ايه الاساسيات في اجزاءوميكانيكا السيارات اللي لازم اعرفها قبل بدء القيدة لاول مرة

**heshamzaky** · 19-12-2010 06:19 PM

المشاركة الأصلية كتبت بواسطة nonetta

لا خلاص السوبر فيورا ذهبت الى الجحيم
دة احنا والله كنا بنصرف عليها وما كناش بنركبها خالص
انا عارفة ان الصاج بتاع الجديد مش زي القديم
بس هوة انا هامشي على صاج
عملنا ايه بصاج جامد والعربية مبهدلاني كل شوية وفاضحاني في كل حتة
لو لاحظت كدة مش هتلاقي اي عربية راكنة على جنب في الطريق وكبوتها مفتوح عطلانة غير المزغودة دي
الله لا يرجعها ايام

ههههههههههههه لا و الله برضو عربية كويسة بس لو فتحت بقها يبقى صعب لمها تانى و الا حا تصرف بس لو اتشدت صح حا تمشى زى الالف المشكلة للأسف فى قطعة الغيار الى بتتجاب جديدة بس مش بتعيش للأسف و برضو الجديد جديد بس الميزة فى ال 127 مفيهاش اى تكنولوجيا فسهل صيانتها جدا

**elmkaneeki** · 19-12-2010 07:06 PM

المشاركة الأصلية كتبت بواسطة nonetta

انا اتعلمت السواقة عليها
هيا اللي خلتني ما اسوقش
كنت باسوق بكل جوارحي وعضلاتي
دبرياج ناشف دريكسيون صعب فتيس جامد
قلت له لأ انا مش عاوزة العب كمال اجسام
بطلت اسوقها من كتر ماهي متعبة ناشفة ناشفة ناشفة

زي الإعلان مابيقول

**cyborg_ift** · 20-12-2010 11:52 AM

لعلمك مدام العربيه زيرو مش هتتعبي معاهه لفتره طويله

**mbx4e** · 20-12-2010 01:04 PM

المشاركة الأصلية كتبت بواسطة nonetta

انا اتعلمت السواقة عليها
هيا اللي خلتني ما اسوقش
كنت باسوق بكل جوارحي وعضلاتي
دبرياج ناشف دريكسيون صعب فتيس جامد
قلت له لأ انا مش عاوزة العب كمال اجسام
بطلت اسوقها من كتر ماهي متعبة ناشفة ناشفة ناشفة

بدران طلع بسكويت ههههههههههههههههههههههههه هههههههههههه
على فكرة السواقة تعود مش حاجه تانية بغض النظر عن نوع العربية
بس اكيد في عربيات تخليكي تكرهي السواقة دا اكيد
وفي عربيات عادي ماتخلكيش تحسي بمتعة السواقة
وفي عربيات تخليكي تحبي السواقة جدا
وفي نوع تاني تخليكي تحبي الجري
بتفرق جامد الحكاية وبالنسبة للسواقة فهي في راي انا الشخصي مرحلتين
اول مرحله التشغيل او السواقة وهي انك تعرفي تسوقي العربية يعني تشغليها و تستخدمي الدبرياج والفتيس ولو اتوماتك تعرفي بيستخدم ازاي والدركسيون صح وتعرفي تلفي وتمشي قدام وورا وتحودي وترجعي ورا بظهرك وتتعلمي تبصي في المرايات وفي لوحة العدادات وانت ماشيه بالعربية ..................الخ
المرحلة التانية او الاستخدام او التطبيق: تتعلمي تمشي بيها في الزحمة والطرق السريعة وبين العربيات والناس اللي ماشية في الشارع مش عالرصيف (عندنا كثافة سكانية عجيبة)
والسواقة عموما من المهارات التي تكتسب بالخبرة والممارسة(يعني كل ماتسوقي اكتر كل ما مستوي حرفيتك يزيد سوا مرحلة التشغيل و السواقة او مرحلة الاستخدام و المشي بالعربية)
واي عربية تجبيها زيرو ولا غيره لازم تتعودي عليها الاول وعلى ابعادها فتره كدا قبل ماتجري بيها (حوالي اسبوع كدا عشان تخدي الشجاعة وتكسري حاجز الستين اللي انت بتقولي عليه عشان مش هاينفع تمشي في الطرق السريعة هاتتعبي) وجربي لما تجيبي عربية قسمي الموضوع على مرحلتين وهاتجيب نتيجة حلوة والحوار دا انا مجربه شخصيا وفرق معايا جامد