يا جماعة أنا ملاحظ أن قطع غيار الأوبل بتبوظ بسرعة صح ولا أنا بيتهيئلي؟

**medo_msmsa** · 26-03-2008 01:16 PM

من خلال متابعتي ليكم حاسس ان قطع غيار الفيكترا 97-2002 يعني بتبوظ بسرعة يا ريت لو تفيدوني ؟
يعني لو الاستعمال عادي ومعتدل
تيل الفرامل والمساعدين يقعد قد ايه ولو مظبط العفشة وتمام التمام تستمر قد ايه على لما تحتاج تغيرات تاني " نظرا لطرق المحروسة الرائعة"
ده كله على فرض الاستعمال كويس ومعتدل
وشكراً

**abdelaziz-waleed** · 26-03-2008 02:20 PM

هوا انا العربية بقالها معايا حوالي سنة و 4 شهور يعني ما لحقتش احكم عليها. بس اول ما جبتها غيرت التيل الامامي. وماشي بيه لغاية دلوقتي 20 الف كيلو ولسة كويس انا محتاج اغير شوية حاجات في العربية في العفشة بس انا معرفشي صاحب العربية الاولاني غيرهم امتى. بس انا ملاحظ انها قطع معمرة وما بتبوظشي بسرعة.

**Ahmad Allawy** · 26-03-2008 03:23 PM

وانا عن نفسي العربية بقالها معايا شهرين بس..
والعربية موديل 97 برضه..
الراجل اللي قبلي ماعرفش كان عامل ايه بس بصراحة هو كان مش من النوع المهمل..
بس هاقولك ايه اللي لسة ف العربية بقاله سنين السنين..
مبدئيا.. الكبالن و الاسطوانة والدسك.. الفبريكة راكبين لسة.. يعني بقالهم 11 سنة..
ومعلومة.. الاتنين بيشاوروا عقلهم دلوقتي وطلبوا تغيير..
العربية عاملة 130 الف كيلو
يعني المتوسط 10 سنين او 100 الف كيلو.
المساعدين الامامي متغيرين عندي.. بس الخلفي لسة..
الطنابير كلها فبريكة لسة.. وكويسين تمام مفيش فيهم مشاكل..
العفشة بتاعتي بصراحة حالتها مش تمام قوي بس لسة مش عارف فيها ايه وايه فيها اتغير قبل كده وايه لأ.. لسة لما افك العفشة هاعرف واقولك..
بس اللي خلاني اقول يا الماني عمر قطع الغيار و العربية الافتراضي الطويل جدا..
مقارنة بالياباني و اكيد الكوري و الكلام ده..