تقسيط ساجا بدون قرض

**shand0** · 19-12-2010 08:42 PM

لو حبيت أشترى ساجا بالتقسيط بس ياريت تقسيط بدون قرض، ممكن حد يفدنى فى الموضوع ده..

**sayed911** · 19-12-2010 10:26 PM

انا مش فاهم برضوا حضرتك عايز ايه بالضبط .. يعني حضرتك عايز تقسط مع معرض بدون قرش من بنك ولا عايز تقسط مع بنك بس في الحالة دي ها يبقى بقرض ويتم دفعه للمعرض ياريت حضرتك توضح عايز ايه بالضبط وان شاء الله ها نساعدك ...

**spiderloking** · 19-12-2010 11:03 PM

بص يا سيدي عندك كذا مكان ممكن يقسطلك اول حاجه التوكيل ذات نفسوا عز العرب فتح نظام التقسيط و بتدفع نص تمن العربيه تقريبا و الباقي علي سنتين بدون فوائد والله اعلم بردوا ممكن ترجع في موضوع التقسيط من عز العرب لأني مش عارف الانظمه كلها هناك و طريقة التعامل

هقولك انا جبت العربيه ازاي انا بردوا جايبها قسط جبتها تبع المصريه للسيارات فرع المعادي روحت و دفعت مقدم المقدم بيبقي بتدفع جزء من تمن العربيه يعني 10 % او 20% او 30% و هكذا و كل ما المقدم يزيد كل ما القسط يقل انا دفعت تقريبا حوالي 25 الف جنيه و بقسط العربيه علي 5 سنين بدفع كل شهر تقريبا حوالي 1180 جنيه .

و تقدر تجيب العربيه قسط عن طريق كذا مكان ممكن تسأل فيهم هقولك احسن اماكن طبعا شركة كونتاكت كار و المصريه للسيارات و عربيتي ده غير معارض السيارات

لو في اي استفسار احنا في الخدمه

**mmmmgogommmm** · 23-12-2010 10:45 PM

الشركة العالمية للتجارة وكيل دايهاتسو فى مصر ----تقسيط اسلامى 100/100 فايدة 9/ بتقسط اى نوع بتشترى العربية بعقد ابتدائى وتبعهالك من معرضهم

**shand0** · 25-12-2010 07:22 PM

أولاً متشكر جداً على الردود و الإهتمام من الجميع

طبعاً أنا أقصد تقسيط مباشر بدون قرض من البنك. هو لو من التوكيل نفسه و أدفع 50% و الباقى على سنتين ده يبقى كويس جداً قرأت عن الشركة العالمية و ده هايبقى الإختيار الثانى إن شاء الله