الموضوع: الزجاج غير متوفر بالتوكيل وسيتأخر وصوله من القاهرة ما الحل ؟

أحبائى وإخوانى وأعزائى
يا أرجل وأجدع ناس فى الدنيا

مهما أقول فيكم مش هوفيكم واحد فى المليون من حقكم...

إنتوا قلتوا وعملتوا معايا اللى مايعملوش الاخ الشقيق ولا الصديق....

قسما بالله .... نسيتونى كل اللى مريت بيه وولا كأن فى حاجة من كلامكم ده

مش عارف أقول إيه .... مش عارف بجد ....

أنا نفسى أجى لكل واحد فيكم لحد بيته أشكره ......

أنا لو أعرف إن كسر زجاج سيارتى هيخلينى أعرف رجالة بالشهامة والرجوله والانسانيه دى ... كنت دغدغت زجاج العربية من الاول بنفسى حته حته ...

أقول إيه لصلاح حكيم اللى بيتصل بيا كل يوم مرتين طول الاسبوع اللى فات عشان يطمئن أنا عملت إيه وانا ولا اعرفه ولا شفته قبل كده ؟!!!

وأقول إيه للى بيعرض عليا إنه يجيبلى الزجاج بعربيته لحد عندى فى إسكندريه وبدون مقابل وبرضه أنا ولا شفته ولا أعرفه قبل كده ؟!!!

وأقول إيه للى بيعرض عليا إنه يروح التوكيل بنفسه فى ابو رواش ويشحنلى الزجاج لحد عندى ... وبرضه أنا لا أعرفه ولا شفته قبل كده؟!!!!

أقول إيه للمهندس/ أمر الكوافى بمركز ابو رواش اللى بيتصل بيا يوم ورا يوم عشان يطمئن يقولى الزجاج فين دلوقتى وايه اللى هيعملوه ويطمنى وهو اللى شحن الزجاج مخصوص من القاهرة للإسكندرية دون إنتظار وكمان عملى خصم 10% على ثمن الزجاج و10 % تانيين على مصنعية التركيب .... ... وانا برضه لا اعرفه ولا قابلته قبل كده ؟!!!

وأقول ايه للمهندس / محمد مرشدى لمدير مركز الاسكندرية اللى فضل متابع معايا كل يوم لحد الزجاج ماوصل اسكندرية وهو بنفسه ساب مكتبه وهو اكبر واحد فى المركز سنا ومقاما عشان يشرف بنفسه على تركيب الزجاج وسهر فى المركز بعد مواعيد العمل الرسميه بساعتين .. وبرضه أنا اول مره اعرفه واول مره اشوفه ....

وغيرهم وغيرهم وغيرهم .... اللى يبعتلى ايميل ... واللى يبعتلى رساله على الموبايل .... واللى يقولى واللى يسوى .... !!!!

بجد بجد بجد .... عمرى ماشفت كده ولا توقعت كل ده يحصل ..

مش عاوز أطول عليكم كفاية بقى أنا دوشتكم أخر دوشه ونكدت عليكما معايا وإنتوا مالكوش ذنب وعملتلكوا باللو كبير أوى أوى ... وأكبر باللو عملته لما بعت ايميل شكوى لخدمه مابعد البيع لبروتون الام نفسها فى ماليزيا وردوا عليا فعلا وراسلوا عز العرب .....

أنا عربيتى ساجتى حبيبتى سايبها فى التوكيل من إمبارح بليل بعد ماركبوا الزجاج لأنهم قالولى لو هتاخد العربية دلوقتى يبقى هتستلمها على ضمانتك لكن الصحن إنها تبات عشان السليكون ينشف والزجاج يثبت كويس بدل ما يقع على الشنطه يبوظها وهو يتكسر تانى ونعيد الفيلم ده من جديد ... فطبعا إقتنعت وسيبت العربية ليهم وهروح أستلمها بكره الصبح إن شاء الرحمن ..

نسيت أقولكم إنى والحمد لله رخصت العربية وعلقت نمر ... تخيلوا .... ترخص عربية وتعلق نمر وهى زجاجها الخلفى مكسور وفى ربع ساعة بس!!! ؟؟ وطبعا ماحدش فى المرور شاف العربية ولا بص عليها حتى وانا أخدت الرخصه والنمر فى إيدى وركبتها بره المرور طبعا مع إتباع طريقه تحت الترابيزة عشان هى دى بلدنا ومش هتمشى غير كده...

أعضاء واجب شكرهم وتكريمهم وتشريفهم تكريم خاص ومميز فى لوحه شرف ذهبية بالمنتدى

SALAHHAKIM
ABDOUMAHROUS
NEBO082
VSAGA
AHMED.ALI
ALARABYIA11
TWEETY26980
MOHAMED_RHEM
ALY_HOSNEY
ASAS2
OLDFOX
YASEENMOHAMED
MOHAMEDTAHAAB
ENG.AMMER ALKAWAFI
RAUL_7
A.SAAD
SPIDERLOKING
KAREEMZ
MNOMNO
MANGERE90
MRWHO1982
م. محمد مختار

وشكر خاص للأستاذ الحسيس أوى DELL2000 واللى بقوله برضه مش هأمن على العربية

وبمناسبة إنفراج الازمة وأخيرا فرحت ... أقدملكوا الكليب ده اللى لاقيته بالصدفه شغال على التليفزيون امبارح بليل وموتنى من الضحك من الكلام اللى فيه .. لأنه بإختصار كأنى أنا اللى كاتب كلماته وبيوصف اللى أنا كنت فيه بسبب العربية ...

ترومبيلى الزيرو حسدوه الناس بالعين وياحسرة قلبى عليه

ياريت تشوفوه وتضحكوا معايا وتقولولى رأيكم ...

[youtube]http://www.youtube.com/watch?v=wQGlS0eqDsY[/youtube]

السلام عليكم
الحمد لله وربنا يبارك فيك وفيها

مبروك عليك وربنا يباركلك في اهلك وبناتك وعربيتك ويكفيك شرهم كلهم ويديلك خيرهم

بالمناسبه مش انا بس اللي كنت بتكلم جد في اني اجيبلك الزجاج لحد عندك

انا متأكد ان كل اللي قاللك كده مش كان بيكلم ولا بيعزم

ليه بأه

لانك شكلك كده ابن حلال مصفي ومراعي ربنا في حياتك

لان مستحيل كل الناس دي تعمل كده معاك وهي ماتعرفكش

دي محبه من الله

ربنا يزيدك من حب خلقه ليك

تحياتي ليك

اخيك

احمد الشاعر

السلام عليكم ورحمه الله وبركاته

تم بحمد الله وفضله إستلام السيارة عصر اليوم من التوكيل بعد تركيب الزجاج الخلفى

الحمد لله كنت سعيد جدا جدا بما ألت إليه الامور مؤخرا من إنفراج ويسر وتيسير...

ما أحزننى فقط هو قيمة الفاتورة التى قمت بسدادها فى التوكيل حيث كانت مغالى فيها جدا وفوق توقعى ...

تم إخبارى من قبل أن ثمن الزجاج 650 جم وهناك خصم خاص 10% بخلاف خصم 15 % على مصنعيه التركيب...

فوجئت بأن إجمالى الفاتورة بعد الخدمه والضريبة والسليكون ....
(((( 1200 جم ))))))

بعد التفاوض والذى منه تم تخفيض الفاتورة الى .....
((((( 950 جم )))

هذا كان أقصى ما كان فى وسع مدير المركز من تخفيض والحق يقال أنه لم يبخل عليا بنصح أو إرشاد وتمم بنفسه على كل شىء فى السيارة..

الحمد لله على كل شىء ..

اليوم فقط ولأول مره منذ شرائى السيارة منذ عشرون يوما ...

لأول مره أشعر بفرحه السيارة الجديدة التى طال إنتظارها ...

بالامس سيارة بدون نمر وبعدها نمر بدون زجاج ولكن اليوم ..... كله تمااااااااااااام

قمت بشراء بعد الاكسسوارات والكماليات للسيارة (( بجمله المصاريف يعنى )))

- أرضيه جلد لكامل السيارة والشنطة + فرش جلد تفصيل = 450 جم
- طارة جلد سميكة للدريكسيون = 40 جم
- طقم دواسات مرتفعه الحواف = 45 جم
- جراب حافظ لعصا الفتيس = 10 جم
- كاوتش دائر اسود X فضى ( 5متر) = 50 جم
- معطر معلق = 10 جم
الإجمـــــــــــــــــالى = 605 جم

مرفق صور للسيارة تم إلتقاطها اليوم بعد تركيب الزجاج والفرش الجديد والارضيه والطارة .....

لرؤيه الصور .. رجاء التحميل من الرابط التالى :-

http://www.mediafire.com/?bqqb732mnnjbf38

أتقدم بخالص الشكر والإمتنان مرة أخرى وأخرى وأخرى لكل من شارك وإهتم وسأل وساعد من الاصدقاء الافاضل بالمنتدى الاروع على الإطلاق

مع خالص تحياتى

محمد عبد المجيد
0116007025