الموضوع: البنزين مرة كمان وكمان

المشاركة الأصلية كتبت بواسطة mostafa123

الإخوة الأفاضل جميعا
السلام عليكم ورحمة الله وبركاته
أسف جدا لعدم دخولى المنتدى للإجابة على أسئلتكم
المعدل الذى ذكرته هو على الطريق السريع مع العلم أن هناك حوالى 150 كم كانت السيارة حمولة كاملة ومسافات كتيرة على 120-160 كم/ساعة..
على العموم مازلت أمنى نفسى أن معدل إستهلاك البنزين يمكن تحسينه ببعض الإجراءت الأخرى والتى سأقوم بها بشكل منفصل ومتباعد إلى حد ما كى أحكم على تأثير كل إجراء على إستهلاك البنزين.. وما سأقوم به هو الآتى إن شاء الله على التوالى..
1- تغيير زيت موبيل إلى زيت شل كما ذكرتم
2- تغيير فلتر الهواء بأخر ماركة جيدة
3- تغيير البوجيهات إلى ngk platinium.
سأقوم بإخباركم بالتفاصيل أول بأول إن شاء الله تعالى..
هناك شئ أخير
صيانة العشر ألاف عل الأبواب ... تقريبا بعد إسبوعين أو ثلاث.. للأسف مش هقدر أروح أسكندرية علشان بعض المتاعب الصحية وهأضطر أروح القطامية وربنا يستر.. أنا دلوقت راض إلى حد كبير عن أداء العربية وإستهلاكها للبنزين ومش عايز حد من الشركة يهوب بالكمبيوتر ناحية العربية أحسن ترجع تتعفرت تانى.. وبرضه مش عايز زيت موبيل المهبب ده وكمان هغير فلتر الزيت بفلتر متسوبيشى أصلى إن شاء الله .. يعنى بإختصار مش عايز أى حاجة من مركز الصيانة فى الصيانة دى .. ممكن تقولوا لى أعمل إيه.. أنا عايزهم فقط وفقط لاغير وفقط بس وفقط جدا يكشفوا على عفشة العربية علشان بتهبط جامد لما بيركب 3 افراد فى الكنبة.. ممكن تشيروا على أعمل إيه ولا لازم الكمبيوتر يسلم عل العربية والفلتر والزيت يكونوا من التوكيل؟؟ أخيرا.. هل يوجد شئ لا بد من تغييره فى صيانة العشرة ألاف غير الزيت والفلتر؟؟
شكرا لكم جميعا
والسلام عليكم

اخى الكريم
لك رسالة على الخاص
تقبل تحياتى

المشاركة الأصلية كتبت بواسطة adel418

من خلال قرائتى لتجربة الأستاذ مصطفى قررت التجربة والسير على نهجة فكان الأتى
1- بالفعل احسست ان صوت الموتور اصبح اهدأ قليلا
2- سحب السيارة كان كما هو بلا تعديل
3- المىحظة الثالثة والأهم فى التجربة كانت كما قال الأستاذ محمد فى تجربتة ان السيارة لا تدور من اول مرة - انا حدث معى شىء جديد وهو لما قمت بتموين السيارة من جديد ببنزين 92 فؤجئت بأن السيارة توقفف محركها فأستغربت من الموقف فقمت بأدارتها من جديد وتوقفت فأدرتها للمرة الثالثة مع الضغط على دواسة البنزين فدارت بشكل جيد واستنتجت ان بنزين 90 بة رواسب ممكن تكون عاملا فى سد الرشاشات -
لذلك قررت الا امون بنزين 90 مرة ثانية

الأخ الفاضل عادل
شكرا لك على مشاركتك لنا تجربتك..
تجربتك وتجربة الأخ كوكى جون من قبل وتجربتى توضح إن كل سيارة بختك يابو بخيت.. يعنى مفيش طريقة ممنهجة وخطوات ثابتة يمكن إتباعها فى كل السيارات لتلافى عيب معين.. فانت وحظك بقى.. وعلشان كده أنا كتبت فى أول مداخلة لى فى هذا الموضوع إن أى حد عايز يجرب بنزين 90 فعليه أن يجربه على مسؤليته الشخصية.. معلومة أخيرة... كنت قرأت قبل كده على إحدى صفحات المنتدى إن بنزين 90 أنضف من بنزين 80 وبنزين 92 أنضف من الإثنين دى معلومة خاطئة تماما.. فممكن أوى إن بنزين 92 يكون أسوء من 80 و 90 لو فيه شوائب أو رواسب.. فالفرق بين الثلاثة أنواع يكمن فى رقم الأوكتين فقط وليسه له علاقة بالرواسب والشوائب..
وشكرا
والسلام عليكم