الموضوع: قال يعني top gear

كل مره مش هبطل اقول

دول شباب بلا هوية

احنا عرب هنعمل اه برامج عن تعديل العربيات وتظبيطها واحنا مسلمين برده ومعتزين بعروبتنا

مقدم البرنامج ومساعديه فاقدين الهوية

والعيال اللي بترش الاوتوبيس ف الفيديو الاول دول عاملين نفسهم امريكان عيال معندهاش اعتزاز بعروبتها

مش عيب نكون متقدمين ونكون عرب ف نفس الوقت
بس هقول ايه ربنا يهدي

وكمان ملحوظة بالنسبة لبرنامج توب جير : هو ليه جميل عشان جيرمي وصحابه دول على طبيعتهم مش متكلفين ولا متأنقين زياده عن اللزوم يعني برنامج بيجبرك انك تشوفه

احنا بس العرب عندنا عقدة الخواجة

المشاركة الأصلية كتبت بواسطة megamoudy

وكمان ملحوظة بالنسبة لبرنامج توب جير : هو ليه جميل عشان جيرمي وصحابه دول على طبيعتهم مش متكلفين ولا متأنقين زياده عن اللزوم يعني برنامج بيجبرك انك تشوفه

احنا بس العرب عندنا عقدة الخواجة

الله ينور عليك فعلا والله ، عقدة الخواجة

انا عايزك كدا تتخيل واحد اعلامى من الثمانينات وواخد وضعه زى كلاركسون هنا فى مصر مثلا ووصل للعالمية دى ، هل لو المنتجين طلبوا منه حلقة من حلقات المرمطة اللى بيعملها جيريمى هيوافق عليها

او فكرة مجنونة زى حلقة فيتنام الاخيرة او جنوب افريقيا !!

للأسف مفهوم الحفاظ على النجاح عند الناس دى ملوش نهاية بعكس العرب اللى بالنسبة لهم الوصول للنجاح هو نهاية الطريق

حضرتك لو متابع الكواليس بتاعت تصوير توب جير وحفلة ما بعد تصوير الحلقة واللى بيعمله جيريمى وفريق البرنامج من هزار ومقالب مع الناس اللى حضرت التصوير هتقول مستحيل يكون ده راجل ليه ملايين المعجبين من كل بلاد العالم

قارنه بقا بمقدم البرنامج اللى اساسا ميعرفش يعمل رفيو لخلاط 3 سرعات واللى قاله للمشاهدين لما انتقدوا البرنامج ، لا وكمان بيقولك انا رؤيتى الفنية بتقول انى هنجح اكتر من كلاركسون

كلاركسون اللى كان بينتقد عربيات فيرارى فى وقت البيه ده ما كان لسه مقتنع ان الكامرى دى ماركة عربيات

جيريمى فى رأى هو افضل اعلامى وصحفى ومختبر سيارات حصل فى التاريخ ، ومفتكرش ان هيبقى فى كلاركسون تانى بنفس الاسلوب