ضابط شرطة يعتدى على أستاذة بجامعة الزقازيق

**احمد ابراهيم** · 19-12-2010 11:55 PM

المشاركة الأصلية كتبت بواسطة i_am_legend

يارب ما تتنازل عن حقها يارب_ويتضرب ويترفد_الفاشل ابو 50 فى المية وشوية كوسة

و الله و يا ريتها كوسة من اللى بتتاكل دى كوسة من اللى بيتف عليها

**factorialx** · 20-12-2010 12:08 AM

طيب الكائن ده يتقال عليه إيه

متهيألي إن ده ممكن يكون رسالة دكتوراه لدكتور نفسي

أمراض بالهبل سيكوباث على نرجسية على شيزوفرينيا على باي بولار

**alaa99991111** · 20-12-2010 12:28 AM

المشاركة الأصلية كتبت بواسطة m.mostafa80

والله انا كان رأى انها تسيب الطلبه عليه عشان يعلموه الأدب اللى ابوه وامه معلموهلوش وساعتها لا كان هيضيع حقها ولا حاجه ومكنش هيعرف يعمل اى حاجه مع اى حد لأن ساعتها (هيتفرق دمه عليهم كلهم واللى فى الغالب مكنوش هيموتوه لكن كانو هيسيبولو علامه تفكره بالى اتعمل فيه هو فى ايه النوعيه دى محدش عارف يلمها ولا ليها رادع ولا ايه المصيبه ان مهنه الشرطه دى اقل مهنه فى العالم كله الا عندنا احنا
الواحد خلاص بقى عامل زى صباع الدناميت وزهق من قله الأدب والسفاله بتاعت الأشكال اللى من النوعيه دى واللى متخيله انها فوق القانون لكن اللى مايعرفوهوش انهم مش فوق القانون الألهى اللى ممكن يخسف بيهم الأرض وهما فى اماكنهم بجد كنت اتمنى تسيبهم عليه يعلموه بعلامه يفضل فاكرها طول عمره لكن هى عشان محترمه ومن اسره محترمه لمت الموضوع وقالت هاخد حقى بالأصول
حسبى الله ونعم الوكيل فى الفئه دى للأسف هو دا اللى فى ادينا نعملو نحتسب وبس

+1111111111111111111111

**mrwho1982** · 20-12-2010 03:11 AM

علشان تعرف ان هم عالم تعبانة جداااااااااا

مرة كنت في سيتي ستارز مع المدام لقيت واحد راكب معانا في الاصانصير ولابس بدلة كلية الشرطة وكان فرحان بنفسو اوي

في الحالة دي مسكتني هيستريا ضحك ومراتي تبصلي باستغراب وانا مش قادر امسك نفسي من الضحك والناس اللي في الاصانصير قعدو يضحكو والواد وشو جاب الوان طيف

وبعدين وانا نازل من الاصانصير بيقولي هو ايه اللي يضحك

قمت حاطط ايدي علي شعاع الليزر بتاع الاصانصير

وقلتلو ولااااااااااااااا انت عبيط ولا ايه انا ضابط جيش يالا

لقيتو بيقولي انا اسف ياباشا وشكلو بقي باااااااااااااايخ وانا قعدت اضحك برضو وانا اصلا لاجيش ولا شوربة

**crazylambada** · 20-12-2010 03:21 AM

على فكره لا هو كويس و لا الدكتور كويسه لانها كانت بتديلنا انسانيات في الكليه عندنا و كنا لازم نشتري كتاب رفيع بالشيت بتاعه ب 50 جنيه و لازم تشتري حل الشيت بتاعه و يدبس في الشيت ب 10 جنيه و لو حليته مع نفسك صفر يا كبير
شوف بقى الطمع غير اسلوبها المتهكم مكناش طايقينها فمتفتكروش انها الملاك البرئ و الظابط طبعا الطلبه مكنوش حيشيبوه كان اتفرم

**M.Mostafa80** · 20-12-2010 08:26 AM

المشاركة الأصلية كتبت بواسطة crazylambada

على فكره لا هو كويس و لا الدكتور كويسه لانها كانت بتديلنا انسانيات في الكليه عندنا و كنا لازم نشتري كتاب رفيع بالشيت بتاعه ب 50 جنيه و لازم تشتري حل الشيت بتاعه و يدبس في الشيت ب 10 جنيه و لو حليته مع نفسك صفر يا كبير
شوف بقى الطمع غير اسلوبها المتهكم مكناش طايقينها فمتفتكروش انها الملاك البرئ و الظابط طبعا الطلبه مكنوش حيشيبوه كان اتفرم

بغض النظر دا ميمنعش انو همجى ولا يصلح الا ثور مربوط فى ساقيه

**adel1414** · 20-12-2010 08:29 AM

المشاركة الأصلية كتبت بواسطة factorialx

طيب الكائن ده يتقال عليه إيه

متهيألي إن ده ممكن يكون رسالة دكتوراه لدكتور نفسي

أمراض بالهبل سيكوباث على نرجسية على شيزوفرينيا على باي بولار

**MOMODENGER** · 20-12-2010 09:41 AM

المشاركة الأصلية كتبت بواسطة ahmed_lol2007

منتهى قلة الادب من الضابط دة
أنا مش عارف هما شايفين نفسهم على ايه هما مفكرين نفسم عملو الى ما يتعملش دول أصلا داخلين كلية الشرطة بالواسطة والكوسة والرشاوى
كل واحد دلوقتى يقولك إنت مش عارف أنا مين وابن مين وانا هعمل وأخلى فيك
بجد عندهم عقد نقص بالهبل والكلام دة مش على الكل بس بقى موجود فى الغالبية العظمى من الظباط صغار السن

معاك واضيف انهم استولى على البلد والحكومة هية الى بعتنا ليهم لعنة اللة عليهم وربنا يحرقهم ويشلهم كلهم قال امن وامان قال دة رعاة الفساد وكلاب على الشعب قطط على الحكومة

**MOMODENGER** · 20-12-2010 09:44 AM

المشاركة الأصلية كتبت بواسطة mrwho1982

علشان تعرف ان هم عالم تعبانة جداااااااااا

مرة كنت في سيتي ستارز مع المدام لقيت واحد راكب معانا في الاصانصير ولابس بدلة كلية الشرطة وكان فرحان بنفسو اوي

في الحالة دي مسكتني هيستريا ضحك ومراتي تبصلي باستغراب وانا مش قادر امسك نفسي من الضحك والناس اللي في الاصانصير قعدو يضحكو والواد وشو جاب الوان طيف

وبعدين وانا نازل من الاصانصير بيقولي هو ايه اللي يضحك

قمت حاطط ايدي علي شعاع الليزر بتاع الاصانصير

وقلتلو ولااااااااااااااا انت عبيط ولا ايه انا ضابط جيش يالا

لقيتو بيقولي انا اسف ياباشا وشكلو بقي باااااااااااااايخ وانا قعدت اضحك برضو وانا اصلا لاجيش ولا شوربة

فرق كبير بين بتوع الجيش الشقيانين ودول المدلعين

**MASERATI** · 20-12-2010 01:25 PM

السلام عليكم و رحمة الله وبركاته

للأسف, بقى من العادى اننا كل كام يوم نسمع خبر زى ده , المهم فعلا هنا, أن الدكتورة دى ماتتنازلش لأنها لو اتنازلت هيبقى ضاع حقها و حقنا كلنا .

لحد مانشوف الأمور هترسى على ايه و ربنا ييسر و النوعيات الزبالة دى تنتهى من مجتمعنا بأه .

طبعا , حكاية أنها بتبيع الكتاب ب 50 جنيه و الشيت ب 10 جنيه , فده تصرف غلط , و الحكومة هى اللى خلتها تعمل كده لما ماداتهاش مرتب يكفل لها الحياة الكريمة على الرغم من أن هناك أناس كتير جدا أقل منها فى الشهادات و التعليم و الخبرات و شغالين برضه فى الحكومة و بيخدوا أدها 5 مرات و اللى عملته رغم أنه غلط بس أفضل من أنها تدى دروس أو تبيع الامتحانات أو تاخد رشوة , لكن اللى عمله الخنزteeeeeeeeeeeeeet بتاع الشرطة ده يبقى ايه غير أنه التصرف اللائق من الخنازteeeeeeeeeeeeet فعلا .

الموضوع: ضابط شرطة يعتدى على أستاذة بجامعة الزقازيق

LinkBack

أدوات الموضوع

عرض

-

-

-

-

-

-

-

المواضيع المتشابهه

ضابط جيش يعتدى على أفراد أمن عند مطالبتهم له بإخراج رخصة السيارة بالغربية

والدي ضابط شرطة!!!

الكلمات الدلالية لهذا الموضوع

المفضلات

المفضلات

ضوابط المشاركة