفيدني يحط لى الرابط بتاعها و جزاكم الله خيرا .

........................* زكاة العلم تبليغه ........................*

**elhadad** · 16-12-2010 11:28 AM

بسم الله الرحمن الرحيم
اولا :- موعد الغير البداية على الاول ثم بعد التحرك و العداد تقريبا جاب 20كم ساعة تجيب الثانى وكل عشرين كم ساعة تنقل
ثانيا :- شارع ابو قير و امثاله وقت الذروة افضل غير الثانى و ليس الاول
ثالثا :- عند الرجوع الى الخلف الاتجاه اللى انت عاوزه تلف الدريكسيون ليه - يعنى لو عاوز تركن ناحية السائق الشمال يعنى تلف الدريكسيون ناحية المكان اللى انت عاوز الشمال
والله الموفق و عليه التوكل