مشكلة تزيييق فى العربية يا ريت الحل من الوحوووش

**smsm91158** · 21-12-2010 02:27 PM

السلام عليكم اخوانى الكرام

دى اول مشاركة ليا فى المنتدى الرائع باختصار اانا عندى مشكلة تزييق العربية ودا بيبقى واضح عند المطبات الخفيفة بحس ان الصوت دا بيجى من السوست بس مش متاكد
انا عامل دلوقتى حوالى 9000 كم والصوت بقاله فترة حوالى اسبوعين

هل دا من غسيل العربية ؟؟؟؟ انا لما بروح البنزينة كنت برفعها احيانا مرتين فى الشهر

وساعات كنت برش جاز من تحت .؟؟؟؟ هو دا غلط علشان انا سمعت ان رش الجاز بياكل طبقة العزل الى تحت العربية ...

هل غسيل العربية يكون بميه بس من تحت بدون جاز بعد كدة

يا ريت اى حد عنده خبرة بالموضوع دا يقولى يا شباب

**yahiahelaly** · 21-12-2010 02:50 PM

اولا متغسلهاش من تحت كتييير كدة العربية بقالها معايا سنتين تقريبا ماغسلتهاش من تحت غير مرتين والجاز بينشف اللاجزاء الكواتش الي في العفشة

**Dr.Karim Emam** · 21-12-2010 03:38 PM

الصوت ده هيروح إن شاء الله مع تربيط العفشة في صيانة ال 10000

**tamer61** · 21-12-2010 03:46 PM

ممكن العفشه محتاجه تربيط وعموما في صيانة ال 10000 قولهم على الملاحظه دي و حيظبطوها بإذن الله و عموما بلاش غسيل من تحت كتير و فعلا الجاز بينشف الأجزاء الكاوتش إللي في العفشه.

**zkralla** · 22-12-2010 06:22 PM

زى ما الاخوه قالولك بالظبط
كان عندى نفس الصوت وراح مع تربيط العفشه

**yassien** · 24-12-2010 01:44 AM

انا هقولك علي حل سحري لوجه الله تعالي هتروح عند اي حد بتاع زيت وهتملي من عندة زجاجة زيت مستعمل من الي بيخرج من العربيات وهترتش علي العربية من تحت من ناحية المقاصات الخلفية والجلب وقاعدة السوستة وان شاء الله بعدهااااااا مش هتسمع حاجة خالص

**smsm91158** · 25-12-2010 12:44 AM

شكرا يا جماعة على الردود وحجرب حكاية الزيت دى يا ياسين وحقولك ايه الاخبار ومش حغسلها بالجاز تانى علشان بيقولوا انه بيلم الطين والتراب

**vicogm** · 25-12-2010 07:08 PM

مساء الخير
انا اسف مش بدخل كتير
انا كان عندى نفس العيب
احجز و ورح التوكيل هما بيفكوا العجلتين و بينفخ هوا عشان المساعد بتاع اللوجان مفيهوش جلبة كاوتش انا شفتة داخل ورشة الصيانة هوا عيب ف اللوجان بس محتاج هوا بس الهم و هما بيجربوا العربية كانوا بيحاولوا يقنعونى ان مفيش صوت بس قعدت ساعتين لحد ما سمعت الورشة كلها الصوت خليك صابر و صمم انها يتفتحلها job order مطنش عشان التراب عامل وحش جدا ف الاحتكاك

Eng. Shadow

**Super_Star_h** · 26-12-2010 08:24 AM

المشاركة الأصلية كتبت بواسطة yassien

انا هقولك علي حل سحري لوجه الله تعالي هتروح عند اي حد بتاع زيت وهتملي من عندة زجاجة زيت مستعمل من الي بيخرج من العربيات وهترتش علي العربية من تحت من ناحية المقاصات الخلفية والجلب وقاعدة السوستة وان شاء الله بعدهااااااا مش هتسمع حاجة خالص

+ تربيط عفشه
وممكن عند اي عفشجى محترم يربطهالك