مشكلة فى الفرامل

**mrghost** · 27-03-2008 08:24 AM

السلام عليكم ورحمة الله وبركاتة
انا عندى عربية شاهين الفرامل بتاعتها مجننانى البدال بتاع الفرامل تقيل جدا جدا لدرجة انى ساعات بامسك فى الدركسيون جامد علشان ادوس عليه ونفسى اعرف ده عيب ايه مع العلم انى غيرت الماستر العمومى ومافيش فايدة ارجو الرد
وشكرا

**nobody** · 27-03-2008 09:25 PM

يبقى انت كده عندك مشكلة في السرفو
ممكن تتأكد انه سليم بان العربية تكون مطفية و رجلك تكون على الفرامل و تشغل العربية لو الدواسة نزلت معاك يبقى كده السرفو سليم للمزيد
http://www.aa1car.com/library/pwrsteer.htm
يبقى ممكن تكون المشكلة عندك في الزيت شوف قربة الزيت لو لونه داكن يبقى لازم تنزل الزيت ده من الأربع عجلات هو انت اخر مرة غيرت زيت الفرامل امته؟

**mrghost** · 28-03-2008 10:09 AM

السلام عليكم ورحمة الله شكرا على الرد
بصراحة انا عمرى ماغيرت الزيت من ساعة ماجبت العربية من 3 سنين ولونه داكن وإن شاء الله هغيره واشوف النتيجة

**ahmed1981** · 29-03-2008 12:30 AM

المشاركة الأصلية كتبت بواسطة nobody

يبقى انت كده عندك مشكلة في السرفو
ممكن تتأكد انه سليم بان العربية تكون مطفية و رجلك تكون على الفرامل و تشغل العربية لو الدواسة نزلت معاك يبقى كده السرفو سليم

كلام سليم
دوس على الفرامل مرتين تلاتة قبل ما تدور السيارة وقيس ثقل دواسة الفرامل
ثم شغل المحرك
ثم دوس على دواسة الفرامل ثلاثة أو أربع مرات
لو أحسست أن الدوسة المرة الثانية بعد تشغيل المحرك أسهل بكثير من الأولى
إذن السرفو سليم
لكن لو الفرق بين الحالتين قليل
إذن السرفو يحتاج للتغير أو للإصلاح

روح للبلبيسي بتاع الفرامل عند مساكن عين شمس قريب من المزلقان وهيعملك اللازم

**عزيز محمد** · 29-03-2008 12:45 AM

السلام عليكم ورحمة الله وبركاته

طيب ما توصف لنا مكان البلبيسى ده وصف محدد أكثر يا باشمهندس

وجزاك الله خيرا

**ahmed1981** · 29-03-2008 09:57 AM

المشاركة الأصلية كتبت بواسطة عزيز محمد

طيب ما توصف لنا مكان البلبيسى ده وصف محدد أكثر يا باشمهندس

نبدأ من جسر السويس بإتجاه السلام بعد فندق السلام
تفضل ماشي لحد لمل يكون على الشمال مدخل مساكن عين شمس (مدخل كوفرتينا) وبجواره سنترال
تمشي والسنترال على يمينك لغاية لما سور القطار يصبح على يمينك
تفضل ماشي مع القطار حتى تجد فتحة مزلقان في سور القطار
تلف وترجع في نفس الشارع وتمشي والقطار على شمالك وعند تاني مدخل يمين تقريباً تدخل وتسأل عن البلبيسي بتاع الفرامل
وهو مشهور هناك أكثر من النار على العلم وفيه يافطة البلبيسي عند المحل بتاعه وجنب المحل ساحة
لو سألت أي ميكانيكي في هذه المنطقة هيوصلك ليه بإذن الله