الموضوع: الكاوتش الجديد ؟ ورا ولا قدام

المشاركة الأصلية كتبت بواسطة tarekabosdera

مش كويس برضه ان تماسك العربية من قدام يبقى ضعيف ومن وررا كويس المفترض يكون في اتزان

معاك قلبا و قالبا... بس دة يستدعى تغيير الاربع اطارات و دى حالة مختلفة عن الحالة اللى بنناقشها... الحالة بتاعتنا هى تغيير فردتين فقط

ومش معنى اني أغير الكاوتشات اللي عليها الحمل الأقل اني أخاطر باحتمالية انفجار أحد الاطارات الأمامية واللي لا يقل خطرا عن انفجار الاطارات الخلفية .

لو بنتكلم فى خطورة انفجار يبقى الفردتين القدام اساسا لا يصلحوا للاستخدام الادمى و سواء ركبتهم ورا ولا قدام كدة كدة حتحصل مصيبة

الحالة اللى بندرسها هى فرق فى قوة التماسك بين الاطارات الجديدة و اللى مش جديدة بس صالحة للاستخدام

الاطار الجديد حيدى تماسك احسن بالتالى حيثبت طرف العربية اللى راكب علية... انزلاق مقدمة السيارة حيعمل under steer و دة قليل الخطورة و سهل السيطرة علية... اما فقد تماسك ضهر العربية حيعمل over steer و دة يؤدى الى عواقب وخيمة و فقد كامل للسيطرة على العربية

على فكرة دة نفس السبب ان الفرامل الخلفية فى العربيات بتبقى اقل قوة من الامامية و مش بتقفش لما تدوس فرامل على الاخر (او على الاقل بتقفش بعد لما العجل الامامى بيقفش) لان لو العجل الخلفى قفش الاول (فقد تماسكة بالارض) العربية حتلف منك و مش حتعرف تسيطر عليها

من المفترض أصلا اول ما الواحد يجيب العربية بيبدل الاطارات دوريا ( اللي ورا يحطه قدام واللي قدام يحطه ورا ) عشان معدل التآكل يكون متساوي لحد ما عمر الاطارات الافتراضي ينتهي بعد كده المفروض يتغيروا كلهم ( الالابعة ) عشان مستوى الأمان يكون عالي وترحم نفسك من حيرة أحط الجداد قدام ولا ورا ...................

عداك العيب و قزح

MMamdouh