تعديل ماتور البيتلز (ٍٍٍsuper sport)

**volex74** · 23-12-2010 11:17 PM

انا استلمت عربيتى النهاردة بعد العمرة

انا مش قادر اوصفلكم اداء العربية خصوصا بعد التعديلات و هى

1-تركيب 2 كاربريتير
2-تركيب اسبراتير الكترونى
3-تركيب موبينة الكترونى
4-طرنبة بنزين كهرباء
5-ديسك واسطوانة سريع
6-بوجيهات 3 شمعة
7-فتيس سريع

اللى عملى التعديلات دى ميكانيكى اسمة مسعد بجد محترف

اسيبكم مع الصور

هنا فى2 كاربريتير واحد على اليمين و واحد على الشمال

**smsmxxxxxx** · 24-12-2010 06:50 AM

الف مبروك على التعديلات

اكتر حاجة عجبتني التعديلات على الكشافات الامامية
مدية شكل شرير جدا
انتا عملتهم ازاى علشان عايز اعمل زيهم

وكنت عايز اعرف انتا ركبت حساس حرارة الزيت فين واشتريت العداد منين وبكام

وياريت تركب ار بي ام مفيد جدا

الف مبروك مرة تانية

---------------------
محمد سالم

**mmoneim** · 26-12-2010 12:07 PM

الف مبروك بس ياريت ترفع الصور والاسعار كمان للافاده

**pompo** · 26-12-2010 06:43 PM

اولا الف مبروك علي التعديلات والعمرة وربنا يباركلك فيها
هو انا مش محترف في العربية بس في شوية اسألة
1- الماتور كان اصلا كاربيراتير واحد ؟
2- لو حبيت تغير البوجيه الخلفي كدة هتحتاج تنزل المتور ؟وانا شايف ان في لحامات وحاجات غريبة ياريت تقولنا ايه هيا
ويعني اية فتيس سريع واسطوانة سريعة

**Mohamed Fathy** · 26-12-2010 07:15 PM

الف مبروك على التعديلات ;)

**ahit** · 26-12-2010 08:09 PM

ألف مبروك
ربنا يباركلك فيها

لكن أنا شايف إن الموبينة عادية مش إلكترونى ؟
لو تكرمت تقولنا جبت ال 2 كربراتير منين و بكام ؟ و تكلفة التركيب ؟
تكلفة الفتيس و الديسك و الإسطوانة كام ؟
شكراً

**beetleMOSH** · 28-12-2010 02:02 PM

جميل جدا جدا جدا الكلام ده
و الف الف الف مبروووك التعديلات
و الله ببقى مبسوط اوى لما بلاقى حد بيظبط العربيه كده

نيجى بقى لشويه الاسئله

هو مسعد ده اللى قدام شريط القطر ؟ صح
موتورك كام سى سى ؟
و الفتيس السريع ده اللى هو اكسات ولا كبالن ؟
و الفوانيس اللى ورا كريستال دى جايبها و لا عاملها عموله ؟
الجنط فلانشات ولا تخريم فى الطنابير ؟
و يا ريت اسعار الحاجات دى

**beetleMOSH** · 03-01-2011 04:37 PM

معلومه عن الفوانيس :
لقيتهم انهارده عند صلاح شاكر اللى فى ميدان الجامع
و عاملين 290 جنيه
بس بصراحه شكلها وهمــــــــــــــــــــــ ـــــــــــــــــــــــــ ـــــــــــــــــــــــــ ـــــــــى