الدركسيون تقيل فى البور

**doc_semsem** · 21-12-2010 04:35 PM

ياجماعة انا معايا صنى2009 ومن ساعة ما جبنها والدركسيون تقيل فى البور روحت كذا مره السبع وكل مره يفكوا المسمار بتاع رجراش الدركسيون فالباور يكون خفيف ولكن باحس ان العفشة سايبه اروح اقولهم كده يقوموا واخديب بوش العلبة
وهكذا الباور يتقل
مش عارف ايه الحل
يعنى ايه يا اما احس بتخبيط فى العفشة يا اما احس انى راكب عربية من غير باور؟؟؟
ايه رأيكم؟

**bassem_sams** · 21-12-2010 05:08 PM

ليه كده كبر الباور بيبقى تقيل من حاجتين

اولا حاجه و اهم حاجه هتلأقى ضغط الهواء فى كاوتش عالى
و تانيه ممكن لو زيت باور اقل

شيك على كاوتش بمقياس ديجتال و هتلأقى دنيا اتظبطت لأنى انا مرت بالموضوع ده و طلع رجل عاملى 34 فخليته 30 رجع خفيف و عادى و نفس شىء حصل لصديقى معاه سيراتو فمتقلقش ده موضوع بسيط رجع بس دنيا زى ما كانت
و تبقى طمنى

**Bishoy.Girgis** · 21-12-2010 08:12 PM

دكتور سمسم
الموضوع سهل و مفيش مشكلة خالص لأن انا كانت لي نفس التجربة بس مسيبتش التوكيل لغاية ما تظبطت في نفس اليوم
حضرتك تروح التوكيل و تدخل العربية لو في دربكة خلي التوكيل يربطلك مسمار الرجلاش ربع لفة و لو طلعت و في نفس المشكلة خليها تدخل تاني و تديها ربع كمان
لو لاقيت الدربكة راحت و في الخطوة ديه الدريكسيون شبه تقل
يبقي خد العربية و سيب التوكيل و سوقها لمدة اسبوعين و تعالي اكتب تقريرك ان الدريكسيون بقي خفيف
المهم ان الدربكة تروح بس كل الخطوات يكون ربع في ربع في ربع
و ان شاء الله كله هيبقي تمام

الحاجة الاهم و بقول لحضرتك لازم تراجع عليها كويس هي :
1- املئ الكاوتش نيتروجين و ده افضل
2- يكون مقاسات الكاوتش من غير ما يقل او يكتر هو 32 في الامام و 29 في الخلف

و اي خدمة

**doc_semsem** · 22-12-2010 01:40 AM

شكرا استاذ بيس مان
انا عملت اللى حضرتك بتقول عليه
بس للاسف الدركسيون بيكون تقيل قوى فى ركن السيارة؟؟
انا شيكت على مقاس الكاوتش فى السبع كمان

**Ahmed.TV** · 24-12-2010 05:00 PM

اولا جرب مقاس الكاوتش الجديد وشوف وقولنا ايه الاخبار

المهم حاول تروح مودرن وشوف واعرض عليهم المشكلة وبلغنا وقولنا ايه اللاخبار

اصل دريكسيون الصنى تقيل

او عشان تتطمن اقعد فى عرببية تانية وجرب وشوف هل زى عربيتك بالظبط ولالا

عشان تتطمن