الموضوع: موتور لادا 1500 مكان موتور النيفا؟؟؟

اشكركم يجماعه على الرد السريع على سؤالى .. هو كل مافى الامر ان الموتور اللى فى عربيتى مش وحش والله وفيه عزم بس بطئ فى التجميع بتاعه شويه و4 غيار لما اوصل لسرعه 90 كم بيكون صوت الموتور عالى جدا لدرجة انى احس انه جنب ودنى وطبعا لان النيفا مش معموله للجرى وخطر كمان انى اجرى بيها انا بس عايز اركب فتيس 5 غيار علشان يريح الموتور وصوته يهدى شويه بدل الكراكة اللى شغالة اللى بتسرع اى حد ماشى جنبى من صوتها ومشيها يئولك ياعم ابعد عنه ياعم ده مش فارق معاه حاجه (مصلحة بصراحة بيسبولك مجال تتحرك براحتك)سيبكم انتم الكبير كبير بردوا
علشان كده فكرت فى موضوع تغير الموتور للتحديث ومنه راحة للموتور والصوت الصعب ده

وهو موتور النيفا يعمل كام؟؟والفتيس 5 غيار؟؟

المشاركة الأصلية كتبت بواسطة TheDieSeL

نصيحتي ليك .... اشتري موتور نيفا بالفتيس بتاعة 5 سرعات وفتيس غرز .... هاته 1600 عشان الترخيص .... ولو مش فارف معاك قد كده الترخيص هات الــ 1700i موتور محترم بس ترخيصه اغلى شوية علشان في شريحة اكبر من 1600

شكرا ليكم والله على تعبكم معايا وهو فعلا هترسى على كده انى اجيب الموتور 1600 بالفتيس 5 غيار واريح دماغى بس هو يعمل كام؟؟؟؟؟

وبالمناسبة انا عايز اجيب سوستتين جداد للعفشة من ادام لحسن العربية فيها ميل من الجنب اليمين وركبت علايه ومفيش فايده زى اللى فى الصورة ديه حدي عرف مكانهم بيتباعوا فين وبكام؟؟؟؟؟

المشاركة الأصلية كتبت بواسطة mnmmnmmnmmnm

فيه حمدى لادا فى أول شارع دمشق فى مصر الجديدة وفيه المركز الروسى فى شارع رمسيس فى التوفيقية هوا فى عمارة فى الدور الأول بس البلكونة على شارع رمسيس , و فيه واحد اسمة تقريبا أحمد نصار فى التوفيقية برضوا بس لما دخلت المركز الروسى لقيتهم هندهم سوست و بستن موتور و شوية كلكيع ميكانيكا جديدة كدة و الشباب شكلهم ولاد حلال و الله أعلم.

فيه مركز صيانة اسمه حمدى لادا فى طريق العبور فى القاهرة و وراهم مركز تانى اسمه الصفا , بصراحة مجربتهمش بس الناس بيقولوا انهم بتوع لادا بس و الله معرفش عنهم حاجة.

و فيه واحد قاللى إن فيه فى منطقة التجنيد فى شارع جسر السويس فيه صنايعية لادا كويسين بس برضه معرفهمش و مجربتهمش هوا كله بالسمع و الله أعلم.

بالنسبة للموتور هل تعرف سعر الموتور و الفتيس كام؟!
و ياريت لما تغير السوست و المساعدين تقول لنا أسعارهم إن شاء الله و بالتوفيق بإذن الله

ربنا يخليك يافندم على المساعده والعناوين والمعلومات ديه وان شاء الله اول اما انزل واجيب السوست ديه هسأل بردوا على موتور وفتيس النيفا
ولك خالص الشكر