لانسر كريستالة1999 و مشكلة فى الأضاءة

**kemo_nagy** · 27-03-2008 01:05 AM

ياجماعة طلب صغير كدة لو حد يعرف حاجة عن نقل ملكية لانسر كريستالة 1999 1300 سي سي ياريت يفدنى لأن خلاص الرخصة بتاعتها قربت على الأنتهاء و عايز انقل ملكيتها بدل التوكيلات
طلب كمان معلش انا الأضاءة بتاعت الانسر ضعيفة جدا جدا جدا كنت ناوى اركب زينون بس سمعت عن مشاكلة و احتياطاتو الكتيرة المهم رحت سألت كهربائى قالى هات لمبتين و كتاوت و قالى على انواع كدة نزلت جبتها من التوفيقية والمفروض انى هارحلة عشان اركبهم ياريت لو حد عندة اى تعليق على اى حاجة أشترتها ممكن يقولى عشان فى فرصة انى ارجعهم
انا جبت 1-كتاوت فرنساوى مركة mixo سعرها 25 جنية
2-,جبت لمبتين زينون 840\820 كورىw h4 12v تمنهم 85 جنية سمعت انهم اشد حاجة
وهل فى صعوبة فى تركبهم ياعنى اشوف كهربائى محترف ولا اى حد

وشكرا

**أبو_حمزة** · 27-03-2008 08:50 AM

أولا نقل الملكية ها يتكلف 800-850 فى الشهر العقارى ده طبعا ما لوش دعوة بمصاريف الترخيص
اما عن النور فواضح انك جبت لمبات غلط
لمبات الزينون ما تنفعش لوحدها و لازم تركب مع الكيت كلها (البلسار أو بيسموه ساعات محول) ومش محتاجه كتاوت
كده بالضبط كأنك عايز تركب لمبه نيون من غير ترنس و ستارتر
رجع اللمبة و الكتاوت و هات لمبة 90 تركب عندك من غير كتاوت و مش ها تسبب مشاكل
لو عايز وات اعلى من 90 يبقى لازم كتاوت
غير اللمبة فى نقطة مهمة:
لو وش الفانوس نفسه مشبر و مغيم يبقى انسى
كل الكلام ده مش ها ينفع و يستحسن تغير الفانوس نفسه مع اللبات الجديدة عشان النور يتحسن

**kemo_nagy** · 28-03-2008 05:20 AM

ألف شكر يا باشا و من الواضح انى هنسى فعلا لأن شكلو كدة وش الفانوس مشبر و مش معايا اجيب فانوس فا من الواضح بردو انى هقضيها نزول بالنهار بس اهو منة ادب بردو:d:d:d:d

**أبو_حمزة** · 31-03-2008 01:26 PM

بص هو فى حاجة الكهربائى قال لى عليها لأن عندى نفس مشكلتك بس لسه ما جربتهاش
فى واحد فى الجيزة بيجلى الفوانيس و يخليها فى حالة كوية قريبة للجديد
تتكلف بتاع 40 جنية للجوز
بس مش لاقى وقت اروح له لو تحب اوصفه لك تروح تجرب وتبقى وفرت بتاع 200 جنيه
على فكرة الفانوس التايوانى ب125 يعنى مش غالى

**amr_elrashidy** · 31-03-2008 01:34 PM

ياريت ياباشا تقولنا على الرجل بتاع جلى الفوانيس ده عشان انا كمان عندى نفس المشكلة..و الا الواحد يروح يستنضف اتنين استيراد

**kemo_nagy** · 07-04-2008 08:11 PM

المشاركة الأصلية كتبت بواسطة sabbagh

بص هو فى حاجة الكهربائى قال لى عليها لأن عندى نفس مشكلتك بس لسه ما جربتهاش
فى واحد فى الجيزة بيجلى الفوانيس و يخليها فى حالة كوية قريبة للجديد
تتكلف بتاع 40 جنية للجوز
بس مش لاقى وقت اروح له لو تحب اوصفه لك تروح تجرب وتبقى وفرت بتاع 200 جنيه
على فكرة الفانوس التايوانى ب125 يعنى مش غالى

شكرا يا باشا على الرد بس عايز اعرف منك حاجة الجلى دة لللأصلى بس ولا للتيوانى كمان لأن انا اللى راكب عندى مش عارف تيوانى ولا يابانى الأصلى بس انا عرفت انو بلاستك مش زجاج

**kemoelord** · 07-04-2008 08:54 PM

السلام عليكم :_
بص يا كيمو باشا انا كانت عندي المشكله دي وعانت الامرين معاها ,, هي العربيه " دايو لانوس 99 " تمام وروحت وزودت قوة الاضاءة اول مره لانها كانت ( 50/55 ) طبعا ضعيفه جدا فزودتها ل ( 90 /100 ) بس حسيت ان الاضاءة مش قويه خصوصا لما كنت بمشي في طرق مظلمه ومش كنت بشوف حاجه فروحت لكهربائي تاتي خالص فوجد ان الفانوس الشمال عندي مترب ومهبب كده فغسله وقالي انا هزودلك الاضاءة علشان تبقى ( 200 / 260 ) وفعلا وبعد معاناه الاضاءة بقت قويه جدا والعالي تبعه بقى حلو ما شاء الله بس قالي نقطه كده بعد ما ركبه قالي ان الفوانيس بصفه عامه بتستحمل درجه حرارة معينه وقالي الكلام ده بعد ما ركبهم لانه قالي الفوانيس بتبقى درجة تحملها الطبيعيه بتقى اضاءة ( 50 / 55 ) الي حتى العربيات الزيرو بتبقى نازلها بيها وشكراااااا واسف على الاطاله

**hazem_khidr** · 08-04-2008 06:17 AM

ياجماعة طلب صغير كدة لو حد يعرف حاجة عن نقل ملكية لانسر كريستالة 1999 1300 سي سي ياريت يفدنى لأن خلاص الرخصة بتاعتها قربت على الأنتهاء و عايز انقل ملكيتها بدل التوكيلات

بتسجلها لنفسك في الشهر العقاري بموجب التوكيل
و تجيب شهاده مخالفات من المرور التابع ليه العربيه (المفروض المالك الاصلي يجبهالك)
بس بتبقي مدتها شهر واحد فقط من تاريخ البيع
و لو حترخص العربيه في مرور غير مرور العربيه بتجيب شهاده بيانات من مرور العربيه.
و تروح للمرور بتعك بلرخصه و اللوحات و شهاده البيانات و شهاده المخالفات و ترخص العربيه و تسلم اللوحات و تستلم لوحات جديده.

طلب كمان معلش انا الأضاءة بتاعت الانسر ضعيفة جدا جدا جدا

لو معندكش كتاوت ركب كتاوت الاول قبل تغيير اللمبات و لو ما جابتش نتيجه غير اللمبت بلمبات هالوجين الماني و لو فوانيسك وحشه نضفها و لو حالتها تعبانه اصبر شويه و هات اتنين استعمال نضاف

**أبو_حمزة** · 08-04-2008 01:19 PM

عديت على الراجل بتاع الفوانيس اللى قولت لكم عليه
و حصل لى مفجئتين
أولا السعر عالى يعنى فانوسين كريستاله يتكلفوا 150 جنية (كتير قوى)
المفاجأه التانية هى جودة الشغل ممتااازة و الفوانيس بترجع جديدة بجد
هو بيدخل الفانوس فرن كهربا عشان يسيح لزق وش الفانوس
بعد كده بيلمع الوش بكمباوند كيميائى مخصوص
و عواكس الفانوس بيلمعها و يوضب الفانوس تمام و بعد ما يجمعة تانى بيبقى وش الفانوس تقول عليه جديد
انا استكترت السعر عشان الفانوس عندى فيه حته مكسورة بس لو سليم كنت خليته يعمله و بفكر اجيب 2 تايوانى
الراجل ده فى شارع المدبح فى الجيزة على الشمال قبل مطلع كوبرى العمرانية
وعلى فكرة الشغل بياخد وقت لحد 4 ساعات

**kemo_nagy** · 08-04-2008 02:25 PM

المشاركة الأصلية كتبت بواسطة hazem_khidr

بتسجلها لنفسك في الشهر العقاري بموجب التوكيل
و تجيب شهاده مخالفات من المرور التابع ليه العربيه (المفروض المالك الاصلي يجبهالك)
بس بتبقي مدتها شهر واحد فقط من تاريخ البيع
و لو حترخص العربيه في مرور غير مرور العربيه بتجيب شهاده بيانات من مرور العربيه.
و تروح للمرور بتعك بلرخصه و اللوحات و شهاده البيانات و شهاده المخالفات و ترخص العربيه و تسلم اللوحات و تستلم لوحات جديده.

لو معندكش كتاوت ركب كتاوت الاول قبل تغيير اللمبات و لو ما جابتش نتيجه غير اللمبت بلمبات هالوجين الماني و لو فوانيسك وحشه نضفها و لو حالتها تعبانه اصبر شويه و هات اتنين استعمال نضاف

الف شكر يا حازم باشا بجد شرحك وافى فى الرخصة لك جزيل الشكر
بخصوص الأضاءة انا فعلا عندى كتاوت و روحت اشتريت لمبتين هالوجين زرق 200\260 و الأضاءة متغيرتش كتييير عن الأول مش عارف اعمل اية و من الواضح ان الفوانيس اللى عندى مش أصلية (الوش بتاعها بلاستيك)تفتكر فى حل غير انى اجليهم؟؟؟؟؟

الموضوع: لانسر كريستالة1999 و مشكلة فى الأضاءة

LinkBack

أدوات الموضوع

عرض

-

-

-

-

المواضيع المتشابهه

لانسر كريستالة1999

مشكلة فى لانسر 98

برجاء دخووووووووول أهل الخبرة بخصوص الأضاءة

مشكلة فى لانسر

مشكلة مع لانسر

الكلمات الدلالية لهذا الموضوع

المفضلات

المفضلات

ضوابط المشاركة