إتحاد ملاكى 127 سبورت/توب/900-1050.....

**alsonbaty** · 13-02-2013 04:56 AM

ماشاء الله ربنا يبارك لك فيها يديك خيرها ويكفيك شرها المهم بقه يا حلو ما قولتلناش بقه هي موديل كام وجايبها بكام؟

**caty2010** · 13-02-2013 07:02 PM

حد يعرف سمكري كويس 127 بندا

**Magoda** · 18-02-2013 09:37 PM

المشاركة الأصلية كتبت بواسطة alsonbaty

مشكلة الركنة اللي بقت موجودة في كل مكان وكل واحد عاملي ماصورة ادام باب بيته وكانه اشتري الشارع حاجه تخنق الواحد ومن كتر خوفي علي العربية بروح اركنها امام باب الشغل بتاعي في مصر الجديدة لان عين شمس بقت كومبليت خلاص وفاضل بقه يحطوا العربيات فوق بعضها نمنم المهم انتوا اخباركوا ايه؟

طب متعمل زيهم وتحطلك حديدة قدام بيتكم يعنى انت جايب العربيه عشان تركنها قدام الشغل وتروح فى مواصلات

**alsonbaty** · 18-02-2013 11:15 PM

المشكلة انه مفيش غير ركنة لعربية واحدة بس تحت البيت لان فيه كمان محل تحتي شغال 24 ساعة ثانيا الركنة اللي فاضلة محطوط ماصورة لواحد جارنا في البيت من سن الحج الوالد وكمان هو عامل الماصورة دي بقالها سنتين ومعاه عربية سكودا اوكتافيا موديل 2010 المهم متشكر لردك يا غالي

**aliyehia** · 22-02-2013 12:02 AM

يا استاذ سنباطى تسمحلى احيى حضرتك على التصميم الجبار
انا لسه داخل على الصفحه و اخر مره كانت من شهور و لاحظت انك رغم ان ماحدش كان بيرد عليك الا انك كنت كل فتره تخش و تصبح على الناس
انا معايا 127 ايطالى مو 1976 و ماشيه معايا فله و لله الحمد و اقدر اقول ان سر السعادة بأي عربيه هو انك ما تبخلش عليها بالصيانة و تعاملها كأنها فرد من اسرتك
و شكرا

**alsonbaty** · 22-02-2013 11:13 PM

متشكر ليك كتيير جدا يا استاز علي وانت رجل محترم جدا واخ فاضل \ بس انا اللي بتمناه ان الموضوع هنا لا يغلق بسبب عدم دخوول الاعضاء الاخريين وعشان كده انا بدخل كل فترة لكي لا يتم غلق الموضوع ونضيع تعب الرابطة وكزلك لكي يستفيد الجمييع باي معلومة واتمني دخولك يكون باستمرار حتي ولو كل اسبوع مرة اما عن سيارتك ال 127 الايطالي 1976 ف واحد صاحبي معاه اختها وهي عربيه ممتازه جدا وربنا يديك خيرها ويكفيك شرها

**devil_soul2006** · 24-02-2013 03:11 AM

المشاركة الأصلية كتبت بواسطة i_am_legend

ماشاء الله جميلة جدا_وحضرتك منورنا يا باشا_والجنط اللى عليها جميل جدا_بالنسبة للسرعة انا عربيتى ال3 بيجيب 100_موتور 1050...

طيب والى بيجيب 140 ولو اديتنى عفشة سبور هجبلك بيها 160 مستريح

**ayman0111** · 25-02-2013 11:51 AM

سلامي لكل اعضاء الرابطة الكرام
بس ليا نداء ليهم انتو فييييييييييييين بجد انتو امتعتونا بمشاركتكم الجميلة وارجو الكل يرجع يشارك بموضوعاته وتجاربه وحكاياته مع القطقوطه 127 لكي تعم الفائدة للجميع
وتقبلوا تحياتي