و لما أحب أجري ... أجري فين؟؟

**ye7ya** · 20-12-2010 01:12 AM

ممكن طريق مصر اسماعيلية الصحراوي...هوا مش حلو أوي لكن بليل اوي بيبقى فاضي نسبيا...انا جايب عليه180 و مفيش رادار بليل

**ahmedhossam86** · 20-12-2010 09:31 AM

الف شكر يا شباب.. انا حابلغ عن الطرق دي كلها و بالمرة ابلغ عنكو كمان.. ههههههههه

انا قريت كل الردود.. لفت نظري مشاركة من د/احمد المحترم.. انا عارف حضرتك ان الجري و الشد عواقبه وخيمة.. بس العربيات اصلا متصنعة انها توصل لـ 180 و 200 كمان.. و الا كانوا خلو الــحد الاقصي 120..

كلنا شباب و بنحس ساعة الجري بالانطلاق و تفريغ شحنة جوا الواحد.. لازم البلد تعي ده و تعمل ان شالله طريق جوه الصحراء طوله 5 كم.. و بكده يبقي عداها العيب..

بس الحكومة مش عايزة ده لانها بتكسب من الرادارات ملايين.. و لا فارق معاها رغبة الشباب و لا ارواح الناس..

**م. عصام مهنى** · 20-12-2010 10:03 AM

المشاركة الأصلية كتبت بواسطة bedo13

طريق الكريمات بتاع الجيش اول اسيوط الصحراوي الغربي..
اصلا السرعة فيه 120 كم/س واعتقد مافيهوش رادارات بالليل..

طريق مية مية
6 حارات والسرعة 120 كم ساعة وأفتح براحتك

**heshamzaky** · 20-12-2010 10:33 AM

هو طبعا الجرى حلو بس بجد خلو بالكم يا رجالة انا طول عمرى بحب السرعة بس بجد من الى الواحد بيشوفة بيقول الجرى المعقول ميزة كان زمان فى طريق مصر العاشر المعهد العالى للتكنولوجيا الطريق كان فاضى مش زى دلوقتى خالص و بجد شباب كتير من المعهد دة عملو حوادث بشعة و الى بيزعل هم الاهل انا مش ضد الجرى على العكس بحب أجرى جدا بس الله يخليكم بلاش تهور و اتنين أصحاب يسخنو ورا بعض علشان واحد يقول للتانى أنا قطعتك على الطريق فالثانى يسخن و يجازف زيادة عن اللازم سيبة يعدى و السلام و ربنا يسترها علينا كلنا