رادار المحور الجديد .......... اتركب ....... كله يهدى

**د.محمود صلاح** · 18-12-2010 06:42 AM

المطلوب نمشي على سرعة 60 عشان ان فلت من الرادار مش هتفلت من المطبات العشوائية

**cyborg_ift** · 18-12-2010 10:22 AM

شكرا للتنبيه

**gebreel** · 18-12-2010 11:25 AM

ههههههههههههههههههه شوية شوية ياخدك مخالفة علشان كنت بتفكر تطلع الموبايل و تتكلم فيه

بس انا مع الرادارات بشرط انها تكون بهدف حماية الناس مش تحصيل فلوس و خلاص

**saadelden** · 18-12-2010 07:19 PM

في العالم كله الرادارات معموله عشان خايفين علي المواطن م الطريق
لكن ف مصر هنا عاملين الرادارات عشان يلمو فلوس زياده !!!
و كله تحت شعار (( كل سنه و انت طيب يا بيه ))

**Ahmed Nouh** · 18-12-2010 08:48 PM

المشاركة الأصلية كتبت بواسطة salamonti

objection
فعلا المخالفات دي بتتصور بس مش أوتوماتيك
أنا ليا قريب في إدارة مرور القاهرة وباشوف الكلام ده بعنيا
عاوز تتأكد بنفسك

لما تقف في إشارة إليكترونية في أي منطقة رئيسية إبقا بص على العامود اللي عليه الفلاش وقوللي شايف إيه
هاتلاقي 3 بوكسات
بوكس فيه الفلاش
وبوكس فيه الكاميرا اللي بتصور
وبوكس تالت فيه كاميرا مابتصورش (الناس فاكراها زينة عشان راس السنة هههههههههه)
الكاميرا التالتة دي سعادتك كاميرا فيديو بتعمل بث مباشر لغرفة العمليات بإدارة المرور شغالة 24 ساعة مابتفصلش لبيان الحالات المرورية والكثافات والحوادث إلخ إلخ
ومش هاتتخيل ان الزووم بتاعها بيوصل انه ممكن يجيب آخر عربية واقفة في آخر الشارع ومكنتش مصدق غير لما شفتها بعيني !!!!!!!!

نفس الفكرة مطبقة في بوكسات الرادارات
طبعا مش هايحطوها في كل البوكسات
ممكن يبقا فيه بوكس واحد أو اتنين بس هما اللي فيها متابعة حية بالفيديو والباقي شغالين رادار فقط

ما علينا
الخلاصة

كاميرا الفيديو دي عليها فرد نظامي مسئول عن ضبط مخالفات الحزام والمحمول عن طريق المونيتور اللي قدامه
بالبلدي كاميرا فيديو وواحد قاعد بيتفرج ولما يشوف مخالفة من دول يدوس عالزر وتلاقيه تك أخدك صورة ..
وقلب في موضوعات المنتدى هاتلاقي ناس كتير اتصورت قبل كده حتى والإشارة خضرا ومايعرفوش هما اتصوروا ليه !!

ماتنساش بقا المرة الجاية لما تقف في إشارة من دول تبقا تطلع راسك م الشباك وتشاور للراجل بتاع الكاميرا وتعمل له باي باي
زي ما أغلب المصريين بيعملوا أول ما تيجي عليهم كاميرا التليفزيون وهما في الاستاد هههههههههههههههههههههههه

وانا يا باشا سألت مدير الإدارة العامة للمرور شخصياً اذا كان فى متابعة مستمرة للكاميرات دى او استخراج مخالفات منها وقالى مستحيل اجيب موظفين اقعدهم يبصوا فى كاميرات طول النهار علشان يكتبوا مخالفات

انت تخيلت كدا مثلا للحظة فى كام كاميرا ومحتاجة كام وردية علشان التخيل اللى انت بقوله ده يبقى حقيقة

الكاميرات اللى بتحكى عنها دى شغالة فى ادارات المرور زينة ، وانا دخلت جوا بنفسى وشوفتها

هى مجرد مراقبة لحركة الشارع

ومازلت بأكد مفيش كاميرا تقدر تتعرف ذاتيا على موبايل او اكل او عدم ربط حزام جوا العربية

متصدقش كلام قريبك ده تانى بقا

**wildesso** · 19-12-2010 10:37 AM

ربنا يستر
هما شكلهم ناوييين يظبتونا :((

**Conspirator** · 19-12-2010 10:52 AM

على فكرة هما حاطين يفط الكترونية فى اول المحور من الناحيتين مكتوب عليها السرعة مراقبة وكمان احذر التخطى الخاطئ يعنى لو انت ماشى اقل من 90 بس مقضيها غرز بتهور هتتلقط بردو ولاحظوا ان الردار فيه كامرتين واحده للسرعة والتانية فيديو

وربنا يسترها علينا فى التجديد

**tutankhamoun** · 19-12-2010 10:59 AM

خطوة صحيحة 100 % لضبط الأنفلات المروري في بلدنا المنفلتة

يارب كل الطرق يبقى عليها رادارات ........ آمين ...و يارب كلنا نبقى هاديين في سواقتنا .... آمين
و يارب الحكومة تتظبط و تعمل أمتحانات حقيقية ..... آمين و يارب الحكومة تعاقب المخالفين و بتوع الغرز و سواقين النقل اللي بيمشوا يسار الطريق و بسراعات رهيبة و الشباب اللي فاكر نفسه على حلبة سباق و سواقين الميكروباظ اللي عايزين الأعدام

هي الناس بتزعل ليه من الأنضباط ........... المفروض كلنا نفرح علشان نروح بيوتنا في أمان و سلام و ولادنا و أهلنا يكونوا في أمان و سلامة و سكينة

يلا خلي الحكومة تفوق بقى و تأدب المخالفين

-

الموضوع: رادار المحور الجديد .......... اتركب ....... كله يهدى

LinkBack

أدوات الموضوع

عرض

-

-

-

-

-

-

المواضيع المتشابهه

ضرورى جدا .. هل يوجد على المحور رادار ؟

رادار المحور

رادار المحور صورني على 155 :(

رادار المحور... امسكنى شكراً

رادار الكتروني على المحور

الكلمات الدلالية لهذا الموضوع

المفضلات

المفضلات

ضوابط المشاركة