الموضوع: لا تاتى الرياح بما تشتهى السفن

المشاركة الأصلية كتبت بواسطة elmkaneeki

مشكلتنا كبشر ان احنا بنيجى على اعصابنا اوى
ونفكرونعيد ونزيد
والله ما تدرى الخير بيجى منين
احكيلك موقف انا مرة كنت مسافر اسكندرية بعربية ابويا
اول ما اتحركت فردة كاوتش اتفرتكت بدون اسباب واضحة
انا طبعا اتضايقت جدا واتعصبت وغضبت و و و و
يومها بليل القنطرة الى شايلة الموتور خدته ووقعت من الشاسية والله
يعنى الموتور بالعجل بالمقصات مش مع العربية
والمروحة نزلت عالكوع بتاع الرداتير فرتكته وهى اتفرتكت وطبعا العربية بركت مكانها
تخيل بقى لو الموقف دة حصل عالصحراوى وانا ماشى بسرعتى
كنت روحت الملاهى
الحمد لله على كل شىء
بسم الله الرحمن الرحيم
"وَمَا يَعْلَمُ جُنُودَ رَبِّكَ إِلَّا هُوَ"
صدق الله العظيم

ربنا ستر

الحمد لله .. حصل اللى كنت خايف منه

النهارده مديرى كلمنى عشان اروح امضى على التقرير و كانت المفاجأة ... ان التقرير طالع اقل بكتير من اللى فعلا الواحد بيعمله بكتير اووووى

اللى يحرق الدم اكتر بقى ..... ان فى ناس بتلعب و بتهرج و التقرير بتاعهم احسن مننا و دا غير ان احنا اللى فى وش المدفع و اللى شايلين الطين كله ( انا و زميلى فى القسم )

يا نهار اسود و منيل ايه الكفر ده .. دا الواحد هيتجنن يا جدعان و الله
حسبى الله و نعم الوكيل .. حسبى الله و نعم الوكيل ... حسبى الله و نعم الوكيل

المشاركة الأصلية كتبت بواسطة namla

الحمد لله .. حصل اللى كنت خايف منه

النهارده مديرى كلمنى عشان اروح امضى على التقرير و كانت المفاجأة ... ان التقرير طالع اقل بكتير من اللى فعلا الواحد بيعمله بكتير اووووى

اللى يحرق الدم اكتر بقى ..... ان فى ناس بتلعب و بتهرج و التقرير بتاعهم احسن مننا و دا غير ان احنا اللى فى وش المدفع و اللى شايلين الطين كله ( انا و زميلى فى القسم )

يا نهار اسود و منيل ايه الكفر ده .. دا الواحد هيتجنن يا جدعان و الله
حسبى الله و نعم الوكيل .. حسبى الله و نعم الوكيل ... حسبى الله و نعم الوكيل

ولا تزعلي نفسك ياباشا
ان شاء الله المره الجايه تبقي احسن

المشاركة الأصلية كتبت بواسطة tarekzein

قدر الله وماشاء فعل

للأسف ده قدرنا فى مصر

إحنا بقى مابنشوفش التقرير نفسه

لكن بنشوف نتيجته

رغم أنه المفروض بنك محترم

لنا الله

اوعى تكون معايا فى نفس البنك

المشاركة الأصلية كتبت بواسطة elmkaneeki

برده عادي ولا يهمك...... والله طالما بتعمل اللي عليك وبتتقي ربنا يبقى ولا يهمك...رزقك جاي جاي ....مش يمكن ده ضيق ييجي بعده فرج كبير قوي .....احمد ربنا .....مش يمكن ربنا شيلك رزق في حتة تانية ....أو كان في شر اكبر من كده وربنا حماك بكدة.......احمد ربنا بس وهتفرج يا كبير
وقبل كل ده أنا حاسس بيك وعارف إنت اد إيه مضايق......بس معلش .....
بسم الله الرحمن الرحيم " لقد خلقنا الإنسان في كبد"
دي الدنيا

انا شاكر لحضرتك شعورك الطيب ... و فعلا لعله خير باذن الله ... بسم الله الرحمن الرحيم " و فى السماء رزقكم و ما توعدون " صدق الله العظيم

بص يا باشا من الآخر علشان توصل في الشغل في مصر يا اما تكون ليك واسطة جامدة أو تكون من المغرضين (ربنا عالم اللي في ضميري)

لا ده و لا ده زي حالاتي عندك حل من اتنين يا تشيل الطين و تسكت وده أنا استحملته كتير فبل كدة أو تنفجر في لحظة و تهد المعبد على اللي فيه وده برده عملته وبدور على شغل حاليا ( لا يكلف الله نفسا الا و سعها)

عارف المشكلة انك بتعمل شغل جامد و لا حتى كلمة شكر و ييجي واحد قاعد في الكافتريا ليل نهار علشان واسطة ولا مغرض تلاقيه يترقى و مرتبه يبقى أكتر منك و تيم ليدر عليك يا راجل بلا حرقة دم يولع الشغل باللي فيه

و الكلام ده كان في شركة مالتي ناشونال بس حقول ايه حسبي الله و نعم الوكيل أنا بدعي على المديرين بتوعي دعا بس ربك يستجيب ان شاء الله يمهل ولا يهمل