هل يفضل أستخدام زيت ثقيل لما المكنة تكون خفيفة ؟

**mahmoudbadr** · 03-01-2011 08:46 PM

المشاركة الأصلية كتبت بواسطة samirayad

فوائده

1- سد الحبك أو الخلوص بين الشنبر وغرف الحريق من الداخل فى حالة زيادة الخلوص

2- تقليل الفقد الناتج من زيت التزييت وهروب زيت لغرف الحريق

وبالتالى التأثير على شغل دورة الأشتعال

3- يقلل من تعرض محرك السياره لنقص شديد فى مقدرته على سحب السياره

4- وفره ماديه أكثر فى هذه الأحوال

عيوبه

1- قد يؤثر قليلا على عزم المكنه نتيجة زيادة اللزوجه

2- قد تقابلك صعوبه فى دوارة المكنه وخصوصا فى الجو البارد صباحا أو مساءا بعد جراج السياره لمده طويله ( نتيجة برودة الزيت )

ولكن تلك النقطه لها علاج وفعال

وهو بفصل الدبريا ج أثناء محاولة الدواره ( الضغط على الدواسه لآخر مشوارها )

لتخفيف الحمل على المارش الكهربائى لمحرك السياره وبالتالى الدواره بمنتهى السهوله

حمدا لله على السلامة يا باشمهندس

و منور الورشة

بس مش بنشوفك كتير ليه

و كالعادة لازم نسأل علشان نستفيد منك

هل زيت الشنبر دة يوضع مع كل غيار ولا مرة أو مرتين ؟

**samirayad** · 03-01-2011 09:00 PM

الله يخليك يادكتور / محمود

وبالنسبه لزيت الشنبر مع المكنه الخفيفه

فهو مرتبط بزيت المكنه

موجود ...........يبقى معاه

نزلنا الزيت ..........يبقى نزل معاه

ولازم مع كل غيار يتحط زيت شنبر جديد

**mahmoudbadr** · 03-01-2011 09:04 PM

المشاركة الأصلية كتبت بواسطة samirayad

الله يخليك يادكتور / محمود

وبالنسبه لزيت الشنبر مع المكنه الخفيفه

فهو مرتبط بزيت المكنه

موجود ...........يبقى معاه

نزلنا الزيت ..........يبقى نزل معاه

ولازم مع كل غيار يتحط زيت شنبر جديد

شكرا يا باشا و كل سنة و انت طيب

**samirayad** · 03-01-2011 09:14 PM

الله يخليك

**roky** · 04-01-2011 01:00 AM

يا سلام يا باشمهندز سمير ... انت كده طمنتني ربنا يطمن قلبك

تخيل موضوع الزيت الثقيل ده كان عاملي هسهس بعد ماحطيته لدرجة ان ليلة امبارح جالي كابوس سخيف قال ايه ان الزيت في الماتور تقل قوي و بقي سمنه بس سمنه بلدي طبعا مش سمن النخلتين

حركة أدوس دبرياج و انا بدور العربية دي بعملها علي طول ... (تلميذك يا باشا)
ولكن هل معني كده اني محتاج اسخن العربية حبة قبل ماطلع عشان الزيت التقيل يخف شوية؟

مع وافر تقديري و احترامي

روكي