فرصة لفترة محدودة وحدة رفع وسنسور للصنى الاتنين مع بعض ب440 جنية

**aiman0173** · 17-12-2010 09:03 PM

أخونا في الله أستاذ / احمد

بارك الله فيك وجعل تعبك من أجل الناس في ميزان حسناتك يوم القيامة وجعلك ممن قال فيهم رسوله صلى الله عليه وسلم " إن لله عبادا إختصهم بقضاء حوائج الناس حببهم في الخير وحبب الخير إليهم أولئك الأمنون من عذاب الله يوم القيامة " (أو كما قال صلى الله عليه وسلم)

أخونا العزيز أستاذ أحمد فعلا " أنا بحبك في الله "

**SonaSteel** · 17-12-2010 10:15 PM

المشاركة الأصلية كتبت بواسطة aiman0173

أخونا في الله أستاذ / احمد

بارك الله فيك وجعل تعبك من أجل الناس في ميزان حسناتك يوم القيامة وجعلك ممن قال فيهم رسوله صلى الله عليه وسلم " إن لله عبادا إختصهم بقضاء حوائج الناس حببهم في الخير وحبب الخير إليهم أولئك الأمنون من عذاب الله يوم القيامة " (أو كما قال صلى الله عليه وسلم)

أخونا العزيز أستاذ أحمد فعلا " أنا بحبك في الله "

أمييييييييييييييييييييييي يييييييييييييييين يارب العالمين ..... واضم صوتي لصوت حضرتك وبقولك يابو حميد "أحبك في الله" وربنا يرزقنا واياك الاخلاص في القول والعمل يااااارب .... وربنا يجعله في ميزان حسناتك
وربنا يشفي والدتك الكريمة يارب ويطمنك عليها ويرزقك برها .......... اللهم اشفنا واشفي مرضانا ومرضي المسلمين

طيب واي فرع مودرن في العروض ديه ؟؟ ......... ولو فرضت اني عايز استفيد بالعرض التاني بس واركب وحدات رفع ؟؟
ياتري تبقي بكام ... واكيد من غير تركيب ولا ضريبة ........... صح

**Bishoy.Girgis** · 18-12-2010 12:34 AM

حضرتك دا مودرن فرع ابورواش بتروح له علي الطريق الدائري اتجاه الجيزة و تنزل المحور فتحة طريق مصر اسكندرية الصحراوي و بعد ما تنزل فتحة المحور هتمشي عل طول لغاية ما تلاقي علي يمينك نزلة طريق مصر اسكندرية الصحراوي و هتمشي لغاية ما تلاقي بنزينة امارات مصر علي يمينك .. هتدخل الفتحة اليمين بعد البنزينة و تمشي حوالي 500 متر هتلاقي التوكيل علي شمالك

**doc_semsem** · 18-12-2010 02:55 AM

شكرا بيشوى باشا
بس كنت عاوز اسال على حاجة؟؟؟
فى حجز او ارقام تليفونات اقدر استفسر بيها؟؟؟
ممكن الفروع التانية اللى هنا فى القاهرة تعملها؟؟؟
شكرا

**أحمد علاء** · 18-12-2010 01:50 PM

ما شاء الله
عرض ممتاز
تصور يا احمد انا مليش في موضوع الإكسيسورات خالص بس انت فتحت نفسي والله:) والعرض مميز جدا وسعره مش سعر توكيل خالص
ربنا يبارك فيك ومشكور على المجهود الممتاز

**goldenM** · 18-12-2010 06:11 PM

السلام عليكم ورحمة الله
انا كان ليا استفسار بسيط
انا كان ريموت عربيتى ضاع وشغال بالمفتاح بس
هل لو رحت ركبت وحدة الرفع والسينسور
هيدونى ريموت جديد؟؟

**Ahmed.TV** · 18-12-2010 08:53 PM

المشاركة الأصلية كتبت بواسطة aiman0173

أخونا في الله أستاذ / احمد

بارك الله فيك وجعل تعبك من أجل الناس في ميزان حسناتك يوم القيامة وجعلك ممن قال فيهم رسوله صلى الله عليه وسلم " إن لله عبادا إختصهم بقضاء حوائج الناس حببهم في الخير وحبب الخير إليهم أولئك الأمنون من عذاب الله يوم القيامة " (أو كما قال صلى الله عليه وسلم)

أخونا العزيز أستاذ أحمد فعلا " أنا بحبك في الله "

والله انا مش عارف ارد عليك يا ايمن ولا اقولك ايه على الكلام اللى قولته , متتصورش اثر فيه ازاى وشكرت ربنا ان الحمد لله ربنا مبيضيعش تعبى وبلاقى تقدير ومحبة فى الله وربنا يباركلك ويجزيك خير على احساسك الطيب ده
واكيد يسعدنى التواصل معاك اكتر والتعرف عليك اكتر , لانه اخ محترم جداااا

المشاركة الأصلية كتبت بواسطة sonasteel

أمييييييييييييييييييييييي يييييييييييييييين يارب العالمين ..... واضم صوتي لصوت حضرتك وبقولك يابو حميد "أحبك في الله" وربنا يرزقنا واياك الاخلاص في القول والعمل يااااارب .... وربنا يجعله في ميزان حسناتك
وربنا يشفي والدتك الكريمة يارب ويطمنك عليها ويرزقك برها .......... اللهم اشفنا واشفي مرضانا ومرضي المسلمين

طيب واي فرع مودرن في العروض ديه ؟؟ ......... ولو فرضت اني عايز استفيد بالعرض التاني بس واركب وحدات رفع ؟؟
ياتري تبقي بكام ... واكيد من غير تركيب ولا ضريبة ........... صح :10d5c8w1107:

الف شكر على احساسك الطيب ده يا حسين , ومتشكر على اتصالك دايما بيه والاطمئنان , وانت انسان محترم بجد والواحد سعيد انه اتعرف على اخوة محترمة وبتعرف معنى التقدير فى الزمن ده

ويارب يتقبل منك الدعاء , ويشفى كل مرضانا

وبخصوص مودرن العرض موجود فى كل الفروع

وحدة الرفع حسالك لوحدها بكام
ولو لحقت تركبها فى شهر ديسمبر مش حيخده عليها ضرايب ولا مصنعية تركيب

المشاركة الأصلية كتبت بواسطة ahmadalaaeldin

ما شاء الله
عرض ممتاز
تصور يا احمد انا مليش في موضوع الإكسيسورات خالص بس انت فتحت نفسي والله:) والعرض مميز جدا وسعره مش سعر توكيل خالص
ربنا يبارك فيك ومشكور على المجهود الممتاز

الله يخليك يا بوحميد وشاكل تقديرك وفعلا العرض مميز جدا , والاتنين مع بعض سعرهم لقطة جداااا

المشاركة الأصلية كتبت بواسطة mohamedhamam

عرض جيد أنا مركبهم فى مودرن موتورز إسكندرية منذ 6 شهور بـ 550 جنيه

فعلا والسعر اللى حضرتك ركبت وقتها بيه كان برضوا معمول عليه عرض
لان بيشوى كنت معاه وقت لما ركبهم وكان مركبهم ب660 جنيه
فالعرض الحالى اقوى عرض عندهم
والاهم والاحسن ان بيرشوا العدسات وده مش موجود بره , ولو ركبت بره بتلاقى العدسة لونها اسود وعربيتك بيكون لونها مختلف فشكلها بيكون مش حلو

المشاركة الأصلية كتبت بواسطة goldenm

السلام عليكم ورحمة الله
انا كان ليا استفسار بسيط
انا كان ريموت عربيتى ضاع وشغال بالمفتاح بس
هل لو رحت ركبت وحدة الرفع والسينسور
هيدونى ريموت جديد؟؟

حضرتك مفيش ريموت على وحدة الرفع والسينسور
حضرتك بتروح عندهم وهما يشوفوا موضوع الريموت
واعتقد فى اعضاء معانا عارفين الموضع ده وعلموا واحد فى موردن قبل كدا

-

الموضوع: فرصة لفترة محدودة وحدة رفع وسنسور للصنى الاتنين مع بعض ب440 جنية

LinkBack

أدوات الموضوع

عرض

-

-

-

-

المواضيع المتشابهه

فرصة لفترة محدودة وحدة رفع وسنسور للصنى ب440 جنية

الفطيم:فرصة لعشاق السفيك فقط لفترة محدودة

سوزوكي تنزل بسعر sx4 إلى 106.900 جنيه لفترة محدودة

COLT 2007 بسعر خاص لفترة محدودة

الكلمات الدلالية لهذا الموضوع

المفضلات

المفضلات

ضوابط المشاركة