انا قلت جيد لأن بالنسبة للمشاكل اللي بشوفها توكيل فيات يعتبر احسن
و كمان علشان مش شايف ان ناقصو حاجة الا الدعاية
بس عامتا حاضر يا يوكو كلامك يمشي
عرض للطباعة
انا ما اتعاملتش مع جسر السويس
اتعاملت مع النيل الهندسية في صيانة ال 5000 و كان عادي مفيش مشاكل
كان في خبطه ردوها على البارد ببلاش و كشفوا على الباقي و انتهى الموضوع في ساعه زمن
جيد جدا 0
جيد 5
ahmedbasto, formulator, MNabeih, mohamed_selim, yoko
مقبول 1
Anti_virus_abdo
سئ 1
aymoz
طبعا شيلت أسامي الناس الي معهاش فيات جديد
والناس الي إختارت في الإستطلاع تكتب المشاكل والي إتحل منها والي متحلش
أنا قلت سيء علشان أنا عملت صيانة ال 5000 أيام المنتدى ماكان واقع المهم أنا طلبت الحاجات دي
1- باب يمين قدام الازاز بتاعه عايز يتثبت مكانه علشان كان بيتهز جامد
2- غطى تنك البنزين مش بيقفل على طول عايز يتظبط
3- كالون الشنطة مش بيفتح بسهولة تقيل اوي
4- عضة مع المارشدير
5- الدركسيون كان مش مظبوط في النص يعني وانا ماشي تولي الطارة مش عدلة
6- الصفارة بتاعت الحزام بتعلق ساعات وانا رابطه بتشتغل
ده طبعا مع صيانة ال 5000
من الاخر اللي اتعمل فالعربية ولا أي حاجة من الحاجات دي !!! واللهِ ولا أي حاجة و كاتبين انهم عمله كل حاجة ماعدا الحزام
وبرضه العربية بتدخل متأخر وتخرج متأخر ومحدش يقول انها خلصت علشان كسلان يكلمني !!!
متهيألي لو توكيل كويس ده مش هيحصل وال شغل اللي مطلوب هيتعمل منغير مااعود وراهم علشان أخَلص العربية
ومحدش يقولي معملتش مشكلة ليه والكلام ده أنا مش رايح خناقة أنا المفروض رايح أعمل صيانة
أنا نفسي كده أروح توكيل وانا اعصابي هادية ومش متحفزلهم كأني رايح يتنصب عليا وأقعد ادور وراهم وأشوف عمله الشغل ولا لأ ولما أمشي أحس ان العربية اتظبطت مش باظت أكتر
انا عمات صيانة ال5000 و كان معاها شوية مشاكل
1) اصوات تزييق في الابواب و التابلوه و علي حسب ما قريت و شفت تزييق الابواب دية حاجة common في الجراند بونتو و كذا جد قال عليها وانا هناك و قريت عنها كتير عندهم المشكلة و التوكيل اول ما تقولهلهم يقولك اااااااه خلاص هتتعمل اية تاني
2)صوت شوشرة في الراديو علي طول الصوت مش نقي (بالاريال) دا بتكلم علي nile FM w nogoum fm الهما اقوي ارسالين دا ساعات في مناطق (مكشوفة و الارسال فيها قوي عادي) مش بيشوف nogoum fm في ال Auto scan بيفوت 100.6 و طبعا بقيت القنوات ضيعة.
عملوا الصيانة و خلصوها قبل معادهم حتي و قلولي عبلنا الابواب و الصوت قل فعلا بس مرحش و قلي رجعنا علي توصيلات الكاسيت و الراديو و كلها زي الفل بس للأسف برده فيه نفس العيب الي مش رضيين يعترفوا بيه اصلا ! و مشيت علي كدا
تاني يوم لقيت صوت الابواب رجع زي الاول بأزعاجة رحتلهم تاني و قلتلهم علية قلولي ماشي و خدوها ساعتين و خلصت بس لا جديد و ناوي اروح توكيل Clarion عشان الكاسيت بس ديه حكايتي مع التوكيل عشان كدا اديتة مقبول مع العلم ان الواحد ميعرفش صيانة ال5000 نفسها اتعملت بضمير ولا لأ زي تربيط العفشة و كدا (زي ما حصل مع يوكو في تربيط العفشة مثلا) بس بصراحة انا حسيت بفرق بعديها العربية بقت مسكه نفسها اكتر و اي جديد هبي اقولكم علية :))
جيد جدا 0
جيد 5
ahmedbasto, formulator, MNabeih, mohamed_selim, yoko
مقبول 2
Anti_virus_abdo, yassinhaitham
سئ 1
aymoz
طبعا شيلت أسامي الناس الي معهاش فيات جديد
والناس الي إختارت في الإستطلاع تكتب المشاكل والي إتحل منها والي متحلش
شكرا لكل الناس الي رددت والموضوع ده عشان يبقى تقيم محايد للتوكيل ونقاط الضعف ونفاط القوة وعشان الناس متخدش فكرة غلط عن التوكيل من مجرد شويه إشاعات أو حقائق وإتكبرت بالسلب أو الإيجاب
التقيم مع التوكيل يختلف
الصيانة الدورية
مقبول
الصيانة بطأ جدا
التكلفة مرتفعة جدا بس الصراحة كل التوكيلات بتستهبل
الضمان
وهمى
من الاخر الضمان هيبقى لو موتور ولع مثلا
الفتيس وقع
اى حاجة تانية هيقول ده سوْء استخدام