الموضوع: عربية بالمواصفات ديه وبالسعر ده

بسم الله الرحمن الرحيم

اولا انا بأشكر كل اعضاء المنتدى لأنهم بجد ساعدونى زى ما ساعدو ناس كتييييييييير
ثانيا ياجماعة العربية الى انا بسأل بخصوصها وهى النيو سيراتو 2011 مانيوال

انا بصراحة بفضل سواقة المانيوال بحس ان العربية بتدينى الى انا عايزه بعكس الاوتوماتيك بحس انى عايز انام وانا بسوقها بس اكيد طبعا الواحد نفسه يحس بالرفاهية الى بتديها كماليات الاوتوماتيك
نزلت اسأل بالنسبة للوكيل لقيت الكماليات الى فيها ضعييييفة جدا مقارنة بالاوتوماتيك او الستبترونيك "كاسيت رفيع شكله مش قد كده, طاسات بدل جنوط, مفيش ليدات فى المرايات" من الاخر عربية للى عايزيركب ماركة كيا فقط لا غير
ولما سألت قالولى ممكن تجيب خليجى كويتى مانيوال مفيهاش الكماليات العالية بس هتاخد معاها جنوط 15و فرامل ABS, فتيس 6 غيار بس برضه هيبقى فيها الكاسيت الرفيع ومفيش برضه الليدات فى المريات وكانت ب 99000 جنيه
وبعد بحث عمييييييييق لقيتها
سيراتو 2011 مانيوال "جنوط 16, فرامل ABS, ليدات بالمرايات, والمفاجأة كاسيت عريض, طارة مالتى فانكشن,
1 ايرباج, فتيس 6 غيار الجديد, المفتاح الجديد ولقيتها ب 105000 جنيه
اغلى 6000 عن الى زيها
الموضوع مش مهم قدام الكماليات ديه بس انا ملاحظ ان فرق السعر مبالغ فيه شوية
وكمان انا مش متأكد من نوعها اذا كانت اردنية او سعودية لانى لقيتها عند 2 بس واحد قال اردنى والتانى قال سعودى ياريت ياجماعة لو حد جابها او حتى يعرف حد جابها يفهمنى قصتها وانهى احسن سعودى ولا اردنى؟؟!
ولو فيه حد تانى يكون مضمون يبقى خير وبركة مع العلم انى سألت عند جابر عبد الشهيد قالى معندوش مانيوال اساسا وهل هيا ستوكات قديمة ولا ايه عشان انا ملاقتش غير 3 الوان منها بس ابيض وفضى وفيرانى!!!
ولا ممكن تكون وحشة او ملعوب فيها عشان كده الناس ديه مبتستوردهاش مش فاهم!!
افيدونى ياجماعة لانى المفروض اشترى قبل السنة الجديدة
وربنا يقدم الى فيه الخير فى الاول وفى الآخر
وجزاكم الله كل خير

العربيه شحيحه هتجيبلها منين دسك واسطوانه

معناه ايه الكلام ده يا Simon ؟