الموضوع: رفقا بوكيل السيارة byd (شركة الامل)

استاذ محمود mmmmgogommmm الحقيقة انا حاسس ان سيادتك ناوى على شراء السيارة والف مبروك مقدما اعقلها وتوكل فى يوم مر على اخ عزيز لتغيير شمعات فلتر المياه وهو باع سيارته البيجو القديمة وسالنى على سيارة وقال لى معه 44 الف جنيه وراى صور ال byd f3 على الكمبيوتر وقابلته بعد خمسة اشهر وقال لى انه اشترى السيارة وقسط الباقى وكان فى قمة السعادة بها واكتشفت انه عمل بها 15 الف كيلو مشاوير للغردقة واستهلاك السيارة ممكن يصل الى 280 كيلو فى الصفيحة على الطوالى وهو يحملها بالعدة وفلاتر ويجرى بالسيارة الى 160 كيلو فى الساعة احيانا حسب قوله اعجبنى التلقائية والجراة التى تصرف بها ان يذهب يشترى سيارة صينى غير منتشرة فى المنيا ولايسمع بها احدا وجلس معى فترة يعدد لى مزايا السيارة ويشكر فيها المهم ان سيادتك تعرفنا اللون الذى اخترته لسيارتك الجديدة والف مبروك عليك مقدما وعقبال مانباركلك على صيانة المليون كيلو

الف مبروك لكل من قرر أن يشترى السياره ...ومنهم أنا ...ولى سؤال لأساطين ال f 3 كما يحلو لى أن أسميكم..
هل المشاكل المطروحه هنا تخص التجميع المصرى فقط أم الصينى أيضا ؟
السياره التى أنوى شرائها هى موديل 2007 من أول رسالة 100 عربية byd دخلت مصر فهل هناك أى معلومه عن فرق التقفيل المصرى عن التقفيل الصينى؟
وما هو السعر المناسب للسياره ( 46000 كيلو ) - الأكصدامات مرشوشه - ومش عارف هى gli ولا gi
انا لسه بايع ال 128 أول إمبارح....ومقضيها مواصلات....وعايز أخلص
النهارده ابنى الصغير كان عنده تمرين وروحنا بتاكسى رايح (إخترته byd بالمناسبه ) ومترو راجع ...وما أدراك ما مترو مصر الجديده....الولد نام منى على المحطه....(خليهم يجمدوا شويه ) ...فأرجوكم يا أساتذتى الكرام اللإفاده بالرأى
ولكم جزيل الشكر.

استاذ ابو ياسمين---دكتور مناهرى ---استاذmemosانا بدات فى اجراءات الشراء زيرو باذن اللة من الشركة العالمية للتجارة (عبد اللطيف جميل) تقسيط اسلامى-----واخترت اللون الرصاصى (رمادى) شيك وهادى وحاسس انة بيلمس حاجة جوايا---والمدام والاولاد عاجبهم اللون جدا مع انى كنت اتغاضى عنة واجيب اى لون تانى يفضلوة بس ربنا سلم-- باقى الالوان بديعة جدا بس اللون الابيض والاحمر والنبيتى كانوا عندى-- واللون الاسود جميل جدا هو شيك وفية فخامة غريبة بس بجانب البيت مدرسة جميلة وراقية بس التلامذة موقفهم من العربيات اللى راكنة غير راقى على الاطلاق والاسود زى ما حضراتكم عارفين بيبان فية الخرابيش ----واللون النحاسى رائع وغير تقليدى بس هيكون ملفت وانا مبحبش الاختلاف عن الناس والظهور -----اللون الكحلى مدهش مدهش بس بيشترك مع الاسود فى نفس المشكلة--لذلك فضلت الرمادى وربنا يوفق ودعواتكم انشاء اللة تكون من حظى وواللة من اكترالامور اللى محببانى فى العربية دى صحبتكم الغالية وشكرا

المشاركة الأصلية كتبت بواسطة mmmmgogommmm

استاذ ابو ياسمين---دكتور مناهرى ---استاذmemosانا بدات فى اجراءات الشراء زيرو باذن الله من الشركة العالمية للتجارة (عبد اللطيف جميل) تقسيط اسلامى-----واخترت اللون الرصاصى (رمادى) شيك وهادى وحاسس انة بيلمس حاجة جوايا---والمدام والاولاد عاجبهم اللون جدا مع انى كنت اتغاضى عنة واجيب اى لون تانى يفضلوة بس ربنا سلم-- باقى الالوان بديعة جدا بس اللون الابيض والاحمر والنبيتى كانوا عندى-- واللون الاسود جميل جدا هو شيك وفية فخامة غريبة بس بجانب البيت مدرسة جميلة وراقية بس التلامذة موقفهم من العربيات اللى راكنة غير راقى على الاطلاق والاسود زى ما حضراتكم عارفين بيبان فية الخرابيش ----واللون النحاسى رائع وغير تقليدى بس هيكون ملفت وانا مبحبش الاختلاف عن الناس والظهور -----اللون الكحلى مدهش مدهش بس بيشترك مع الاسود فى نفس المشكلة--لذلك فضلت الرمادى وربنا يوفق ودعواتكم انشاء الله تكون من حظى ووالله من اكترالامور اللى محببانى فى العربية دى صحبتكم الغالية وشكرا

ألفين مبروك ....ربنا يعطيك خيرها ويبعد عنك شرها