أيه رأيكم فى الفيات بونتو كلاسيك يا رجاااله

**black_hawk** · 20-12-2010 02:38 AM

النهارده نازل معرض السيارات عشان احجز هيونداى فيرنا او بروتون ساجا بس كانت بنسبه 90 % هيونداى فيرنا .. وانا معلوماتى عن الفيات انها ايطالى بس ومعرفش لا اسعارها ولا اى حاجه
وانا داخل المعرض لقيت خير اللهم اجعله خير اسد واقف على الارض بصراحه شكلها شدنى اوى اوى اوى وغير كده كان معايا واحد قريبى معاه هيونداى i10 قالى انا كان نفسى اجيب الفيات دى بس اتدبست فى الهيونداى
قولتله يا عم دى تلاقيها فوق ال 85 الف جنيه وشكل قطع غيارها غاليه اوى

بعد ما قعدت مع اللى فى المعرض واتكلمت معاه وسألته عليها قالى انها 1300 سى سى ودى انا استغربت منها اوى لان شكل العربيه بيقول انها 1600 وقالى انها 77 حصان تقريبا مش متذكر بالظبط وسألته على التوكيل اللى عندى فى اسكندريه قالى توكيلها لسه فاتح جديد وخدمته ممتازه وبالنسبه لقطع الغيار قالى انها تزيد عن الفيرنا مثلا من 30 ل 50 جنيه وطلبت منه انى اشوفها من جوه وفتحت الكبوت ولقيت موتور حسيته صغير اوى على الكبوت الكبير ده زياده ان فى مسافه فراغ حوالى 30 سم بين الصاج والموتور وقالى ان ده ميزه وعيب

انا طالب رأيكم لان بصراحه العربيه دى خليتنى اراجع نفسى وبدل ما كنت نازل احجز رجعت تانى عشان افكر فيها

**sherifboo** · 20-12-2010 04:08 AM

بص يا باشا انا كمان عاجبني شكلها بس لو قارنتها بالموديل اللي قابله اللي هو 2009 هتلاقيه ايطالي كتقفيل عشان كده زمان كان سعرها بيعدي70000 بس اللي موجودة دلوقتي تقفيل صربي سعرها 67500 واخيرا توكيل كسووووووول جدا
انا مش بعقدك منها والله بالعكس انا بقول راي الشخصي و لو في اي حد من الشباب معاه الموديل الصربي خصوصا في انتظار مشاركته معنا و الله الموفق

**black_hawk** · 20-12-2010 04:22 AM

اشكرا لردك يا باشا

انا على حد علمى ان الفيات التقفيل الصربى فى مصر دى هتنزل من اول 2011 ودى تقريبا لسه منزلتش ولو اللى انا شوفتها دى تقفيل صربى يبقى يااااااااااااريت كل العربيات فى مصر تقفيل صربى لانى شوفت الرينو واللانوس والفيرنا والساجا وبكل صراحه الفيات البونتو اقوااااااهم بدون مبالغه فى التقفيل عشان معرفتش اطلع غلطه فى العربيه سواء فى الكونسول وا الطاره او العدادات او الكراسى المريحه جدااااااااا والوسع الداخلى

انا فعلا محتاج رأى حد اتعامل مع العربيه دى بجد لان لو مفيش شكاوى منها يبقى يعيش الفيات وليسقط الاخرون برغم انها 1300
والتوكيل بالنسبه للفيات انا عايش فى اسكندريه فى الاول كان مع الطارق للسيارات وكان معاه الفا روميو وكذا ماركه تانيه بس الطارق اتسحب منه التوكيل بسبب سوء المعامله او زى ما انت بتقول الكسل فى الصيانه ودلوقتى برضو على حد علمى ان فيات والفا رميو ليهم توكيل جديد خالص وحسب ما سمعت انهم محترمين جدا فى التعامل لانهم لسه فى اسكندريه جديد وعايزين يعملو سمعه كويسه

وبرضو مستنى رأى الناس اللى جربت العربيه دى

وشكراااااااااااااااااا لردك مره تانيه

**prince93** · 20-12-2010 04:44 AM

هو المفروض ان التقفيل الصربى خلاص جت مصر و تقريبا فى واحد كمان معانا فى المنتدى اسمه foffos تقريبا جابها و كان فى ناس بتقول ان التقفيل الصربى تقريبا ميفرقش فى الجودة عن الايطالى و ممكن يكون زيه، بس ممكن تكون العربية اللى انت شفتها مثلا من شحنة قبل كدة (ايطالى يعنى) و لسة متباعتش
هى لو كان ليها مساند رأس يبقى دى الايطالى ، و لو من غير حتبقى الصربى
ممكن تصبر شوية لحد بكرة الناس تكون صحيت و ترد عليك..

**black_hawk** · 20-12-2010 04:59 AM

شكرااااااا ليك يا باشا على الرد
وفعلا العربيه فيها مساند للراس
وانا فى انتظار الاخ foffos عشان يقولى المفيد بما انه جابها وجربها بس يا ريت يشوف الموضوع ويدينى رأيه

وشكرا ليك مره تانيه بصراحه مش عارف اقولك ايه

**mnomno** · 26-12-2010 10:03 PM

فعلا لهم توكيل جديد بالاسكندريه و المعرض الخاص بهم اسمه اوماترا فى سيدى بشر على البحر بعد المحروسه بجوار مدرسه اسمها الطفوله السعيده وممكن تجيب نمرنهم من الدليل
و ياريت فعلا لو حد جرب الموديل الصربى يبلغنا به
و الصربى ليس به الفوج لايت و الجنوط السبور و سندات الراس الخلفيه و يتميز بان المرايه كبيره عن الايطالى

**ahamied** · 26-12-2010 11:42 PM

البنتو كلاسيك عربية ممتازه وحمالة اسية ده بالنسبة للتقفيل الايطالى لكن الصربى لا اعلم ايه ظروفه
اهم حاجه لما تحب تعمل صيانة للعربية ابعد عن الميكانيكية اللى بيفتوا لان العربيه فيها سنسورز كتيره ممكن بس تروحلوهم فى حاجات العفشة و الفرامل

**black_hawk** · 27-12-2010 01:34 AM

المشاركة الأصلية كتبت بواسطة mnomno

فعلا لهم توكيل جديد بالاسكندريه و المعرض الخاص بهم اسمه اوماترا فى سيدى بشر على البحر بعد المحروسه بجوار مدرسه اسمها الطفوله السعيده وممكن تجيب نمرنهم من الدليل
و ياريت فعلا لو حد جرب الموديل الصربى يبلغنا به
و الصربى ليس به الفوج لايت و الجنوط السبور و سندات الراس الخلفيه و يتميز بان المرايه كبيره عن الايطالى

فعلا التوكيل اوماترا - المعرض فى سيدى بشر والتوكيل والصيانه فى منطقه كوبرى التاريخ ناحيه شركه الاقطان

الموديل الصربى انا شوفته فى المعرض و بصيت ع العربيه حته حته انا رأيى الخاص ان تقفيلها احسن من اى عربيه فى فئه سعرها والموتور 1300 مع طبعا توفير البنزين الرهيب اللى معروفه بيه فيات - العربيه شكلها بيوحى بأنها ثابته على الطريق و سألت ناس جربتها قالتلى انها احسن من الفيرنا واللانوس فى الثبات - الموتور مش معقد يعنى اى ميكانيكى يشتغل فيه
وغير كده التوكيل اسعاره كويسه وقطع غيارها متوفره فى السوق - الشنطه كويسه جدا ووسع العربيه نفسها من جوه كويس جدااااا - شكلها شبابى وتمشى عائلى - عاليه عن الارض - فيها شاشه عرض بيانات والتابلوه والكنسول شكلهم حلو - فيها خاصيه الباور سيتى

اظن مفيش حد محتاج حاجه اكتر من كده فى عربيه بالسعر ده ... انا اقتنعت تماما بالفيات بونتو كلاسيك وبأذن لله ناوى اشترى قريبا جدا

**M_wahba** · 27-12-2010 10:43 AM

انا كنت عاوز اضيف رأيى
انا جبت قيات بونتو كلاسيك موديل 2011 تقفيل صربى
و كنت يوم السبت الفات فى التوكيل بعمل صيانة ال 5000 على فكرة انا فى اسكندرية و رجت التوكيل العند الطارق
انا كنت عاوز اقول رأيى بصراحة فى العربية و التقفيل
بصراحة يا جماعة انا قبل ما اشترى كنت متردد جدا و فى ناس كمان كانت مقلقانى من الفيات و قطع الغيار و الكلام الكلنا عارفينة
بس انا توكلت على الله و اشتريتها
بصراحة بعد 5000 كم العربية ممتازة و مناسبة احتياجاتى جدا
العربية درجة ثباتها عالية بجد انا مشيت بيها لحد 155 كانت معايا كويسة و ثابتى على الأرض و دة ما كنتش حسيتة لما ركبت مرة الفيرنا مثلا بتاعت واحد صاحبى
نظام السيتى باور فوق الروعة مخلى العربية ادائها فى الزحمة و الركنات ممتاز
سحب العربية ممتاز او فوق الممتاز لحد 100 بعد ال 100 السحب بيقل تدريجى وانا بحس ان العربية بتتقل كمان بعد ما اعدى ال 100
يعنى ثبات اكتر
الصالون من جوة جميل وواسع تشيل 2 مرتاح جدا ورا حتى لو مرجع الكرسى أخر حاجة و ممكن 3 لو فيهم حد رفيع شوية
الشنطة حجمها بجد جميل بالنسبة لعربية هاتش باك على فكرة انا متجوز و عندى طفل عمرها ما زعلتنى فى سفر من الشنط و الكلام دة بتشيل مرتاح
ومرة واحدة بس اتزنقت ففتحت الكنبة الورا كان عندى مساحة بجد كبيرة جدا
بالنسبة للفخامة بجد تابلوة العربية شكلة غنى و الخامات جميلة و غنية تحس بالفخامة غير الكورى و الكلام الإحنا عارفينة الأوروبى طبعا يكسب فى الرفاهية
الكراسى مريحة جدا و كمان كرسة السواق بيطلع و ينزل فيها كمان الإضائة الأمامية 4 مستويات و دى بجد حاجة جميلة
أخر حاجة عاوز اقولها التوكيل الطارق كويس انا رحت قعدت حوالى ساعة فى صيانة ال 5000 كم بس التوكيل دة اصلا زحمة علشان هو معاة كيا و فيات و بريليانز و هايما
بس فى نايل موتورز كنت قريت خبر ان اوماترا حتفتح توكيل لقيات فى الصحراوى تقريبا يوم 9 يناير و دة اكيد حيفرق كتير
انا اسف انى طولت بس انا حبيت اقول رأيى

**mnomno** · 27-12-2010 12:14 PM

المشاركة الأصلية كتبت بواسطة m_wahba

انا كنت عاوز اضيف رأيى
انا جبت قيات بونتو كلاسيك موديل 2011 تقفيل صربى
و كنت يوم السبت الفات فى التوكيل بعمل صيانة ال 5000 على فكرة انا فى اسكندرية و رجت التوكيل العند الطارق
انا كنت عاوز اقول رأيى بصراحة فى العربية و التقفيل
بصراحة يا جماعة انا قبل ما اشترى كنت متردد جدا و فى ناس كمان كانت مقلقانى من الفيات و قطع الغيار و الكلام الكلنا عارفينة
بس انا توكلت على الله و اشتريتها
بصراحة بعد 5000 كم العربية ممتازة و مناسبة احتياجاتى جدا
العربية درجة ثباتها عالية بجد انا مشيت بيها لحد 155 كانت معايا كويسة و ثابتى على الأرض و دة ما كنتش حسيتة لما ركبت مرة الفيرنا مثلا بتاعت واحد صاحبى
نظام السيتى باور فوق الروعة مخلى العربية ادائها فى الزحمة و الركنات ممتاز
سحب العربية ممتاز او فوق الممتاز لحد 100 بعد ال 100 السحب بيقل تدريجى وانا بحس ان العربية بتتقل كمان بعد ما اعدى ال 100
يعنى ثبات اكتر
الصالون من جوة جميل وواسع تشيل 2 مرتاح جدا ورا حتى لو مرجع الكرسى أخر حاجة و ممكن 3 لو فيهم حد رفيع شوية
الشنطة حجمها بجد جميل بالنسبة لعربية هاتش باك على فكرة انا متجوز و عندى طفل عمرها ما زعلتنى فى سفر من الشنط و الكلام دة بتشيل مرتاح
ومرة واحدة بس اتزنقت ففتحت الكنبة الورا كان عندى مساحة بجد كبيرة جدا
بالنسبة للفخامة بجد تابلوة العربية شكلة غنى و الخامات جميلة و غنية تحس بالفخامة غير الكورى و الكلام الإحنا عارفينة الأوروبى طبعا يكسب فى الرفاهية
الكراسى مريحة جدا و كمان كرسة السواق بيطلع و ينزل فيها كمان الإضائة الأمامية 4 مستويات و دى بجد حاجة جميلة
أخر حاجة عاوز اقولها التوكيل الطارق كويس انا رحت قعدت حوالى ساعة فى صيانة ال 5000 كم بس التوكيل دة اصلا زحمة علشان هو معاة كيا و فيات و بريليانز و هايما
بس فى نايل موتورز كنت قريت خبر ان اوماترا حتفتح توكيل لقيات فى الصحراوى تقريبا يوم 9 يناير و دة اكيد حيفرق كتير
انا اسف انى طولت بس انا حبيت اقول رأيى

لا بالعكس طول زى ما انت عايز ده احنا لما صدقنا ان حد جرب الصربى و كمان معلومات حضرتك مفيده جدا لينا نحن بالاسكندريه . و الف مبروك عليك و ربنا يكفيك شرها و شر الطريق