عربية و توكيل اسوأ من بعض

**thesamer** · 19-12-2010 10:38 PM

العربية دي سيئة جدا و التوكيل اسوأ لأن زوجتي معاها واحدة و هي مش بتجري و لا اي حاجة و العربية جابت عامود كردان و فتيس غرس .خت العربية و روحت التوكيل دفعوني 300 جنية علشان يكشفو عليها مع انها في الضمان و بعد الكشف قالولي انها محتاجة 35000 جنيه خمسة و ثلاثين الف جنية و لما قولت للمهندس مش المفروض انها عالية قالي انها اتخبطت من تحت و الضمان غير مسئول

**M.Mosaad** · 19-12-2010 11:30 PM

ياباشا طب نوع العربيه ايه ديهاتسو قديم و لا جديد و شاريها مستعمله و لا جديدة لاني اعتقد لو قديم و قطعه الغيار مش موجودة فالتوكيل هيستوردها ليك مخصوص و هتبقي قطعه واحد فثمنها هيبقي غالي ياريت تفاصيل اكتر علشان الاخوة يقدروا يساعدوك باي نصيحه و يرشحولك مكان تاني ممكن تشتري منه

**أبو عبدالله** · 20-12-2010 12:16 AM

أخي الفاضل
عذرا ولكن احنا مش فاهمين حاجه وتأكد ان الوكيل لي له اي مصلحه انه ميغيرشي اي قطعه في العربيه على الضمان لأنه ببساطة مش بيدفع حاجه من جيبه لأن كل حاجه بيبعت يجيبها من اليابان على حساب الشركة الأم
فتأكد لو فعلا الموضوع بسبب العربيه مش هيتأخروا
وتجارب الاعضاء هنا كلها تشهد ذلك
وياريت بس توضحلنا اكتر الموضوع

**bmya** · 20-12-2010 01:23 AM

اعتقد الاخ من الكلام تقريبا بتكلم على التيريوس عشان انا اتهيقلي اني شوفت كلمه فتيس غرز
عموما ياريت بس تفهمنا انت بتتكلم على ايه وليه ومين وموديل كام وبعدين نبقى نشوف

**slim_shika** · 20-12-2010 02:14 AM

أنا مش فاهم أي حاجة!

**WaelOteffi** · 20-12-2010 02:26 AM

سلام عليكم
حد يا جماعة معاه تريوس 2010 او 2009 بس يكون ماشي بها كتيييييييير يطمنه علي العربية ابه اخبارها لان الواحد كد قلق

**slim_shika** · 20-12-2010 02:42 AM

يا باشا مفيش قلق ولا حاجة, الموضوع لسة مش واضح.

كلنا مستنيين نعرف التفاصيل.

**WaelOteffi** · 20-12-2010 02:50 AM

ربنا يطمنك دايما

**askoda** · 20-12-2010 07:35 AM

My Cousin have this car from 2008 tilll now he made 90 000 KM
On all types of roads & with 3 or 4 persons driving this car & till now Masha2 Alllah it's working as new :)

They have the Highest Category 4x4