انا محتارة جدااا وانتو الى هتحلوا لي الموضوع ده عاوزه اكبر كم من المشرفين والاعضاء

**sasa76216** · 22-12-2010 10:22 PM

بصى بقى ياستى انا من غير لف ودوران اناجبت العربيه من يومين وكنت عامل زيك واكتر لغاية باب المعرض وربنا كرمنى اول مادخلت بدون تفكير لقيت ملك الالوان فى الكروز النبيتى والفرش ازرق والله اللون حكايه ومينفعش تقارنيه باى لون تانى وكل الى شاف اللون على الطبيعه قالى انا مكنتش متخيله بالشكل ده والله تحفه بس اهم حاجه الصالون الازرق وانتى هتبقى مبسوطه جدا ان شاء الله

**samar_ahmed201** · 22-12-2010 10:22 PM

انا شايفه ان الآراء منحازة للسماوى

**Bassem Raafat** · 22-12-2010 10:28 PM

المشاركة الأصلية كتبت بواسطة samar_ahmed201

انا شايفه ان الآراء منحازة للسماوى

عملى وشيك وتوكلى على الله ، وبالتوفيق .

**usama22** · 23-12-2010 08:36 PM

شوفى اللون النبيتى مش فاتح وبيبان فيه التراب وانا كان معايا نبيتى وكان بيبان فيه التراب وفى نفس الوقت الكروز النبيتى روعه روعهاما السماوى مش بيبان فيه التراب لكن النبيتى بصرلداحه اجمل فى الكروز واكثر فخامه ومن ناحية البهتان الدهان اصلا ميتالك بجوده عاليه مش بيبهت بالشكل اللى بتقولى عليه لالا وربنا يبارك يكفيكم الشر

**samar_ahmed201** · 23-12-2010 09:40 PM

المشاركة الأصلية كتبت بواسطة usama22

شوفى اللون النبيتى مش فاتح وبيبان فيه التراب وانا كان معايا نبيتى وكان بيبان فيه التراب وفى نفس الوقت الكروز النبيتى روعه روعهاما السماوى مش بيبان فيه التراب لكن النبيتى بصرلداحه اجمل فى الكروز واكثر فخامه ومن ناحية البهتان الدهان اصلا ميتالك بجوده عاليه مش بيبهت بالشكل اللى بتقولى عليه لالا وربنا يبارك يكفيكم الشر

طيب بعد ازنك هوه بيبان فيه التراب بس مش زي الاسود صح؟؟ نقدر نقول زي الفيرانى وكده صح؟؟؟؟؟؟؟؟؟؟

**Bassem Raafat** · 23-12-2010 10:33 PM

المشاركة الأصلية كتبت بواسطة samar_ahmed201

طيب بعد ازنك هوه بيبان فيه التراب بس مش زي الاسود صح؟؟ نقدر نقول زي الفيرانى وكده صح؟؟؟؟؟؟؟؟؟؟

طيب أنا عندى فكره ممكن تخليكى تشترى أى لون إنتى حباه حتى لو كان إسود .... بس هى مكلفه جداً ... بس قبل ما أقولها عايز أعرف :

إنتى بتركنى العربيه فى جراج ولا فى الشارع ؟!! وهل فى حد ممكن يكون ملتزم فى نظافتها ( بواب أو سايس جراج ) ؟!!

**samar_ahmed201** · 24-12-2010 08:09 AM

لالالالالالالالا مفيش بواب او سايس للاسف بس اكيد هحطها في جراج بس المسحيل انى اجيب الاسود تانى

**samar_ahmed201** · 24-12-2010 08:18 AM

هوه في واحد كل يومين تقريباً بيسال بابا لة هيغسل العربيه بس مش بصفه مستمره واعتمادى مش عليه بس هوه بصراحه كويس بس اللون الاسود ده عاوز دح فاضي له ليل ونهار كل ما يسافر او يروح مشوار يقف في نص يغسل العربيه او يسبها ب ترابها وانا مش بحب كده انا بحب كل حاجة حواليه تكون نضيفه

**sasa76216** · 24-12-2010 03:22 PM

طول مانتى متردده مش هينفع شوفى يا ستى لو مشكلتك اللون يبقى النبيتى ولو متابعه اعلانات السياره فى اوروبا هتلقى اغلابها نبيتى وهوه فى رايى اشيك لون لو خايفه من التراب نصيحة بلاش تجيبى عربيه خالص ماهو انا مش هركب عربيه لونها مش عاجبنى علشان خاطر الحاج تراب