ما هى السيارة التى كنت تتوقع ان تجمعها تويوتا فى مصر

**crazylambada** · 21-12-2010 09:02 PM

الكامري لو كانت اتجمعت هنا كانت فشلت و الياريس كان هيبقى وجودها ملحوظ لكن الكورولا كانت فعلا سيطرت بشكل كامل على الفئه دي

**Bishoy.Girgis** · 21-12-2010 10:02 PM

اعتقد و بنسبة كبيرة ان هيتم تجميع الياريس لأن ثمنها يعتبر غالي شوية بالنسبة لحجمها كسيارة عائلية من الدرجة الاولي
فتجميعها في مصر ممكن يقلل من سعرها كتير
و متابع باهتمام الاراء

**أبو عبدالله** · 22-12-2010 09:06 AM

بصراحه نا كنت متوقع انهم يجمعوا عربيه اقل من الياريس تكون جديده للسوق هنا
انا اتوقع عربية من العربيات اللي فوق دي لو كانوا هما اللي هيبنوا المصنع ويكون هما اللي قائمين عليه
اما انهم هيجمعوا في مصنع مش بتاعهم فده شئ اخر
الناس اللي قالت كامري عندهم حق ولكن برضه لما تيجي تفكر ان الكامري تبقى صناعه مصري هتبيع لمين
هتلاقيها هتبيع لمصر فقط ده لو باعت في الأول كمان
الكوولا طبعا فده شئ من سابع المستحيلات لأسباب كتير اولها انه هينزل سمعة الكورولا في الأرض وبكده يبقى قضى على اسمها التاريخي في لحظه حتى لو باعت ولكن من يتابع سياسات تويوتا اليابانية فهيا مش عاوزه تبيع وخلاص وانما بتحافظ على اسم الموديل علشان يبيع نفسه في كل جيل جديد له
الكورولا اول ما بنزل بتتباع بدون ما حد يفكر اخبارها ايه او يشوف لأنه عارف ان الكورولا كورولا
طبعا فورتشينر بتتصنع في اندونيسيا اساسا وموديل له سوق معين وعربيه لها احتياجات محدده واظن انهم بيجربوا في دي الاول واكيد اكيد انهم مش بيفكروا في مصر فقط وانما عندك جزء كبير جدا من افريقيا وطبعا الشرق الأوسط كله وشمال افريقيا لأن العربيه دي دائما هتلاقيها في المناطق الجبلية والوعرة
زي مثلا العربيه دي منتشرة جدا في جنوب امريكا وحرس الحدود عنده بيستخدموها على الحدود المكسيكية وفي المكسيك وايضا امريكا الجنوبية كلها منتشرة جامد

**yahyanaabil** · 22-12-2010 09:36 AM

مبدئيا معتقدش ان تجميع الكورولا هنا هيكون مناسب اقتصاديا وبعدين الناس عشمانه انه ينزلوا من سعرها 20-30 الف جنيه وده فى الغالب مش حيحصل
اكتر فئه ممكن تكون مجديه اى فئه معديه ال 1600 cc

**cyborg_ift** · 22-12-2010 09:43 AM

ياريس وكورولا

**M.Nasr** · 22-12-2010 10:17 AM

انا بأيد تصنيع الياريس والكورولا وبالنسبة للفورتشينر ياريت حد يقولى سعرها اصلا كام لأنى حاسس السعر مبالغ فيه شوية

**Sharky** · 22-12-2010 11:46 AM

المشاركة الأصلية كتبت بواسطة crazylambada

الكامري لو كانت اتجمعت هنا كانت فشلت و الياريس كان هيبقى وجودها ملحوظ لكن الكورولا كانت فعلا سيطرت بشكل كامل على الفئه دي

ليه الكامرى لو اتجمعت فى مصر حتفشل ؟؟

المشاركة الأصلية كتبت بواسطة أبو عبدالله

الناس اللي قالت كامري عندهم حق ولكن برضه لما تيجي تفكر ان الكامري تبقى صناعه مصري هتبيع لمين
هتلاقيها هتبيع لمصر فقط ده لو باعت في الأول كمان

و ايه المشكلة يا ابو عبدالله انها تبيع لمصر فقط
دى لو نزلت فى سعر 250-300 الف حتاكل السوق من الباسات

المشاركة الأصلية كتبت بواسطة أبو عبدالله

الكوولا طبعا فده شئ من سابع المستحيلات لأسباب كتير اولها انه هينزل سمعة الكورولا في الأرض وبكده يبقى قضى على اسمها التاريخي في لحظه حتى لو باعت ولكن من يتابع سياسات تويوتا اليابانية فهيا مش عاوزه تبيع وخلاص وانما بتحافظ على اسم الموديل علشان يبيع نفسه في كل جيل جديد له
الكورولا اول ما بنزل بتتباع بدون ما حد يفكر اخبارها ايه او يشوف لأنه عارف ان الكورولا كورولا

مش فاهم قصدك فى النقطة دى يا ابو عبدالله
هى الكرولا لو اتجمعت فى مصر سمعتها حتنزل ليه ؟؟؟

**N.a.j.d** · 23-12-2010 10:02 AM

القصد ف الموضوع دا يا احمد بى انه التقفيل المصري مش زي التقفيل اليابانى

**Mahmoud Saloum** · 23-12-2010 04:55 PM

المشاركة الأصلية كتبت بواسطة aly_hosny

كامري كانت الافضل
لان مشكلتها في مصر الجمارك ف لو اتجمعت هنا كان هيبقى في فرق كبير

+1111111111111111111111111111111111111

**omaroof** · 23-12-2010 06:00 PM

المفروض التجميع هنا يستهدف السوق المصرى والبلاد التى حولها
لكن للاسف هذه السياره ليس لها سوق فى مصر ومسكينه جدا فى اسواق الخليج جانب اخواتها fj والاند كروزر تكاد تكون قليله جدا
كنت اعتقد انهم ممكن يجمعو الكورولا هنا مادام بتتجمع فى جنوب افريقيا + ان اول اجيال الكورولا الاتيه من جنوب افريقيا كان بها بعض المشاكل وده سبب رئيسى فى شرائى لها من الخليج( يابانى)
لكن بتفكير شويه نجد ان تيوتا لا تريد مصنعان فى قارة واحده لذلك
فكرت انهم ممكن يجمعو اليارس هنا وبالتالى يخفضو سعرها وبالتالى تنتشر السياره اكثر واكثر
لكن العربيه ممكن تضرب لو اتجمعت هنا
لذالك لم اصدق خبر انشاء مصنع لتيوتا فى مصر
لكن كان غريب جدا ان الخبر صحيح والاغرب هو تجميع هذا الموديل هنا

مشاهدة نتائج الإستطلاع: ما هى سيارة تويوتا التى تراها مناسبة للتجميع للسوق المصرى ؟

الموضوع: ما هى السيارة التى كنت تتوقع ان تجمعها تويوتا فى مصر

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

ما هى شركة السيارات التى تتوقع ان تحقق أعلى مبيعات فى عام 2011 فى مصر ؟

هل تتوقع ان تقاضي شركة تويوتا بخصوص الكورلا Mmt منطقي

ما هى الشركة التى تتوقع ان تحقق أعلى المبيعات فى مصر 2010

وسط تراجع إنتاج السيارات اليابانية تويوتا تتوقع استمرار الأزمة عامين

تويوتا ياريس .. السيارة التى سحرتنى

الكلمات الدلالية لهذا الموضوع

المفضلات

المفضلات

ضوابط المشاركة