الموضوع: الرشوة

اخوتى الاعزاء : هل الرشوة امر واقع فى مصر
يعنى اذا اتمسكت فى اى مشكلة كانت وكنت غلطان احسن ليا ادفع الرشوة ولا التزم احسن
سؤال يطرح نفسه وبصراحه له وجهين
1- انى اكون غلطان واتمسكت عكس الاتجاه وبدل ما الموضوع يبقى قضيه ووجع قلب ادفع للى ماسكنى 50 جنيه يعمل روحه ماشفنيش اصلا وخلص الموضوع وارجع اقول الحكومه فاسده وامناء الشرطه مرتشين
ولا التزم بالصح وامشى مظبوط واخليها على الله
عارف فيه ناس حاتقول ان بعض الشوارع مافيهاش علامات لكن معظم موش كل اللى بيمشى غلط بيبقى عارف انه غلط بس بيبقى عاوز ( يخطف الحته دى بدل مايلف من مكان بعيد)
2-الوجه الاخر وهو الفساد ان يطلع لك امين شرطه او عسكرى ويقلك انى ماشى عكسى رغم انك ماشى صح فيه ناس بتخاف وتديله 10 او 20 جنيه وتتقى شره وخلاص وفيه ناس بتنزل تتعارك معاه وتشهد عليه الناس كلها وتعملها حكايه لحد ماهوا يحس انه حايتفضح فابيمشى ويطنش
وطبعا الرشوه فى كل حته تخليص ورق فى اى مصلحه حكوميه او فى اى مكان
لكن فيه مشكله كبيره ان ( الراشى والمرتشى فى النار) طيب نعمل ايه
بصراحه فى مواقف كتير بنتعرضلها وغصب عننا بندفع المعلوم واحنا عارفين انه حرام
حد يقولى نعمل ايه؟؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة Nistelrooy

احنا مش بناذي فيها حد او مش بناخد حق حد ( الا طبعا لو عملت مخالفة والعسكري حرف في الارقام )

مش قصدي رشوة المخالفات عامة

احنا بندفع علشان ناخد حقنا قصدي لما تخلص ورقك انتا بتدفع علشان تخلص ورقك ولو مادفعتش مش هتخلص :) او هتطعطل كتير اوي ..

فعلا كلام حضرتك صحيح بس لو فضينا نفسنا وروحنا قعدنا ساعتين بدل ساعه عشان نخلص مصلحتنا بدون رشوه اكيد افضل

المشاركة الأصلية كتبت بواسطة mahmoud_afifi

انا مش عاوز افتي بس طالما الواحد ماشي صح يبقى مايخافش ويثبت على موقفه, الا لو خايف ان مصالحك تتعطل ساعتها انت مضطر.
زي مثلا دفع الفلوس عشان تعمل رخصه, ماينفعش تمشي من غير رخصه ومش هتعمل رخصه لو ماشي صح.

والله الواحد في مصر بيعمل حاجات كتير غلط وخايف من الحساب بس نعمل ايه .... غصب عننا :(

دى نقطة محيرانى فعلا ازاى حاجات بتخلص سهله جدا بالفلوس وتبقى صعبه جدا تكاد تكون مستحيله لو ماشى رسمى

المشاركة الأصلية كتبت بواسطة Akram

انا بقدر الإمكان بحاول أمشي صح و مديش حد فرصة إنه يتكلم معايا ,

أما لو بخلص حاجة في مصلحة بحاول إني مدفعش رشوة إلا لو إضطريت أو طلبها الموظف عيني عينك و أحياناً بدفعله بدافع الحياء ,

ربنا يرحمنا و يغفر لنا ........

انا بعمل زى حضرتك يمكن عشان بكون فاضى لما بكون اجازه فى مصر وبعمل كل حاجه بدون رشوه حتى لو حاتاخد وقت بس اللى مشغول اوى اللى واخد اذن ساعه يعمل ايه؟