الموضوع: السؤال الى تعبتوا منه ..الرجاء المساعده فى لوجان والإختيار الصعب ..؟

المشاركة الأصلية كتبت بواسطة abohassan

متشكر جداا على نصيحتك ودا بالفعل الى انا عملته ورحت مدرسة تعليم وأخدت الحصص بالفعل بس برضه لسه عندى رهبه انى أسوق عربيه زيرو بصراحه أخاف عليها



هل فعلا انته شايف انى لو عملت زيك كدا وأخدت بتاع 10 ساعات على عربيه تانيه زى الفيرنا الى بتتاجر دى هيبقى كافى ؟ (أنا الحمد لله بيقولولى انى إستيعابى كويس وبتعلم بسرعه) بس لسه عاوز شويه ممارسه
ولو ممكن بيانات صاحب العربيه دى علشان لو قريب منى اكلمه وأحاول أظبط معاه

وبالنسبه لسؤالى الثانى .. هل فعلا المستعمل ها يزهقنى حتى لو حالته كويسه .. وأيه اخبار اللانسر 98 دى

باشا انا بعت لك رقم الراجل على الخاص وهو من شبرا مش عارف هيكون المكان مناسب لك واللا ايه ..
بس اعتقد ان فيه زيه كتير ..
اعتقد 10 حصص كويس جداً لكن ركز على تعلم الآتى:
1- فى كل حصة خلى جزء منها فى الشوارع الفرعية (الداخلية) ودية مهمة جداً ولازم حصة للركن
2- ازاى تقف على مطلع كوبرى هام جداً
3- خلى الحصص فى فترات متقاربة يعنى كل يوم او يوم ويوم .. وقبل ما تستلم العربية ممكن تاخد قبلها حصة دبل
4- انصحك تعمل تأمين شامل وده هيديك اطمئنان شوية
5- لما تستلم العربية اعمل بيها كام مشوار فى اوقات تكون البلد فاضية وتكون مشاوير انت دارس الطريق بتاعها كويس

وما تهابش الموقف اكتر من اللازم والعربية الزيرو سواقتها سهلة جداً .. وفوق ده كله .. ربــنــا ســتــــار