الموضوع: السفر للخارج او البقاء في مصر..... دعوه للنقاش الموضوعي الجاد

المشاركة الأصلية كتبت بواسطة fadod

طيب لو انتو عايزين الموضوع من خلال النقاط اللي أمير أوضحهم .،فانا هاتكلم من وجه نظري البحته الغير ملزمه لحد


5- مشكله التعود علي نمط معين من الحياه (غالبا ارقي سواء ماديا او اجتماعيا او ثقافيا)>>>أنا مش فاهم إيه النمط المعين ..لو نمط كويس يبقي خير وبركه .يعني نمط الحياه .الناس بتصحى بدري من الساعه 6 الصبح تروح شغلها وترجع أخر النهار الساعه 4 أو حاجه ..ينامو بدري علشان إليوم اللي بعده والأجازه سبت وأحد تعمل فيهم ما تريد ..النمط المادي مريح ..كل الأساسيات اللي هي الاكل والشرب واللبس والسكن والعلاج متوفره لمن يعملون بأقل أجر ..وحتى لو مش شغالين الحكومه بتوفر لهم مايحتاجون ..النمط الاجتماعي بتحدده ذي ما إنت عايز وغالبا على حساب المجموعه المحيطه بيك إن كانو أهل، أصدقاء ..المواضيع ديه بعتبرها من مميزات الحياه اللي هنا ولو مش عايزها فانت غير مطالب بإتباعها ..متخليش المواضع ديه تشغل تفكير أي حد ..ليك كامل حريتك في إختيار حياتك ونمطها

فادي

علي فكره انا النقاط دي غير ملزمه ابدا

انتو مش هتصدقو لو قلتلكم اني لما كتبت الموضوع ده كتبته علي عجاله و استعجال لأن كان ورايا معاد

النقطه رقم 5 دي بالذات كانت صعبه علي الفهم بالنسبه لناس كتير و معاهم حق

انا كنت اقصد من وراها ان لما الواحد يعيش في مستوي راق اجتماعيا ثقافيا ماديا بره اكيد لو فكر في الرجوع و الاستقرار في مصر هتقابله مشكله انه يرجع لنمط الحياه هنا

اما بخصوص تربيه الاولاد فمن الحاجات اللي شاغله تفكيري و يمكن اكون ناقشتها معاك يا فادي في احد المواضيع قبل كده
هي كالتالي:

بالنسبه ليا علي سبيل المثال فانا مولود هنا و قضيت فتره من حياتي هنا

اولادي هل لما يستقرو هناك هيكون ليهم تعلق بهنا؟

هل لما يكبرو و يخلفو اولادهم هيكونو عارفين حاجه عن مصر و اهلهم في مصر ولا مصر بالنسبه ليهم هتكون عباره عن بلد علي الخريطه

ده الانقطاع اللي بفكر فيه

يمكن يكون عيب و يمكن يكون ميزه

بس فكره ان احفادي لما يحبو يرجعو يستقرو في مصر هيكونو اجانب و مش معاهم الجنسيه المصريه خلاص؟!!

يعني قرار الاستقرار بره مصر ده اكيد هيغير حاجات كتير


و بالمناسبه انا عندي علم بأسلوب الحياه اليومي بره (life style ) عن طريق زمايل ليا قضو فتره كبيره من حياتهم هناك

و مش عايز اتكلم في مدي التباين التام بين نوع الحياه بره و نوع الحياه هنا

بس هقول جمله واحده

لو حد فاكر ان احنا عايشين هنا حتي لو ساكنين في قصر او عزبه يبقي غلطان و مش عارف حاجه ابدا
و الافلام و الثقافه العامه عن الاخر عموما مش شرط تكون صح 100%