الموضوع: هل تسقيط المواتير يعيب العربية فى شىء عند اعادة البيع؟

المشاركة الأصلية كتبت بواسطة mokhtar71

عندك حق يا باشا الجرى انواع يعنى لو مكنتش حريص وانتا بتجرى لا قدر الله ممكن تقلب بغم ربنا يسترها معانا جميعا.....
وعلى فكرة المتعة فى الجرى بتيجى من ارتفاع نسبة الادرينالين فى الدم فبيخلينا نحس بمتعة بتكسر الملل اللى بنعيشة يوميا فى الشغل مثلا فبنكون محتاجين شوية ادرينالين كل فترة تظبطنا شوية وعلى راى توم كروز i'm in need....need for speed

فعلآ أنا عندي حاجة إسمها إدمان آدرينالين ومفيش أسهل من إنك تجيبه بشوية جري بالعربية
بجد متعة مابعدها متعة
بس الحمد لله بردو بنجري بعقل :)
إحم...أنا كده خرجت برة الموضوع أصلآ
أنا كان ليا سؤال هوا إمتي بتبقي محتاج إنك تسقط موتور إستيراد
قصدي يعني بعد كام سنة من ولادة المحروسة :))
وليه إستيراد ومستعمل ماينفعش جديد?

انا كنت عايز اقول حاجة ان السوق بتاعنا هنا في مصر غريب شوية بيعترف بحاجات و بيرفض حاجات غريبة وكلام التجار والبيع والشراء بيبقي كلو بهدف انو يقلل من سعر العربية وخلاص حتي لو كسر زيرو يقولك مشييت و يبنزلو ب 10000 و 15000 وفي ناس بتبقا فاهمة كويس وبتقدر الحاجة زي عندك مثلا لو عربية فابريكة وفيها خدوش وبطنات احسن عند التاجر من اللي راشة نضافة رغم انك تركب عربية مرشوشة نضيف احسنلك كمستخدم ونفس القصة لو عربية موتورها الاصلي (المثبت) والموتور تعبان احسن عندهم من اللي مسقط موتور حتي لو حالتو زيرو و حاجات غريبة كتير انا لما بلف علي تجار او يكون عندي حد عايز عربية او يبيع عربية بشوف البدع مع التجار