موضوع الاحلال دا زي ما هو مفيد الى حد ما بس في شرائح كتير من المجتمع هتتضرر بطريقه غير مقبوله....
مثلاً شاب في مقتبل العمر و لسه بيبتدي حياته العمليه و جايب 127 (انا مش قصدي حاجه يا جماعه انا معايا فيات برضه و بأحترم و اقدر جميع مالكي السيارات القديمه) و العائله الصغيره اللي بتشتري مثلاً عربيه موديل 1979 عشان ترحم نفسها من مهانه المواصلات و ما الى ذلك من الامثله الكثيره الموجوده حولنا و نلمسها في الحياه....
لو هتوفر بديل مقنع و من غير اعباء ماديه على الناس دا يتهيألي هيبقي كويس (التقسيط على مدد كبيره بفائده بسيطه او ازاله نسبه الفائده مثلاً) او مثلا اللي معندوش المقدره يدفع ضريبه زياده و تكون بسيطه (ما هو ميكونش راكب عربيه موديل 80 و تقوله ادفع في السنه 1000 جنيه مثلاً) او تشديد الفحص بخصوص العوادم لو قلبهم فعلاً على الهواء (و الاتوبيس الحكومي الاحمر في الحاله دي يستحق الاعدام بجداره)
غير كده انا شايف انها مجرد اعباء غير منطقيه على كاهل المواطن اللي بجد استوي....
مجرد رأي و اتمني ان اكون افدت
المفضلات