الموضوع: والله كرهت العربيه بالتوكيل والمفاجاه لسه مكملتش ال 3000 كيلو

المشاركة الأصلية كتبت بواسطة nistelrooy

هو انتا الي معاك جين 2 الي كانت في العرض الي عليها رقم 25 ؟


لو انتا يبقي انا شوفتك من يومين في الجيزة .. بس عيوب كتيرة فعلا .. وان شاء الله تتظبط بس خليك ورا التوكيل لحد ما يظبطوا كل حاجة

ايوه انا ده رقم فقر لانا اللي فقر للعربيه هي اللي نحس بقي

المشاركة الأصلية كتبت بواسطة SALAHHAKIM

السلام عليكم
لو عربيتك الى فى الصوره لازم يحصل ليك كده العربيه بسم الله ماشاء الله ولا حول ولاقوه الابالله
روح الصحراوى وكلم (مهندس امر او محمد عبد الهادى او داليا ) اى حد فى الثلاته دول بيتصرف
غير كده بلغ حمايه المستهلك وغير العربيه خالص بواحده جديده وده بيحصل فعلا مش هزار
وربنا يكفيك شر الجين تو ويديك خيرها

ربنا يباركلك ويخليك ...فعلا انا هروحله يوم الاتنين لما اشوف اخرتها ايه معاهم

هو فين مكان حمايه المستهلك ده

وياجماعه عندي كمان سوال هو لما العربيه تتفول علي الاخر المِؤشؤر مايرتفعش للاخر ولا ايه
انا كنت كل مافول مريرتفعش للاخر قولتلهو وبالعافيه لما غيرولي العوامه بس برضه نفس الكلام
فاكنت عايز اعرف ده في كل العربيات ولا هما ماغيروش حاجه اصلا ولا ايه

المشاركة الأصلية كتبت بواسطة totosaga

بص يا زعيم كل العيوب اللي عندك بسيطة وروح التوكيل تتحل بسيطة جدا على فكرة ده مش كلامي ده الكلام اللي عتسمعه هنا ولازم العربية تتحسد لانه جامدة وكلام من ده كتير لحد ما دمك ما يتحرق اكتر ولا كانك شاري عربية مستعملة وحاجة كمان ده حتى المرسيدس وال بي ام بتنزل فيها عيوب ونصيحتي ليك قول حسبي الله ونعم والتوكيل

يعجبنى فيك تربصك
هههههههههههه وفعلا حسبى الله ونعم الوكيل
انت بعت ولا لسة انا من اكتر الناس اللى نفسى تبيع بصراحة ربنا يوفقك

المشاركة الأصلية كتبت بواسطة megamoudy

جهاز حماية المستهلك من غير كلام

+1111111111111111111111111

المشاركة الأصلية كتبت بواسطة mazen234

العربيه من ساعت ماجبتها وفيها عيوب صناعه كتير جدا وعمال اصلح فيها ولا كاني بصنع عربيه والله
هقولكو علي العيوب اللي واجهتني ومش هرقم العيوب عشان محدش يتخض انا متهالي بقيت مركه مسجله في التوكيل
فرش الارضيه مش متقفل

معلش ممكن تشرح أو توضح أكتر يعنى إيه مش متقفل

لمبه ال الايبي اس محروقه اللي في التابلوة

دى بسيطة و تتحل فى أول صيانة إذا ماكنت حلتها أصلا

مسند الراس مكنش متقفل برضه

نفس الإجابة الأولى يا ريت توضح معنى مش متقفل

الزجاج كان بطئ

أكيد فيه تراب من الركنة و سهل جدا إنهم ينضفهولك و ممكن كمان يغيروا علطول

التابلوه بيطقطق

ممكن يكون عايز يتربط مش قصة

لمبه التشيك نورت 3 مرات

خللى بالك ما تخلليش البنزين يوصول للآخر عشان نضافة التنك و بعدين البنزين السيء و بنزين 90 ساعات بيخللوا لمبة التشيك تنور

العجله الخلفيه يمين ورا السير بتاع الفرامل كان مفكوك فمكنش فيها فرامل

دى أكيد أخطر حاجة انت قلتها اتأكد إن المضوع ده انتهى فى التوكسل

الولاعه مش شغاله

ما فيش ولاعة أساسا حضرتك هو شاحن بس

استهلاك البنزين عالي عالي عالي (مخروب بيتي بمعني اصح)

الاستهلاك الطبيعى لل1600 فى ال10000 كم الأولانيين عالى جدا و بعدين بيتظبط

الجلد اللي حوالين البابان مش ملزوق كويس وهموت واعرف العربيه بيخشلها تراب منين

ده عيب طلع لناس كتير و من العيوب الشائعة فى العربية و بيتزبط فى الصيانة

وانهارده بقي الانذار العربيه ولا عايزه تفتح ولا تقفل

برده عيب بسيط و يتحل فى التوكيل إن شاء الله

المالتي فانكشن ساعات بيعلق ويجنن وساعات يتعدل بحالات يعني

عيب تافه و ممكن حضرتك تعمله بنفسك و أعتقد فيه موضوع للمهندس رامى بيشرح تعمله إزاى و ممكن تغيره عند التوكيل

انا ده اللي فاكره لحد دلوقتي وكل ده مكملتش 3000 كيلو مش عارف في صيانه ال60000 الف هيبقي في يه متهيالي هحتاج عربيه تانيه
:h_angry[1]:

ببلاش مبالغة مش هتحتاج عربية تانية و لا حاجة بس ما تنساش إن حضرتك اخترت عربية أصلا كانت معمولة دعاية و يمكن ما كانش فيه نية لبيعها وقتها فما اتعملهاش pdi مثلا و ما اترجعتش كويس قبل ما تخرج من التوكيل/ عارف إن ده برده مش ذنبك لكن أنا بفترض كلامى و فى النهاية ربنا يوفقك و تتخلص من كل المشاكل دى و تستمتع بالعربية لأنها بجد تستاهل