ضابط شرطة يعتدى على أستاذة بجامعة الزقازيق

**dr-mohamed** · 31-12-2010 02:41 AM

المشاركة الأصلية كتبت بواسطة vinosse

ح لكن يبقى السؤال كيف دخل هذا الضابط الكلية والمدرج يجب ان يقوم العميد بتحقيق فورى

فينوس عميد كلية ايه اللى يسئل عن دخول ظابط الشرطة للكلية
انت متعرفش ان اي حد ممكن يدخل اي جامعة ولا ايه ؟

المشاركة الأصلية كتبت بواسطة shaddadfalcon1

اللي يقولي الشرطه حلوه وبتحمي الناس يقرا الأخبار ويشوق قسم سيدي جابر متهم حتي الان في مقتل كام واحد من بعد خالد سعيد

ونسيت ليه يا باشا قسم العمرانية اللى واخد شهرة دولية وكل منظمات حقوق الانسان العالمية بتضعه في تقاريرها وتقريبا معظم الاقسام كدة

المشاركة الأصلية كتبت بواسطة zidan2008

يسيدي ماسهل حاجة في الدنيا دي الغلط و قلة الادب
يعني تحترمني احترمك هتتجاوز حدودك هتسرف وده مش تهديد انا بفهمك

مش فاهم يعني ايه هاتتصرف ؟؟؟؟؟؟؟؟؟
ممكن لهجتك في الحوار تبقي اهدا من كدة شوية انت هنا مش في قسم

وهرد علي الاخ الي بيقول انهم متخلفين عشان 60 % : انت شكللك قدمت و مقبلتش عندك عقدة منهم
اقسملك بالله اني في ناس كانت جايلها طب وهندسة سبوها ودخلو شرطة افهم انتا بقي

يفهم ايه ؟؟؟؟؟
ان اي حد معترض على سلوك الشرطة يبقي معقد نفسيا لانه يا حرام قدم ورفضوه ؟؟؟؟؟
معظم الناس هنا لم تقدم في الشرطة ولا تريد ان تصبح فيها

و معترض علي 60 ليه مالحربية كدة و بتلع عباكرة.

لغتك العربية كارثة فعلا

واخيرا بشكرم علي سعت صدركم وفي الاخر كلنا اخوات ولة تقولي ظابط ولا مواطن عادي احنا موجودين لحمايتكم

وهرد علي الاستاذ الي كان بيقول علي الموقف بتاع ظابط الجوية انا قلت لحضرتك انها عملية تقدير
والظابط زعل عشان الشرطة شايفة شغلها ولعلمك ليه حق يعارده ويجبلو الشرطة العسكرية .

تحموا مين بس الله يهديك اي مشاجرة الشرطة بتنتظر لما تنتهي وبعدين تدخل لو فيه قتلي بعد الخناقة ما تخلص
معظم الشرطة في الاقسام عارفين الحرامية وتجار المخدرات وبيخافوا يقربوا منهم لانهم عارفين ان اخرهم هاينضربوا ومش عايز اقول ان كتير منهم بيقسموا معاهم

وبصراحة وبرغم اعتراضي على سلوك الظابط الطيار الا اني كثير ما بتمني وجوده علشان يعرف يتصرف مع عينات كتيرة جدا من ظباط الشرطة وربك بيسلط أبدان على أبدان

المشاركة الأصلية كتبت بواسطة col. Eng. Khaled

في حالة الإصابات و جرائم النفس فقط

يا ريت يا من تقول انك ظابط شرطة تراجع القوانين بسرعة قبل ما تلبس في الحيط لان واضح ان فيه حاجات كتير مش عارفها بدليل كلام الكولونيل خالد فكن حريص مع ظباط الجيش علشان مش بيتفاهموا

المشاركة الأصلية كتبت بواسطة fadod

بصراحه أنا موافقك على الجمله ده ....الشرطه جزء من الشعب..والشعب فاسد تماما ..يعني المرتشين في كل حته مش ظباط وبس

الشعب ليس كله فاسد وبرجاء تعديل جملتك

المشاركة الأصلية كتبت بواسطة zidan2008

الظابط الي انتو مش طيقينو ده دخل الكلية 4 سنين من عمره شاف فيها كل حاجة و جميع انواع الضغط النفسي عشان يعرف يتعامل مع سيادتكم و الشرطة جزء من الشعب انتو الي بتفرقو بينا
وانا اسف يااستاذ لو كنت ضيقتك بكلامي ولك جزير الشكر والاحترام

محدش غصبه ولا حد اتوسل اليه هو اللى جري لما حفي علشان يدخلها مايجيش يحملنا زنوبه وخطاياه والذل اللى شافه في الكلية
ومين دول اللى بيفرقوا بينكم وبين الشعب ؟؟؟؟؟؟؟
كن واقعي الشعب لا يطيق الشرطة اطلاقا حتي النماذج المحترمة فيها للاسف تضيع وسط الاغلبية الفاسدة المتغطرسة المتكاسلة المتباهية بنفسها لابعد الحدود كالطاووس ليس له فائدة الا الزهو بريشه
ومتزعلش انت كمان لو ضايقتك بكلامي

**dr-mohamed** · 31-12-2010 02:47 AM

المشاركة الأصلية كتبت بواسطة zidan2008

و خلاصة القول انا دخلت اوضحلكم حجات عايبة عن ناس كتير منكم
انتو فاكرين الشرطة دي وحوش او ناس من كوكب تاني لا هم منكم هتلاقي اخوك او قريبك او صديقك واحد منهم و لازم هتكرهوهم عشان هم الي بيطبقو القانون هما الي في الصورة
المشكلة مش فيهم انتو بتمسكو في الي في وشكم و تنسو الي صدر القانون
هي هيئة تنفيذية يعني بتنفذ الاوامر
والظابط الي انتو مش طيقينو ده انتو مش عارفين حالو اه
الي يسيب بيتو و مراتو و اولاده واهله و يخدم البلد ووقت الاعياد يكون بعيد عنهم
عشان يحمي سيادتكم وانا مبفرقش بين الشرطة والشعب كلهم جزء لا يتجزء يعني تخيل الدولة من غير شرطة
او تخيل بلد من غير شغب العجلة متمشيش
ولازم الناس تكون خايفة من الشرطة ده امر طبيعي عشان هما الي بيطبقو القانون ده في اي بلد كدة
و المشكلة في الاعلام انو سلبي هو الي ضاحك علي الناس بتشوفو الاحداث من زوية واحدة
وشكرا لكم جميعا ولكم جزير الشكر

يا ريت الشرطة تطبق القانون كما صدر القانون على الجميع دون تمييز او محاباة وفي حدود القانون دون بلطجة او تعسف في استعمال الحق وقتها كل الناس هاتحبهم
ومالناش دعوة بحاله ايه هو اللى اختار المهنة يبقي يتحمل التزاماتها زي ما بياخد حقوقها لكن انه يستغلها لمجرد استعراض القوة او التلذذ بتعذيب الناس او او او او لا يبقي امر مرفوض وكل مهنة لها متاعبها يعني ظابط الشرطة مش الوحيد اللى بيتعب في البلد
وللاسف بلطجة الشرطة واستهانتها بالقانون وتطبيقه كما يريدون وليس كما وضع القانون هو ما جعل الناس تكره الشرطة
خاصة انها حين يحتاجها الشعب لتقوم بواجبها لا تقوم به كما قال الجميع في حوادث السرقة التي تعرضوا لها وانا واحد منهم تعرضت لحادث اصطادم سيارة وطلبتا النجدة اكتر من 5 مرات وكل مرة العربية في الطريق مع ان القسم يبعد 10 دقايق ومحدش جه غير بعد ما عملت تليفون في خلال 10 دقايق كانت الشرطة موجودة يعني مش بتتحرك غير لما تاخد كلمتين من اللى فوقها تقوم تتحرك انما تتحرك لتنفيذ واجبها لا يحدث واتحداك

**ahmedjumpo** · 31-12-2010 03:29 AM

المشاركة الأصلية كتبت بواسطة zidan2008

لا لغتي العربية مش كارثة ولا حاجة انت بس الي شكلك فاضي و بتدقق في الهيفة هشان تقنع نفسك باي حاجة
وانا اقتنعت كدة باني اي حاجة تعملها الشرطة في الشعب ده حلال خلي دمغكم انتو في الفاميه والزينون تمام كدة يا استاذ العربي .
وفي غلطات عشان الحق ارد .

يعنى حضرتك معترف بعمايل الشرطة فى الشعب بس تعديل بسيط ان عمايل الشرطة ديه بتطبق على الناس المحترمين و الضعفاء بس اما اللى له دهر فلا يجرؤ اى ضابط انه يرفع عينه فيه و بيبقى زى العصفورة و يا سلام بقى لو قدام واد فاقد و لا مسجل خطر تلاقى بشوات الشرطة بخخخخخ اختفوا و هو العمر بعزقة
بس انا ليا سؤال مش نفس المصرى اللى الشرطة عاملة فيه العمايل بحجة ان الشعب السبب هما اللى بيطلعوا بره مصر و بيتعاملوا معاملة محترمة من الشرطة فى البلاد اللى بيروحوها و مبيحصلش معاهم مشكلات يبقى العيب فى مين الشرطة و لا الشعب

**dr-mohamed** · 31-12-2010 03:45 AM

المشاركة الأصلية كتبت بواسطة zidan2008

لا لغتي العربية مش كارثة ولا حاجة انت بس الي شكلك فاضي و بتدقق في الهيفة هشان تقنع نفسك باي حاجة
وانا اقتنعت كدة باني اي حاجة تعملها الشرطة في الشعب ده حلال خلي دمغكم انتو في الفاميه والزينون تمام كدة يا استاذ العربي .
وفي غلطات عشان الحق ارد .

اولا انا مش فاضي لك وعندي مليون حاجة اهم من اني اشغل نفسي بك او بلغتك
ثانيا اقتناعك انت جئت محمل به واردت فرضه علينا بان الشرطة ملائكة ولهم الحق في ان يفعلوا ما يريدون واقتناعك خاص بك وحدك والشعب اللى مش عاجبك وشايف ان اللى بتعملوه فيه حلال هو اللى بيدفع لك مرتبك من الضرائب التي تجمع منه

اما ان دماغنا في الفاميه والزينون فبافتراض صدق كلامك على الاقل افضل من ان يكون دماغنا كل اللى فيه ازاي اقسم المخدرات المظبوطة زي الفيديو اللى اتسبب في قتل خالد سعيد او في تعذيب مواطن كما حدث مع عماد الكبير او تلبيس قضية لمواطن كما حدث مرة اخري مع عماد الكبير
وانا مش استاذ عربي يا ظابط كما تقول

والافضل ان ردك يكون هنا فقط بدل ما تبعت رسائل زوار لانها غير مرحب بها كما ان اسلوبك غير مرحب به
والى هنا انتهي الحوار بيني وبينك

**heshamzaky** · 31-12-2010 03:52 AM

المشاركة الأصلية كتبت بواسطة zidan2008

لا لغتي العربية مش كارثة ولا حاجة انت بس الي شكلك فاضي و بتدقق في الهيفة هشان تقنع نفسك باي حاجة
وانا اقتنعت كدة باني اي حاجة تعملها الشرطة في الشعب ده حلال خلي دمغكم انتو في الفاميه والزينون تمام كدة يا استاذ العربي .
وفي غلطات عشان الحق ارد .

أهلا بيك فى المنتدى بص لو عاوز تعرف لية حد قالك أن لغتك كارثة ذلك لوجود أخطاء لغوية و أملائية كثيرة و بالمناسبة الدكتور محمد مش مدرس عربى دة دكتور جامعى يعنى بيدرس للطلبة الى فى الكليات و بعدها بيحصلو على مؤهل عالى راجع مشاركاتك و أقرئها ستجد كم كبير من تلك الاخطاء و لا داعى للخطأ علشان الناس ترحب بيك فى المنتدى و لا تأخذ منك موقف سلبى دى نصيحة اخوية منى لك

**MASERATI** · 31-12-2010 05:36 AM

السلام عليكم و رحمة الله و بركاته

أنا بس بكتب المشاركة دى عشان فعلا الأخطاء اللغوية شكلها وحش أوى و خاصة أن التوبيك ده, فيه أعضاء كتير كتبوا فيه مشاركات كتير, بس أنا لم ألاحظ الأخطاء اللغوية الا فى المشاركات بتاع سعادة الباشا الظابط.

الرجاء أن:

1 - تبدى رأيك و تقول اللى أنت عايز تقوله بدون التعدى على حرية الآخرين و لا بالتريقة على الآخرين و من غير زعيق لأننا احنا هنا فى نايل موتورز اللى كلنا بنتعامل فيه باحترام شديد جدا مع بعضنا البعض و لأننا مش فى قسم شرطة و حتى لو كنا فى قسم شرطة , برضه مش هنسيب فرصة لأى حد, أيا كان, أنه يتعامل معانا بشكل غير لائق .

2 -و رجاء حارا, حاول تتفادى الأخطاء اللغوية بقدر الامكان, حتى عشان الناس تقتنع بكلامك و تصدق أن مش كل اللى بيدخل كلية الشرطة بيبقى جايب 65.75% و أنهم بيبقوا جايبين 98% و بيسيبوا كليات القمة و بيروحوا كلية الشرطة عشان هما بيحبوا العمل فى سبيل خدمة تراب الوطن و كده .

شكرا و جزاكم الله كل خير .

**zidan2008** · 31-12-2010 02:37 PM

المشاركة الأصلية كتبت بواسطة maserati

السلام عليكم و رحمة الله و بركاته

أنا بس بكتب المشاركة دى عشان فعلا الأخطاء اللغوية شكلها وحش أوى و خاصة أن التوبيك ده, فيه أعضاء كتير كتبوا فيه مشاركات كتير, بس أنا لم ألاحظ الأخطاء اللغوية الا فى المشاركات بتاع سعادة الباشا الظابط.

الرجاء أن:

1 - تبدى رأيك و تقول اللى أنت عايز تقوله بدون التعدى على حرية الآخرين و لا بالتريقة على الآخرين و من غير زعيق لأننا احنا هنا فى نايل موتورز اللى كلنا بنتعامل فيه باحترام شديد جدا مع بعضنا البعض و لأننا مش فى قسم شرطة و حتى لو كنا فى قسم شرطة , برضه مش هنسيب فرصة لأى حد, أيا كان, أنه يتعامل معانا بشكل غير لائق .

2 -و رجاء حارا, حاول تتفادى الأخطاء اللغوية بقدر الامكان, حتى عشان الناس تقتنع بكلامك و تصدق أن مش كل اللى بيدخل كلية الشرطة بيبقى جايب 65.75% و أنهم بيبقوا جايبين 98% و بيسيبوا كليات القمة و بيروحوا كلية الشرطة عشان هما بيحبوا العمل فى سبيل خدمة تراب الوطن و كده .

شكرا و جزاكم الله كل خير .

والله انا معترف اني في اخطاء املائية و ده امر طبيعي عشان بكتب بسرعة
ثانيا انا مش داخل اتخانق ولا افرض رئي علي حد انا دخلت اوضح وجهة نظر كانت غايبة عن ناس كتير
و مليش اني اتريق علي حد بس هو ممكن يكون استفزني

وهذه اخر مشاركة لي لان الموضوع مش هيتقفل و اعظروني لو كنت قلت حاجة زعلت حد انا شفت اكتر الناس الي بيتريق والي بيشتم وحضرتكم سبتو كل ده و قلتو اني بططاول عليكم
انا هقول كمان مرة الي بيدخل الشرطة ده واحد من الشعب و الي هيرضاه علي اهله هيرضاه علي الشعب
والي متربي مفيش حاجة بتغيره
و اعزروني في الاخطاء
ولكم جميعاً جزيل الشكر والاحترام
و للمنتدي المحترم .