صور كتيير للالبيا (من الواقع)

**Ghamrawy** · 20-12-2010 10:22 AM

شكرا يا جماعة
شكرا لمشرف القسم على مجهوده الطيب فى رفع الصور
وشكرا لاحمد يوكو
و شكرا ليكوا على الردود الجميلة
العربية دى الفئة التانية من اللالبيا اللى هى ب 77 و شوية (مش فاكر السعر بدقة)
هى تختلف عن الفئة الاولى فى بعض التفاصيل زى المفتاح الريموت لفتح و غلق الابواب و العتب الفيبر الاسود و الكاسيت و التقفيل الداخلى و الايرباج التانية و شكل الطاسات و شوية حاجات بسيطة كمان زى فتح الشنطة من الداخل و الازاز الكهربا و الايريال اللى فوق السقف و شنطة العدة.
موضوع الباب ده حصل يوم السبت باليل اللى هو يوم 11-12 و انا راكن قدام المعرض بتاع اوماترا
كان الهوا بشع ..انا نفسى ما كنتش عارف افتح باب العربية علشان كان ممكن يطير كله و الناس طلعت من المعرض مسكوا الباب و نزلونى و و انا ماشى على الرصيف الهوا زقنى و و قعت نص و قعة ( المعرض على البحر و على ناصية شارع و الرياح سرعتها زى ما قالوا كسرت سرعة 70 كيلو فى الساعة )
المهم و انا قاعد جوه الناس بتوع الامن قالوا فى واحد طار و دخل فى الباب طبعا انا ما اخدتش فى بالى و شوية كده قمت بصيت لقيت الباب مطبق لجوه ...السوكة اللى فى الباب دخلت لجوه و الباب من فوق بقى طالع و نازل و شكله غريب .الحمد لله انا تقبلت الموضوع و كويس ان الراجل ما دخلش فى الازاز و كسره فى يوم مطرة زى ده و لا مثلا سند على المراية و خلعها .
فوت اسبوع و رحت للسمكرى عمله على البارد بس ماعرفش يجيبه كله لان الباب مليان قضبان من جوه (اتنين) عملين شكل 8 و نقطة لقائهم عند مفصلة الباب .. طبعا الحتت اللى فاضلة شكلها معضعض و عايزة تسخين و رش لما الشتا يخلص ابقى اروح اعمله على روقان ان شاء الله

**eng_ghazaly** · 20-12-2010 12:05 PM

صحيح انا عمري ما شوفت اعلان لفيات عن عربية,,ولا حتى اعلان في الشارع,,,,انا مش عارف مش مهتمين بالدعاية ليه,,,لوعملوا حتى اعلان في الراديو هيبيعوا,,و هيعملوا سمعه احسن من اللى بيعملوا اعلانات للطموحين فقط

**semsem_uno** · 20-12-2010 12:11 PM

المشاركة الأصلية كتبت بواسطة eng_ghazaly

هيعملوا سمعه احسن من اللى بيعملوا اعلانات للطموحين فقط

مفيش كلام بعد التعليق ده
فعلا لازم دعايا و اما بخصوص العربية فا زي منا كنت قايل عليها قبل كده "تحفة فنية "

**khaled_amer** · 20-12-2010 12:22 PM

المهم العربيه دي صيني و لا تركي و لا ايه؟؟؟؟؟؟؟؟؟؟؟؟؟؟؟؟

**moh.aboelkheir** · 20-12-2010 03:34 PM

المشاركة الأصلية كتبت بواسطة eng_ghazaly

صحيح انا عمري ما شوفت اعلان لفيات عن عربية,,ولا حتى اعلان في الشارع,,,,انا مش عارف مش مهتمين بالدعاية ليه,,,لوعملوا حتى اعلان في الراديو هيبيعوا,,و هيعملوا سمعه احسن من اللى بيعملوا اعلانات للطموحين فقط

انا بقول كده احصن ... خاي الناس اللي تشوف العربيه في الشارع تستعجب

**CryptonX** · 20-12-2010 03:46 PM

الف شكر يا غمراوي باشا :)

شغل 10 على 10 :)

الحمد الله ياربن تنتشر علشان قطع غيار لعربيبتي :)

على فكرة كدة بالكاسيت الاصلي و الايبرجز و 72 الف تبقى كويسة جدا في راي .

العربية دي نفس عربيتي بالظبط بس اعقتد اعرض سنة و سيدان طبعا .

بصرف النظر عن عربيتي انا وتجربتي الشخصية بس في المجمل العربية حمالة اسية اوي اوي اوي يعني .

يعيبها غلاء بعض قطع الغيار لو حتشتريها من التوكيل انما تقريبل كل حاجة تانية بلاقيها عادي جدا الان في شارع دمشق باسعار من معقولة الى متوسطة .

بس للاسف بتاعتي مكانش نازل فيها الكاسيت الاصلي ولا ده و لا ايبرباجز واكنت برازيلي و ب 68 الف .. يعني 4 الاف جنيه زيادة للكاسيت و الايبراجز اعتقد ده رقم معقول جدا .

**Ghamrawy** · 20-12-2010 11:46 PM

العفو يا جماعة

انا مش مصدق نفسى انى قاعد على الكنبة فى بيتنا و فاتح المنتدى ..لحظة يسجلها التاريخ
و الف شكر لكريم باشا منير و اتمنى انى اعرف ادخل على طول زى الاول

**prince93** · 21-12-2010 12:26 AM

المشاركة الأصلية كتبت بواسطة ghamrawy

العفو يا جماعة

انا مش مصدق نفسى انى قاعد على الكنبة فى بيتنا و فاتح المنتدى ..لحظة يسجلها التاريخ
و الف شكر لكريم باشا منير و اتمنى انى اعرف ادخل على طول زى الاول

انا الفضول حيعمل فيا حاجة.. مكن اعرف ايه المشكلة الغريبة اللى كانت مانعاك من انك تكون الوحيد اللى مش عارف تدخل المنتدى و فى نفس الوقت احتجت ل أ/كريم عشان يحلهالك؟!

**Ghamrawy** · 21-12-2010 12:30 AM

صدقنى انا نفسى مش عارف
بكره ان شاء الله حاشوف مع كريم ايه اللى حصل علشان الوقت اتاخر دلوقتى

-

الموضوع: صور كتيير للالبيا (من الواقع)

LinkBack

أدوات الموضوع

عرض

-

-

المواضيع المتشابهه

هو احنا هنفضل كده كتيير ؟

صورتين للالبيا 2011

سى دى اللوجان بيقطع كتيير

عربيتي بتستهلك بنزين كتيير اوي

استهلاك بنزين كتيير

الكلمات الدلالية لهذا الموضوع

المفضلات

المفضلات

ضوابط المشاركة