ان شاء الله بعد بكرة عيد جوازي الثالث و عايز أعمل مفاجأة حلوة للمدام و أجيبلها هدية ( من يوم ما اتجوزنا مجبتش حاجة ) و مش عارف أجيب ايه ......
عايز اقتراحات من سيدات المنتدى ,
ايه الهدية المناسبة اللي عايزة جوزك يجيبهالك في المناسبة دي ؟
ان شاء الله بعد بكرة عيد جوازي الثالث و عايز أعمل مفاجأة حلوة للمدام و أجيبلها هدية ( من يوم ما اتجوزنا مجبتش حاجة ) و مش عارف أجيب ايه ......
عايز اقتراحات من سيدات المنتدى ,
ايه الهدية المناسبة اللي عايزة جوزك يجيبهالك في المناسبة دي ؟
ممكن عشاء هادي في مكان رومانسي "مركب علي النيل مثلا " مع هدية ساعة ماركة محترمة او حاجة دهب
و كل سنة و انت طيب يا باشا
ليه مصمم تقطع رزقك كده و تقصر المشاركه علي السيدات؟!!
اولا الف مبروك و ربنا يديم بينكم الود و المعروف و يبارك لكم
ثانيا انا هقول شويه كلام و انت بنفسك هتحدد و تختار
في حاجات معينه اوعي تفكر فيها نهائي بتاتا اطلاقا
زي حاجات المطبخ او البيت عموما اياك ثم اياك تفكر في حاجه كده حتي لو هتكون مساعده ليها في شئون البيت لأن ببساطه ده عيد جوازكم انتو الاتنين
و دي مناسبه انك توريها تقديرك ليها كشريكه حياه
فحاول قدر الامكان الهديه تكون علي المستوي الشخصي بالنسبه ليها و في نفس الوقت تكون حاجه ليها رمز و معني
انا عارف ان الكلام عايم بس علشان انت نفسك اللي عليك الاختيار و لو انا هاقترح يبقي هاقترح عليك لو في امكانك تاخدها اسبوع او 3 ايام حتي في اي قريه سياحيه و اظن حاليا الاقصر و اسوان جوهم مناسب جدا و الاماكن الطبيعيه و المناظر هناك حاجه لا توصف بالكلام
لو مكنش ممكن يبقي ترتب عشاء نيلي في يخت خاص مثلا و لو قدرت تبتكر انك تجيب عازف هيضفي جو مختلف تماما علي الليله كلها و طبعا لازم يكون فيه جرسون يقدم الاكل و ياسلام لو عندك القدره انك تضيف هديه تكون حاجه بتحبها زي دهب او ساعه او اي حاجه علي القياس
اتمني ان كلامي لو مكنش مناسب يبقي علي الاقل فتحلك مجال للتفكير و متشكر علي حرق افكاري الخاصه :khd:
و علي فكره انا لسه شايل منك شويه بخصوص اخر مشاركه ليك بخصوص المنتجعات خليت الايام تمر علي و انا :dzey: بس الحمد لله ادي ادائه تغلب علي النقطه الحرجه دي
كل سنه و انتم بكل خير و صحه
الف مبروك
ونصيحتي ليك تجيبلها اي هديه رقيقه ماعدا...
ماعدا انك تجيبلها عروسه جديده
nefsak.com - Buy Online - ط´ط±ط§ط، ط§ظˆظ†ظ„ط§ظٹظ†
و الف مبروك و عقبال مليون سنه
هاتلها برواز شيك و حط فيه صورتك ........ هاهاهاها
انا للأسف قربت على 6 سنين و مشاغل الحياة خدتني
كل انسان لي زوقه علشان كده انت اللي تقدر تحدد هي بتحب ايه
وجود بالوجود وعقبال 1000 سنه ان شاء الله
الف مبروك
ربنا يديم المحبه والمعروف ما بينكم
هحاول اساعدك :d
ممكن تجيب برفان
مايك اب
ساعه
خاتم ذهب
اى هدوم شيك هى بتحبها : جزمه و شنطه مثلا
+اعزمها على العشاء فى اى مكان رومانسى وهادى
انا برده عديت 3 سنين وبصراحه عمري ماجبت حاجه بس بحتفل بيه انا وهي في البيت
نفسي المره الجايه تبقي العمليه متيسره واقدر اجيبلها دهب بدل اللي اتسرق واللي مش قادره تنساه
الذهب صدقني له مفعول السحر بل هو السحر نفسه
بس طبعا مش الصيني
سلسلة دهب و مكتوب عليها الله
او خاتم دهب ابيض(البنات دلوقتى بتحب الدهب الابيض اكتر من الاصفر)
+بوكيه ورد شيك
او لو هى كانت عايزة تشترى موبايل او فيه ساعة فكارفور عجتها مثلا انزل معاها اشتريها
أنتم أعلم بشئون دنياكم..أنت أكتر واحد عارف إيه إللي يسعد الجماعة..فقط نصيحتي حاول ما تبقاش تقليدي او يبان إنك بتؤدي واجب
انا شايفة كل الردود من الذكور
لكن اكيد ما تعرفش احساس الانثى الا انثي زيها
اغلب السيدات بيخطفهم الزهور
بوكيه ورد
مش شرط يكون كبير ولا غالي
البوكيه تحط جواه شيكولاتاية كبيرة من الانواع الكويسة
ملفوفة بشريط ستان او اوراجانزا او تول ممكن بتاع الورد يلفهالك معاه
ممكن يكون كفاية
ولو امكانياتك كويسة خاتم رقيق في علبة قطيفة صغننة شيك يتحط مع البوكيه
كل ما كان البوكيه رقيق والوانه متناسقة كل ما خطف القلب والعين
زي ما قالوا الاخوة الافاضل
عشا رومانسي في اي مكان هادي او مركب نيلي ممتاز جدا
او ممكن يكون العشا في البيت مع بعض يكون في خصوصية اكتر
وربنا يسعدكو
بس لازم تتبخر احسن تتحسد انت وهيا
متابع لان فى شهر 3
حيجى الدور علية :))))
يا ريت بس اقتراحات عينيية مش كل واحد يقول شوف انت ادرى امال اية لزمة الموضوع
موضوع الورد ده أنا مجربه وليه مفعول السحر وياسلام بقى لو tulip
وكالعادة دبدوب عشان الطفلة اللي جوه كل البنات حتى لو عندها 100 سنة
وموضوع العشا ده بقى أقولك أنا
بص ياسيدي وزعها اليوم ده عند أي حد -مامتها مثلا - وظبط إنت العشا ده بايدك شوف هي بتحب إيه وشوف طرق عمل الحاجة دي كلها واختار أسهل طريقة والاكل سهل قوي كله حاجات على بعض عالسريع
ولما تيجي تكون إنت مجهز الكلام ده كله وتفاجأها
وشمعتين ولاد حلال كده -مش من بتوع الكهربا لما تقطع -
وهاتدعلي
Digital Photo Frame
بـ 333 جنيه بس وتبقي وفرت فلوسك ومتوجعش قلبك
زى ما نونيتا قالت
الورد لازم مع اى هدية
الفكرتين دول جامدين جدا ......
ورد مجفف و ملفوف جواه شوكلاتة محترمة ,,,,
شمعتين حلوين كده في الشمعدان بتاع السفرة ( أخيرا لقيتله لازمة )
عشا محترم أنا طابخه بنفسي ( أنا طباخ محترف )
ديجيتال فريم ده جامد عشان صورنا و صور الأولاد
كده حسبة 500 معقولة مش كتيرة
باقي الأفكار كويسة بس دول عجبوني أكتر يمكن عشان أنا من عاشقي البيت و بكره الخروج الا لمصلحة او شغل
بس ايه التوليب ده ؟
وبما انك راجل رومانسى لانك افتكرت عيد جوزاك وعايز تجيب هدية مش بتلعن ابو اليوم الى اتجوزت فية يبقى الورد دة اساسى بس تيجى ازاى بقى
ورد الاحمر البلدى بتاعنا بس فية نوع كان ورق الورد نفسة تقيل وتحس ان ملمسة ملمس القطيفة دة طبيعى مش صناعى زى دة كدة
http://images.psxextreme.com/wallpap...ed_rose_01.jpg
لو الكاشات معاك تمام يبقى خليك فى خاتم فى الصغير كدة ويا سلام لو دهب ابيض وفى فصوص او اصفر فى ابيض مع فصوص مش ضرورى يعنى تكون فصوص الماظ ويكون فى علبة قطيفة سودة صغيرة زى دى كدة
http://images.auctionworks.com/hi/68...e_ring_box.jpg
او دى
http://ecx.images-amazon.com/images/...500_AA300_.jpg
وافتكر ديما حلوتها فى سمبالتها
كل ماتكون بسيط هتكون اجمل
خلاص رسيت هعمل ايه :::
1- سبت ورد مجفف
2- شوكلاتة حلوة
3- تابلوه ديجيتال و أحط عليه صورنا و احنا صغيرين و صور الخطوبة و الكتابة و الفرح و الأولاد من ساعة ما كانوا سونار لحد ما مريم بقى عندها سنتين و اخواتها لسه سونار و ربنا يجيبهم بالسلامة ..
4- الشمعدان هحط فيه كام شمعة كده لذاذ لزوم العشا و اهه توفير كهربا برضه
5- عشا جميل اعمله بنفسي ....
و التوزيعة سهلة مامتها ساكنة تحتينا على طول و أغلب الوقت قاعدين عندها ...
أظن كده انا عامل واجب جامد
بص يا باشا أنا هقولك نصيحه لوجه الله وصدقني أنا ولا مقوماتي ولا شراره ... اللي إنتا هتعمله ده غصب عنك هتعمله كل سنه بعد كده لإن الستات بدل إديتهم ميزه زياده عمرهه ما هتتخلا عنهه وإن كان مش فارق معاك يبقا بوكيه ورد شيك مع كلمتين حلوين على كارت مع برفان أوريجينال وعشا رومانسي ويفضل بره البيت ... وكل عام وانتم بخير
كل عيد جواز و أنتم طيبين و بصحة و سلامة و فى هنا وسرور
و السنة الجاية تكونوا زايدين إن شاء الله
http://gallery.johina.net/thumb/1162251095.jpg ---:10D5C8w1107:--- http://gallery.johina.net/thumb/1165204769.jpg
اولا كل سنة وانتم طيبين وعقبال مليون سنة
الستات دايما بتحب تحتفل برة البيت ودة عن تجربة شخصية... اصلها طول اليوم في البيت وعشان كدة لو عايز تعملها حاجة تبسطها خدها في اي مكان رومنسي واكيد الورد اساسي ولو تقدر خاتم ذهب ودي بتكون احلي هدية الست تفرح بيها .... ولو ماقدرتش علي خاتك ممكن اي حاجة تانية..برفان
بس الاعم انو يكون برة البيت ...
ربنا يسعدكو دايما...
بص يا سيدى لو ميزانيتك تسمح هات حاجة دهب طبعا
لو متسمحش ان شاء الله وردة هيبقى لها مفعول السحر
كفاية الفكرة لوحدها انك تفتكرها دى كفاية
انا عملت حركة خبيثة قوي .....
طبعا أنا في شغلي في المنيا و نازل مصر الأسبوع اللي جاي و من يومين تلاتة و المدام عمالة تفكرني ان عندنا مناسبة مهمة و عمالة تلم حلي كده و أنا عامل عبيط و بقولها عيد ميلاد مريم كان من شهر و عيد ميلادك لسه عليه مش عارف قد ايه و انا عيد ميلادي فات .... و عامل نفسي عبيط لحد ما قلتلها اه ده عيد جوازنا طيب كل سنة و انتي طيبة و عادي جدا و لا كان فيه أي حاجة ...... بس أول ما اروح هعمل كوكتيل المفاجآت اللي وصلناله ده ....................
ربنا يخليكوا لبعض وعقبال مليون سنة يارب وانتم بصحة وسعادة
بس خلى بالك من الحركة دى لتكون زعلت وافتكرت انك ناسى وتبوظ كل اللى انت بترتب ليه
فهمها انك كنت بترتب وتعمل كل ده
واقولك بقا على هدية جامدة بجد مع ده كله؟
خليها تشوف الموضوع ده ع المنتدى أعتقد ان تذكرك للمناسبة نفسها وتخطيطك ليها واهتمامك بيها بهذا الشكل الرومانسى بجد احلى هدية مع اللى فات طبعا ومتبقاش بخيل ههههههههه ;)
wishing you happy wedding anniversary