الموضوع: أشترى الصنى ولا أصبر لحد ما يبقى معايا فلوس التريوس

المشاركة الأصلية كتبت بواسطة zamalek26

ما ينفعش تقارن بين الاتنين دول

دة ركوبه ودة ركوبه

المشاركة الأصلية كتبت بواسطة moody1

الصنى سوبر صالون سيارة ممتازة(فيها 2 ايرباج وفرامل abs )
توكل على الله واشتريها
لان التييريوس ال5 راكب تمنها 140 الف تقريبا
وكمان الصنى تتفوق فسعر اعادة البيع ورخص الصيانات وقطع الغيار و حتى فالسحب الصنى احسن

المشاركة الأصلية كتبت بواسطة egypt0777

اقرب عربية ليك خصوصا انت نازل من لادا

الصنى طبعا

ليه

اولا انتشار العربية

رخص اسعار قطع غيارها

رخص صيانتها

سهوله اعاده البيع

مع الاحساس بالرفاهية برده

يعنى حتركب عربية و توفر فلوسك

بالتوفيق

المشاركة الأصلية كتبت بواسطة mmffor

الصني افضل توكيل في مصر - و خصوصا السبع في المعادي
الصني قطع غيارها متوفرة و رخيصة برة التوكيل - على عكس التيريوس التوكيل محتكرها و غالية جدا
الصني ثبات اعلى في السفر و محرك اقوى بمراحل عن التيريوس و تكييف اقوى تكييف في سيارة
السعر ارخص بحوالي 40 الف جنيه و انت اولى بيهم تصرف منهم على العربية بنزين و صيانات خلال ال 5 سنين الجايين

المشاركة الأصلية كتبت بواسطة Manchestrawy

بما ان السيارتين عندنا وبسوقهم كل يوم .. فأنا هنصحك نصيحه لوجة الله التيريوس الي عندي 2010 اوتوماتك 1500 7 راكب مواصفات خليجي .. اسوأ سياره ممكن تركبها بسبب عزمها الضعيف جدا وصوت الماتور العالي بشكل مزعج مع العلم ان الـ Max-Speed فيها 150 كم/س ده مكتوب في الكاتلوج والامبير 180 مع العلم انها جديده وانا المالك الاول .. السياره من جوا مصنعه من مواد تحس انها رديئه .. ميزه السياره الوحيده ارتفاعها عن الارض والفرامل ممتازه بل اكثر من رائعه ..

الصني 2005 مانيوال 1600 مواصفات خليجي .. ممتازه ممتازه بس تشترك مع التيريوس في صوت الماتور المزعج بعكس الكورولا واللانسر .. لكن قطع غيارها رخيصه وعزمها قوي وبتجيب سرعات 190 وانت طالع عيبها انها مش عاليه .. وبتتعبني في المطبات العاليه

نصيحه خليك في الصني ..

وشهد شاهد من اهلها ..
وازيد من الشعر بيت كمان .. ان الصنى 2012 وحتى من اول 2006 مشكلة ان الصنى واطية وبتحك فى المطبات العالية دى مش موجودة نهائيا مع الجنوط ال15 بوصة وعمرى ما اخدت مطب واحد بالورب او الجنب بصورة مائلة مهما كانت حمولة العربية .. اهم حاجة سرعة العربية تكون اقل ما يمكن عشان لو سرعة عالية وفاصل دبرياج والعجلتين اللى قدام عدوا المطب هايحصل ارتداد للشاسيه طلوع ونزول مع المساعدين وهاترزع منك فى نص او آخر العربية اللى ورا .. انما لو خدته بالراحة عالاول ولا الهوا ..
ممكن تكون واضحة فى ال14 بوصة