شكرا لتتقرير .. وأكيد الكاملة هتكون احلى بكتير
شكرا لتتقرير .. وأكيد الكاملة هتكون احلى بكتير
العفو يا فندم ...
ايدك معايا نولعه سوا ... :satelite: ههههههههه
العفو يا باشا
المعلومات سليمة بس لازمها مزيدا من الايضاح وليها شوية حالات متعددة
عاوزلها قاعدة مخصوص - الموضوع شرحه يطول
وماله يا ابو ليلى الدنيا برد برضه والامر ما يسلمش من كوباية
حمص الشام .... لمون كتير شطة بسيط :ma:
بالنسبة للاسئلة ...
خبار البنزين ايه ؟ :
ماعرفش كل الحكاية 60 كم تقريبا بس اعتقد انه هيكون موفر فى البنزين
الراجل اللى أجرها عنده كام مشوار للاسكندرية لما يرجع هسئله على الاستهلاك
صوت الماتور بعد ال 100 ك ؟
مش بالكيلو متر هو بالـRPM - يعنى كنت 120 كم والـRPM ماجبش 3
هو صوته بيعلى بعد 3.5 RPM
ترتيب النقالات كان ازاى يعنى مثلا الرابع كان فى عندنا اربع غيارات بيجى فى حدود ال60
الغيار الرابع بيجى على كام ؟
ماركزتش عليها الحقيقة بس هى بتجيب اخر غيار بسرعة جدا
يعنى كانت على النقلة السادسة وانا 90 كم تقريبا
شفت المساعدين او نظام التعليق عموما ؟
لاء .... كنت مركز على الفتيس
اللى اعرفه ان دى تعتبر اقل فئة اوتوماتك فى الخليجى ياترى نزل موديلات اعلى ولا لسه ؟
اكيد نزل - كل اللى اعرفه ان دى اول فئة فى الخليجى
سعر ايجار العربية كام ؟ ( علشان اللى بيفكر يجربها )
190 جنيه فى اليوم بناء على كلام "هانى" وان صاحب المكتب
معرفته وخاصة ان العربية زيرو ومدة الايجار 10 ايام.
شكرااا جزيلاً يا هندسه على نقل التجربه المثيره للجيربوكس الجديد الـ6 سرعات,
و طبعاً كالعاده الموضوع مميز و ملئ بالمفاجآت :))
حسب وصفك للتجربه و شرحك, ليا بعض التساؤلات...
اولاً: معنى ان الجيربوكس بيوصل لآخر غيار على سرعة 90-100
يبقى اعتقد انه مش فارق 6 سرعات من 4, لان الـRatio بتاعة الترس
السادس مش هتبعد عن بتاعة الترس الرابع في الجيربوكس الـ4 سرعات...
في صوره بتوضح انك كنت ماشي على سرعة 100 كم/س و على
2.5 RPM تقريباً, و على الغيار الـسادس ستيبترونيك...!!!
المفروض على الاقل (على الاقل) العربيه تكون على الغيار الـخامس مثلاُ
لكن السادس و ان العربيه بتنقل ليه بسرعه جداا ده شئ غريب بردو...
مع الجيربوكس الـ4 سرعات, كان الغيار الثاني بيوصل لـ90 كم/س تقريباً
انا مش متذكر تحديداً, لكن عزم الثاني و الثالث كان ممتاااااز,
ازاي مع الـ6 سرعات ابقى ماشي 100كم/س على الغيار الـسادس,
و العربيه هي اللي نقلت ليه كمان...
ثانياً: بردو الجيربوكس الجديد ماحلش مشكلة صوت الموتور العالي بعد 3.5 RPM..!!
ثالثا: ضروري نتأكد من انه حل مشكلة استهلاك البنزين ولا لأ, لانه
لو ماحلش المشكله دي تحديداً يبقى اقدر اقولك بكل صراحه ان الجيربوكس
الجديد الـ6 سرعات مالوش اي لازمه اطلاااااااقاً و ما هو إلا (منظر)...
انا متأكد ان الجيربوكس الجديد عزمه في الطلعه بقى اقوى, و ده نظراً
للـRatio القليله للتروس الاصغر, و بالتابعيه التجميع على السرعات المنخفضه
هيكون افضل بردو, لكن المفروض ان الغيارات الـ3-4-5 يكونوا زي
الـ2-3 في الجيربوكس الـ4 سرعات, هل هو ده الوضع فعلاً..؟؟؟
اعذرني يا هندسه على اسئلتي الكتير, لكن مش حاسس ان الجيربوكس
الجديد على مستوى الحدث لحد دلوقتي, لازم يكون حل مشاكل كانت
و مازالت موجوده, و إلا كده هو مش فارق كتير, لان عمر العزم
على السرعات المنخفضه ما كان مشكله, و لا الاحساس بالنقلات,
و لا السلاسه.............. خالص, كل ده كان بلا شكوى مع الـ4 سرعات,
لكن في مشاكل تانيه زي صوت الموتور, و استهلاك البنزين, و اهتزازات
الموتور المحسوسه نسبياً, و راحة الموتور بشكل عام..... و المفروض
ان الجيربوكس الجديد كان يحل المشاكل دي بالتحديد, مش اي حاجه تانيه...
ده رأي الشخصي المتواضع, و قد اكون مخطئ في تحليل الامور,
و بالتابعيه انا منتظر ردك يا هندسه اللي هيوضحلي الامور اكتر اكيد..
شكراا جزيلاً مره تانيه على الموضوع الرائع و المميز...
تقبل خـــالص تحياتي...
موضوع رائع ...
ملحوظه : طبعا كلنا عارفين ان الاوكتافيا 6 سرعات ..
بردو كانت بتنقل بدرى للغيار السادس ..."طالما انا مش كابس بنزين" و الهدف هو راحه الموتور ..وتوفير البنزين
لكن مجرد ما اكبس بنزين كان بتسقط ..حسب رجلى ..ممكن تنل للخامس او الرابع او التالت ...
فموضوع انها بتنقل للسادس بدرى "السيراتو" شىء طبيعى
+1
لأن المفروض ال final drive ratio هتبقى قريبة
اى فتيس 6, 7 او 8 غيارات كده طالما دوستك relaxed
وبينزل على الغيارات الأقل او يحرق عليها اكتر لو بتسوق sporty
الصوت العالى دى مشكلة موتور لأنها مرتبطة ب rpm
لكن لو الترس السادس هيقلل rpm عند السرعات العالية...الصوت هيقل و الأستهلاك كمان... وكده مش هيبقى منظر...!!!!!
بس برده موضوع استهلاك البنزين ليه عوامل تانى: cam-phasing, valve-timing, و الأنسيابية والوزن وال mapping وكل ده ماتغيرش لأنه الموتور هو هو
+1
نظريا...المفروض انه وزع نسبهم على عدد تروس اكتر... والله اعلم
انا عايز اسوق العربية بالفتيس الجديد دا ونشوف اخر كل نقلة كام بالظبط يعنى كان الاول فى القديم بيوصل ل 65 و التانى 105-110 كدا و التالت 170-175 و الرابع بقفل العداد دى نقطة
تانى نقطة صوت الموتور كان بيزيد كل ما تقرب من 140 و البنزين استهلاكه يزيد و بعد كدا العربية ترتاح و ترجع صوتها يعلى تانى من 170 هل دا لسه بيحصل؟؟؟؟
موضوع الثبات دا مع الجنط 15 ممكن ل 170 بعد كدا محتاج حظر ولكن انا مضحيش بثبات ال 17 و شكلوا عشان العفشة(انا عربتى 15)
عجبنى جدا موضوع درجة الحرارة الخارجية مش موجود عندى و اضاءة الفتيس (عربيتى نفس ex الوكيل لكن جنط 15 و بتزيد عن الوكيل ارتفاع النور بس
غازى باشا حبيبى ...
والله وحشتنا النقاشات الفنية الجميلة دى ...
اولا فكرت اجاوبك على كل تساؤلاتك من واقع تجربة القيادة
بس مهما كان فهى تجربة قصيرة وبالتالى هتكون قاصرة بعض الشىء
كما انه استفزتنى كلمة ان الفتيس الجديد اصبح مالوش لزمة ... من هنا خلتنى اعيد
قراءة مقال للخواجة جين سونج ليم من فريق تصميم الفتيس الجديد - واكتشفت ان المقال ده
هيجيب عن العديد من التساؤلات كما انه يعزز انطباعى بتجربة الفتيس ... فعكفت على ترجمة المقال
بيقول ايه بقى عم الحاج سونج ليم ... خلينا نشوف
ناقل الحركة الاتومانيكى المدمج ذو الست سرعات
الكلام عن لسان :جين سونج ليم من فريق تصميم وتطوير الجير بوكس الجديد
الفتيس الاتوماتيكى المدمج ذو الست سرعات الذى يؤدى الى تحسين كفاءة استخدام الوقود و التسارع
هذه النواقل التى يتم تركيبها على محركات الجاما لدفع السيارت بالعجلات الامامية
بأستخدام تكنولوجيا من كيا فريدة من نوعها
قامت الشركة بتوظيف مجموعة واسعة من التكنولوجيات الجديدة لتعزيز الاداء بشكل كبير
http://lh6.ggpht.com/_Xr9-Rih0gKc/TQ...AT-312x300.jpg
والاقتصاد فى استهلاك الوقود والحفاظ على البيئة اكثر من نواقل الحركة الحالية رباعية وخماسية السرعات
والتى تجعل الشركة تفخر بتلك المواصفات التى جعلتنا فى صدارة سوق نواقل الحركة الاتوماتكية
مقارنة بناقل الحركة رباعى السرعات.. ناقل الحركة سداسى السرعة يقدم تحسنا فى كفاءة الوقود بنسبة 8%
تحسن التسارع بنسبة 15 % من الصفر الى 100 كم و17 % من 60 كم الى 100 كم
وزن الفتيس الجديد اقل بمقدار 5 كجم عن الفتيس خماسى السرعة الحالى
كما انه اقل بعدد 62 جزء (مكون) عن الفتيس الحالى واقصر فى الطول بحوالى 6 مم
وهذا يؤدي إلى تحسين كفاءة الوقود والأداء كما انه أخف وزنا.
وهذا التصميم الجديد الفريد قد حصل على نحو 300 براءة اختراع والذى يضم ثلاثة من
التروس الكوكبية واتنان من الكلاتشات وثلات فرامل.
تماشيا مع خطط كيا المستفبلية لانتاج سيارات بنواقل حركة اتوماتكية ذات 8 سرعات
سواء للدفع الخلفى او الدفع الامامى لتأمين قدر أكبر من القدرة على المنافسة
في سوق نواقل الحركة الأوتوماتيكية
بالاضافة الى ذلك قامت كيا بانتاج وحدة تحكم فى النقل مع وحدة ادخال / اخراج متكاملة
للحفاظ على النحو الأمثل من استهلاك الوقود ومستويات الأداء
وحدة الادخال تتلقى معلومات تتعلق بعدد لفات المحرك/ عزم دوران المحرك /درجةحرارة الزيت
وتقوم وحدة التحكم بتقيم ظروف القيادة المختلفة وتقوم بناء على ذلك بعمل الحسابات الخاصة
لتحديد الجير المناسب والتحكم فى ضغط الزيت والكلاتشات.
"السلونيد فالف" يعمل بناء على اشارت من وحدة التحكم والذى يعمل على التحكم فى
ضبط ضغط الزيت الذى يقوم بدوره فى السيطرة والتحكم فى عملية النقل وهذا يعنى ان
التحكم فى النقل بالست سرعات يتم بسرعة ودقة بناء على البيانات الواردة من
السيارة ونية السائق ... والذى يجعله سلسا مثل ناقل الحركة اليدوى
فى الوقت نفسه فان "التورك كونفرتور" مدمج اكثر من ذى قيل واخف وزنا وذو سعة اعلى
كما انه مزود بعدد 2 ترس بنيون (ترس فرقي)
والذى يؤدى الى تحسين المتانة بنسبة 50% كما ان التعديل على "الفالف بودى" ادى الى
تحسن الشعور بالنقلات والذى يؤمن بدوره ركوبا سلسا
مجارى التزيت فى الكلاتش مصممة لتحسين تدفق الزيت بين الكلاتشات اثناء النقل بين التروس
والتى بالتالى تعزز كفاءة النقل , كما ان حامل التروس الكوكبية اقصر طولا وبهيكل بسيط
كما ان نسبة الترس الاول زيادة بنسبة 11% عن السابق مما يعزز من القدرة على صعود المرتفعات بسرعة
كما تم تقليل نسبة السرعة السادسة بنسبة 2.5 % مما يؤدى لتقليل استهلاك الوقود و سرعة أعلى وزيادة قوة التحمل.
تمنياتى لكم جميعا ان تكون لديكم فرصة لتجربة ناقل الحركة الجديد الخاص بنا مع سيراتو .
انتهى كلام الخواجة
الف شكر يا عم الحاج سونج ليم
ايه رأيك يا هندسة ؟؟!!!! اظن ما فيش بعد كده فى انتظارك فى الجولة التانية