الموسوعه العصريه للمطبات المصريه

**م. عصام مهنى** · 20-12-2010 09:37 AM

المشكلة انك تنام تصحى تلاقى مطب معمول هتلبس فيه
يعنى مثلا فى فيصل علشان تهرب من شارع فيصل بتدخل فى شوارع داخلية لحد اول فيصل
من شهر تقريبا فى شارع بيدخلك على الـ u-turn اول فيصل
تقريبا الناس اللى ساكنة فى الشارع معجبهاش الوضع والزحمة اللى فى شارعهم راحوا عملوا يه
عملوا سبع مطبات من اللى قلبك يحبهم وبين كل مطب ومطب ثلاثة متر بالكتير عند كل باب عمارة مطب وبين المطب والمطب غطاء او اتنين من غطاء البالعة دول اساسا بيخلوا الشارع واقف ومطبات لا باين انها مطبات ولا حاجز المطب عبارة عن طوب مترصص فى الارض وحطين فوقيه اسمنت وانت لازم تتخطاه وتخلص وبعد اول مطب متلحقش تخش فى التانى ورا بعض ولا فية رقابة ولا حى ولا يحزنون
انا عن نفسى بعد تجربة يومين فى الشارع قولت انا كدة مش هلاقى العربية تانى والعفشة هتبقى فى الباى باى المطب بيرزع العربية رزع
وكدة كدة تاخير بمشى من فيصل على طول
وحسبى الله ونعم الوكيل فى اللى بيأذى الناس

**م. عصام مهنى** · 20-12-2010 09:44 AM

المشاركة الأصلية كتبت بواسطة akram

انا نفسي يعملوا وزارة اسمها وزارة المطبات و عملها يكون خاص بحصر المطبات و عمل ترقيع (لا مؤاخذة) للشوارع دي ,
و كمان تكون مسئولة عن متابعة أي اعمال حفر لأي سبب ..............

يا باشا دول هما اللى بيخترعوا المطبات
الشارع يتسفلت النهاردة ويبقى تمام التمام
تانى يوم تلاقيهم بيحفروا فى الشارع اللى اتسفلت علشان نسيوا غطاء البلاعات نسيوا يركبوا كابل نسيوا ............................. !!!!!!
نسيوا انهم سفلتوا الشارع من يوم واحد
هنقول اية...............!!! لا تعليق

**cyborg_ift** · 20-12-2010 11:33 AM

فكره حلوه بس ياترا الموضوع هيساع

**2faster** · 20-12-2010 11:47 AM

انتا ممكن تخلي اسم الموضوع

( خلونا نكتب اسم المطبات اللي حواليها شوارع )

**mailo** · 20-12-2010 11:48 AM

كل الشوارع فيها مطبات غبية بس فيه واحد كان هيقلبني مرة
كنت جاي من الدائري على مدينة نصر ونزلت من طريق المقابر أول ماتدخل يمين على الطريق ده "اللي على ناصيته بنزينة" اجري لحد ماتجيب 90 100 وهوب هتلاقي نفسك وجها لوجه مع مطب ابن حلال لازم تكبسله فرامل عالاخر عشان لو خدته على 60 مثلا ممكن العربية تيجي نصين وخد بالك من التعويمة وخصوصا لو كان فيه عربية قدامك بتاخد المطب وإنت بتقرأ sms على التليفون "هو ده اللي حصلي"
المطب ده في أكتر حتة ضلمة فالشارع فخدو بالكم منه

وفيه مطبات تانية الكبيرة قوي دي ساعات بيعملوا عليها مطبات تانية صغيرة على أساس إن المطب الكبير ده أصلا كان كبري

**Rerii** · 20-12-2010 10:51 PM

المطبات و الحفر كتيرة جداً و مش هينفع موضوع يحتويها كلها ,

دا محتاج لقاعدة بيانات و يتم فيها اختيار المنطقة و الشارع و بعدين يتم إضافة المطب أو الحفرة علشان اللي عايز يروح الشارع ده فيستخرجة و يشوف المطبات اللي اتسجلت فيه ,

لكن كل واحد بيحاول يحفظ الطريق اللي بيمشي فيه و يتفادى المطبات و لو طريق جديد يبقى يمشي بالراحة و يكون حذر جداً و ربنا يسترها ...

انا نفسي يعملوا وزارة اسمها وزارة المطبات و عملها يكون خاص بحصر المطبات و عمل ترقيع (لا مؤاخذة) للشوارع دي ,
و كمان تكون مسئولة عن متابعة أي اعمال حفر لأي سبب ..............

هههههههههههههه والله فكرة بس المشكله اننا بنام ونصحى الصبح نلاقيلنا مطب وللا اتنين جداد على الريق

**electrondevil** · 21-12-2010 03:07 PM

على الطريق الدائري المتجه من طريق الواحات إلى ميدان لبنان بعد المخرج بتاع طريق مصر الإسكندريه الصحراوي هتلاقي نفسك في وادي المطبات الأعظم.
وادي المطبات الأعظم هو أكثر إسم معبر عن المهزله الأسفلتيه الموجوده في هذه البقعه من بقاع الأرض التي من الممكن أن تعتبر مزار سياحي شهير لإجتذاب المغامرين من جميع أنحاء العالم لمشاهدة بل وتجربة (وادي المطبات الأعظم)

في بدايه نشأة وادي المطبات الأعظم كنت متخيل إن الهدف منه هو إبطاء السيارات المسرعه, ولكن اكتشفت أن السبب الحقيقي هو التخلص من السيارات المسرعه وقائديها نهائيا للوصول إلى مجتمع أفضل, وصلت إلى هذا الاستنتاج عندما وجدت أنه بصفه يوميه هناك عدة سيارات متكومه على جنب الطريق بعد أن حاولت التوقف أو الإبطاء عند وادي المطبات الأعظم.

وادي المطبات الأعظم متكون من:
- عدد 3 مجموعات من المطبات التحذيريه تتكون كل مجموعه من 5 مطبات (علشان محدش يقول إنه مافيش تحذير وقد أعذر من أنذر)
- عدد 4 مطبات كبيره ذات ارتفاع أعلى من المتوسط (تم التحذير منهم في المجموعه السابقه)
- عدد 1 مجموعه من المطبات التحذيريه تتكون كل مجموعه من 5 مطبات
- عدد 1 مطب كبير ذو ارتفاع أعلى من المتوسط
- عدد 1 مجموعه من المطبات التحذيريه تتكون كل مجموعه من 5 مطبات
- عدد 1 مطب كبير ذو ارتفاع أعلى من المتوسط
- عدد 1 مجموعه من المطبات التحذيريه تتكون كل مجموعه من 5 مطبات
- عدد 2 مطبات كبيره ذات ارتفاع أعلى من المتوسط
- عدد 2 مجموعات من المطبات التحذيريه تتكون كل مجموعه من 5 مطبات
- عدد غير قابل للحصر من أعين القط ذات ارتفاع قياسي يمكنها من الوصول إلى موسوعة الأرقام القياسيه عن جداره, وهي تعتبر (مرشوشه بعشوائيه) على الأسفلت وليست متراصه في خطوط.
- عدد 1 مطب كبير ذو ارتفاع أعلى من المتوسط
- عدد 3 مجموعات من المطبات التحذيريه تتكون كل مجموعه من 3 مطبات
- عدد 1 مطب (وأنا أعترف أنني أبخسه قدره عندما أطلق عليه مطب), هذا المطب يعتبر من المعجزات الهندسيه التي طالما سعى إلى تحقيقها العلماء ومهندسي الطرق والكباري في جميع أنحاء العالم, إنه المطب اللا-إتجاهي وهو يقوم بكل وظائف المطب العادي من حك بطن السياره وتكسير العفشه وما إلى ذلك ولكنه يقوم بذلك مهما كان اتجاه السياره الضحيه (يعني تمشي بالطول أو بالعرض أو حتى بالورب هتلاقيه برضه مطب)
- عدد 1 مجموعه من المطبات التحذيريه تتكون كل مجموعه من 3 مطبات
- عدد 1 مجموعه من المطبات التحذيريه تتكون كل مجموعه من 5 مطبات
- عدد 1 مطب كبير ذو ارتفاع أعلى من المتوسط وعرض قصير

هنا نكون قد وصلنا إلى نهاية وادي المطبات الأعظم حيث تترك نفسك للظروف وللمطبات التي خلقتها الطبيعه من فواصل الدائري.

والله ولي التوفيق

**wasta** · 21-12-2010 07:32 PM

المشاركة الأصلية كتبت بواسطة moustafa_kamel

انا اعتقد ان السيرفر الجديد للمنتدى مش هايستحمل الموضوع ده لان عدد المطبات و اماكنها لا نهائى

ههههههههههههههههههههه ده عاوزلوا 17 سيرفر لكل حى فقط

المشاركة الأصلية كتبت بواسطة ainshouka

بص

عشان تريح نفسك مصر كلها مطبات

ماعدا منطقتين

واحدة فى ليبيا والتانية فى الهند

هههههههههههههههههههههه عندك حق

**wasta** · 21-12-2010 07:38 PM

اللى أبوخ وأبوخ بقى من المطبات عيون القطط وبذات اللى مابين غمره وإنت نازل على العباسيه يبااااااااى

عيون القطط ديه ياتتاخد وإنت واقف وواحده واحده كده يإمى بسرعه جدااااااا ولو خدتها بالراحه ألاقى العربيات لبست فيا
ولو جاى بسرعه ألاقى اللى قدامى بيهدى فتتاخد بأرخم طريقه اللى هيه ولا بسرعه ولا براحه وتسمع أحلى صوت للدشدشه دش تش دش تش وتحس إن العربيه هتتفكك منك

**Ahmed Nasser** · 21-12-2010 09:41 PM

[QUOTE=electrondevil;3873161392]على الطريق الدائري المتجه من طريق الواحات إلى ميدان لبنان بعد المخرج بتاع طريق مصر الإسكندريه الصحراوي هتلاقي نفسك في وادي المطبات الأعظم.
وادي المطبات الأعظم هو أكثر إسم معبر عن المهزله الأسفلتيه الموجوده في هذه البقعه من بقاع الأرض التي من الممكن أن تعتبر مزار سياحي شهير لإجتذاب المغامرين من جميع أنحاء العالم لمشاهدة بل وتجربة (وادي المطبات الأعظم)

في بدايه نشأة وادي المطبات الأعظم كنت متخيل إن الهدف منه هو إبطاء السيارات المسرعه, ولكن اكتشفت أن السبب الحقيقي هو التخلص من السيارات المسرعه وقائديها نهائيا للوصول إلى مجتمع أفضل, وصلت إلى هذا الاستنتاج عندما وجدت أنه بصفه يوميه هناك عدة سيارات متكومه على جنب الطريق بعد أن حاولت التوقف أو الإبطاء عند وادي المطبات الأعظم.

وادي المطبات الأعظم متكون من:
- عدد 3 مجموعات من المطبات التحذيريه تتكون كل مجموعه من 5 مطبات (علشان محدش يقول إنه مافيش تحذير وقد أعذر من أنذر)
- عدد 4 مطبات كبيره ذات ارتفاع أعلى من المتوسط (تم التحذير منهم في المجموعه السابقه)
- عدد 1 مجموعه من المطبات التحذيريه تتكون كل مجموعه من 5 مطبات
- عدد 1 مطب كبير ذو ارتفاع أعلى من المتوسط
- عدد 1 مجموعه من المطبات التحذيريه تتكون كل مجموعه من 5 مطبات
- عدد 1 مطب كبير ذو ارتفاع أعلى من المتوسط
- عدد 1 مجموعه من المطبات التحذيريه تتكون كل مجموعه من 5 مطبات
- عدد 2 مطبات كبيره ذات ارتفاع أعلى من المتوسط
- عدد 2 مجموعات من المطبات التحذيريه تتكون كل مجموعه من 5 مطبات
- عدد غير قابل للحصر من أعين القط ذات ارتفاع قياسي يمكنها من الوصول إلى موسوعة الأرقام القياسيه عن جداره, وهي تعتبر (مرشوشه بعشوائيه) على الأسفلت وليست متراصه في خطوط.
- عدد 1 مطب كبير ذو ارتفاع أعلى من المتوسط
- عدد 3 مجموعات من المطبات التحذيريه تتكون كل مجموعه من 3 مطبات
- عدد 1 مطب (وأنا أعترف أنني أبخسه قدره عندما أطلق عليه مطب), هذا المطب يعتبر من المعجزات الهندسيه التي طالما سعى إلى تحقيقها العلماء ومهندسي الطرق والكباري في جميع أنحاء العالم, إنه المطب اللا-إتجاهي وهو يقوم بكل وظائف المطب العادي من حك بطن السياره وتكسير العفشه وما إلى ذلك ولكنه يقوم بذلك مهما كان اتجاه السياره الضحيه (يعني تمشي بالطول أو بالعرض أو حتى بالورب هتلاقيه برضه مطب)
- عدد 1 مجموعه من المطبات التحذيريه تتكون كل مجموعه من 3 مطبات
- عدد 1 مجموعه من المطبات التحذيريه تتكون كل مجموعه من 5 مطبات
- عدد 1 مطب كبير ذو ارتفاع أعلى من المتوسط وعرض قصير

هنا نكون قد وصلنا إلى نهاية وادي المطبات الأعظم حيث تترك نفسك للظروف وللمطبات التي خلقتها الطبيعه من فواصل الدائري.

والله ولي التوفيق[

هاروح ازور الوادى ده انشاء الله ههههههههههههه

الموضوع: الموسوعه العصريه للمطبات المصريه

LinkBack

أدوات الموضوع

عرض

-

-

-

-

-

وادي المطبات الأعظم -

-

-

المواضيع المتشابهه

أختار انى جنط و كاوتش للمطبات و المدقات ؟! ارجو المساعدة

القواعد المصريه للقياده العصريه

QWiki ... الموسوعه التفاعلية الرائعه

الملف الحصرى للمطبات المصرى

ماهى السيارات المرتفعة و الملائمة للمطبات المصــرية ؟

الكلمات الدلالية لهذا الموضوع

المفضلات

المفضلات

ضوابط المشاركة