كيف أعرف أن abs يعمل أم لا يعمل

**adelahmed5** · 21-12-2010 03:40 PM

عربيتى نيسان صنى أوتوماتيك مزوده ب abs موديل 2010 فى الأول كنت بسمع صوت دبدبه ال abs عند الضغط على الفرامل و كنت بحس بالدواسه بترد حتى موعد اخر صيانه فى مودرن ابو رواش قالوللى انهم صنفروا التيل من بعدها مبقتش اسمع صوت الدبدبه المصحوبه مع abs مع العلم ان لمبه abs فى التبلوه بتنور عند التدوير ثم تنطفى عادى ازاى اتأكد يا جماعه و لكم كل الشكر ان ال abs يعمل بكفأه أم لا غير موضوع لمبه البيان اللى على التبلوه

**aly_hosny** · 21-12-2010 03:50 PM

امشي بسرعة واضرب فرامل
لو العربية زحفت على الارض يبقى لا يعمل
لو مزحفتش يبقى يعمل

**ecybrarian** · 21-12-2010 05:27 PM

الــabs لا يعمل طول الوقت ولكن حسب ظروف السواقة..وعموما لما يشتغل بتحس بدبدبة وانت بتدوس فرامل ..حاجة زي نبضات سريعة كدا..وعموما لو abs في اي مشكلة لازم لمبة تحذير تنور في التابلو..وممكن لمبة التحذير تنور لو في كوبلن بايظ أو بلي عجل بايظ او حتى تيل فرامل متاكل..يعني اي حاجة غلط مسمعة مع الحساسات الأربعة على حركة العجل..وعلى فكرة كمبيوتر abs لا يبوظ ابدا إلا لو حد لعب فيه او في الضفيرة بتاعته، لكن ممكن الحساسات تبوظ

**Bishoy.Girgis** · 21-12-2010 08:34 PM

حضرتك مدام لمبة الـ abs شغالة مظبوط و مفيش تحذيرات منها يبقي الـabs مفيهوش اي مشاكل و يعمل بكفاءة 100%

**Ahmed.TV** · 24-12-2010 05:11 PM

زى ما قالوا لحضرتك الاخوة الافاضل الاعضاء
ومتقلقش مفيش مشكلة

وامشى على تراب او مياه او زيت او سرعة كبيرة ودوس وجرب

ولما بتدور العربية وهى موجودة وبتطفئ يبقا بيقولك انها شغالة وتمام وبيطمنك ,ولو فيها مشكلة حتفضل منورة , ولو مش موجودة اصلا مش حتنور